18-Aug-2021

ଲୋଇସିଂହା, (ବିନୋଦ କୁମାର ଦୀପ): ଲୋଇସିଂହା କୁସମେଲ ପଂଚାୟତ ଘୁଁଗି ଗ୍ରାମରେ ଘଟିଛି ଏକ ଅଭାବନୀୟ ଘଟଣା l ଗୁରୁ ସାଜିଲେ ଗୁଣ୍ଡା, ଘଟଣାଟି ଏହା ଯେ ଜାତୀୟ ପତାକାକୁ ଅସମ୍ମାନ କରୁଥିବା ଅଭିଯୋଗ କରିବାରୁ ଗାଁର ଯୁବକକୁ ମାଡ଼ ମାରିବା ସହ ହାତ କାଟି ଦେବାକୁ ଧମକ ଦେଇଛନ୍ତି ପ୍ରଧାନ ଶିକ୍ଷକ । ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ର ଘୁଙ୍ଗି ଗ୍ରାମରେ l ଗତ ଅଗଷ୍ଟ ୧୫ ତାରିଖ ଗାଁର ସ୍କୁଲରେ ପତାକା ଉତ୍ତୋଳନ ହୋଇଥିଲା l ନିୟମ ଅନୁସାରେ ସନ୍ଧ୍ୟା ପୂର୍ବରୁ ଜାତୀୟ ପତାକାକୁ କାଢିଦେବା କଥା l କିନ୍ତୁ ଏହି ସ୍କୁଲର ପ୍ରଧାନ ଶିକ୍ଷକ କୁଞ୍ଜବିହାରୀ ସାହୁଙ୍କ ମନମାନୀ ଯୋଗୁଁ ରାତିସାରା ପତାକା ସ୍କୁଲରେ ଉଡୁଥିଲା l ସକାଳୁ ଏହି ଗାଁ ର ଡୋଳାମଣୀ ଭୋଇ ଏହି ଅଭାବନୀୟ ଘଟଣା ଦେଖି ପ୍ରଧାନ ଶିକ୍ଷକଙ୍କୁ ଜାତୀୟ ପତାକାକୁ ଅବମାନନା କରିଥିବା କହିଥିଲେ l  ବାସ ଏତିକିରେ ପ୍ରଧାନ ଶିକ୍ଷକ କୁଞ୍ଜବିହାରୀ ସାହୁ ଉତକ୍ଷିପ୍ତ ହୋଇ ରାଗିଯାଇ ଡୋଳାମଣି ଭୋଇଙ୍କ ଉପରେ   ଆତର୍କିତ ଭାବରେ ଆକ୍ରମଣ କରି ତାଙ୍କ ମୁହଁକୁ ଶକ୍ତ ମୁଥ ମାରିଵା ଦ୍ୱାରା ଡୋଳାମଣିର ନାକ ପାଖରେ ଆଘାତ ହୋଇ ରକ୍ତ ଝରିଲା l ଏହାପରେ ଡୋଳାମଣୀ ଥାନାରେ ଲିଖିତ ଅଭିଯୋଗ କରିଛନ୍ତି l ପୂର୍ବରୁ ପ୍ରଧାନ ଶିକ୍ଷକ ଓ ଡୋଲାମଣି ମଧ୍ୟରେ ସ୍କୁଲର ଏକ ବିଷୟକୁ ନେଇ ବଚସା ହୋଇଥିଲା ବୋଲି ଡୋଲlମଣି ପ୍ରକାଶ କରିଥିଲେ l ଅପର ପକ୍ଷରେ ଜାତୀୟ ପତାକାକୁ ଅସମ୍ମାନ କରିଥିବା ପ୍ରଧାନ ଶିକ୍ଷକ ନିଜ ଦୋଷ ଦୁର୍ବଳତାକୁ ଘୋଡେଇବା ପାଇଁ ଏହା ଏକ ସାଜିସ ବୋଲି ପ୍ରତିକ୍ରିୟା ଦେଇଛନ୍ତି l ପ୍ରଶାସନ ପ୍ରଧାନ ଶିକ୍ଷକ ଉପରେ କଣ କାର୍ଯ୍ୟନୁଷ୍ଠାନ ନେଉଛି ଦେଖିବାକୁ ବାକି ରହିଲା l