28-Aug-2021

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ଅଧିନସ୍ଥ ଯୋଗେଶ୍ୱର ମନ୍ଦିର ପ୍ରାଙ୍ଗଣରେ ବିନିକା ବ୍ଲକ ଗ୍ରା.ପ ଚତୁର୍ଥ ଶ୍ରେଣୀ କର୍ମଚାରୀଙ୍କ ଜିଲ୍ଲାସ୍ତରୀୟ ଵୈଠକ ଅନୁଷ୍ଟିତ ହୋଇଯାଇଛି l ବ୍ଲକ ସଭାପତି ଗୋବିନ୍ଦ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଜିଲ୍ଲାର ସମସ୍ତ ବ୍ଲକରୁ କାର୍ଯ୍ୟକର୍ତ୍ତା ମାନେ ଯୋଗଦେଇଥିଲେ l ଏଥିରେ ଉଚ୍ଚତମ ନ୍ୟାୟାଳୟଙ୍କ ଆଦେଶ ମୁତାବକ ସମାନ କାମକୁ ସମାନ ବେତନ,ଦୈନିକ ମଜୁରୀ ଅନ୍ୟୁନ ୩୦୩ଟଙ୍କା ୪୦ପଇସା ପ୍ରଦାନ,୧୬୪ର ୧୨୩ଧାରା ଓ ୨୦୧୪ ମସିହାର ୧୨୫ଧାରାକୁ ସଂଶୋଧନ କରାଯାଇ କାର୍ଯ୍ୟରତ କର୍ମଚାରୀଙ୍କୁ ସ୍ଥାୟୀ ନିଯୁକ୍ତି କରାଯାଉ ଆଦି ଦାବି ସରକାର ପୂରଣ ନ କଲେ ଆଗାମୀ ପଞ୍ଚାୟତ ନିର୍ବାଚନରେ ଅସହଯୋଗ କରାଯିବ ବୋଲି ସଭାରେ ପ୍ରସ୍ତାବ ଗୃହୀତ କରାଯାଇ ସ୍ଥାନୀୟ ବିନିକା ବିଡିଓଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲାପାଳଙ୍କ ଉଦ୍ଦେଶ୍ୟରେ ପ୍ରଦାନ କରାଯାଇଛି l ଅନୁଷ୍ଟିତ ଏହି ବୈଠକରେ ଜିଲ୍ଲା ସଂପାଦକ ଗୋପୀନାଥ ଭୁଏ,କମିଟି କାର୍ଯ୍ୟକର୍ତ୍ତା ବିଦେଶୀ ରଣା,ମହେଶ୍ୱର ଥନାପତି,ସାନନ୍ଦ ପାଣ୍ଡେ,ମକରଧ୍ବଜ,ମାଧବ ପ୍ରଧାନ,ତ୍ରିଲୋଚନ ବେହେରା,ଦଶରଥ ବାଘ,ପ୍ରତାପ ବାରିକ,ଧନଞ୍ଜୟ ଛନ୍ଦ,ବିରଞ୍ଚି ପ୍ରଧାନ,ରବୀନ୍ଦ୍ର ବେହେରା,ରାଇଟର ନାଗ ପ୍ରମୁଖ ସାମିଲ ହୋଇ ନିଜନିଜ ମତ ଉପସ୍ଥାପନ କରିଥିଲେ l