30-Oct-2020

କୋରାପୁଟ,(ପ୍ରେରଣା ଖବର) କୋରାପୁଟ ଜିଲ୍ଲା କାଜୁ ମିଲ ମାଲିକଙ୍କ ଠାରୁ ଦୁଇ ଲକ୍ଷ ପଚାଶ ହଜାର ଟଙ୍କା ଲୁଟି ନେଇଥିବା ତିନି ଅଭିଯୁକ୍ତକୁ ଗିରଫ କରିଛି ବୋରିଗୁମ୍ମା ପୋଲିସ।20/10/20ତାରିଖ ଦିନ କାଜୁ ମିଲ ମାଲିକ ଭେଙ୍କେଟ ରାଓ ଦିନ 10 ଘଣ୍ଟା ସମୟରେ ନିଜ କାଜୁ ମିଲରେ ଲେବର ପେଇମେଣ୍ଟ କରିବା ପାଇଁ 2 ଲକ୍ଷ 50 ହଜାର ଟଙ୍କା ଧରି ଏକ ସ୍କୁଟି ଯୋଗେ ଗୁଜୁନିଗୁଡା ଅଭିମୁଖେ ବାହାରି ଥିଲେ।ଦୋରାଗୁଡା ଏବଂ ଢଂଗରା ମଝି ବାଟରେ ହଠାତ ତିନି ଦୁର୍ବୁତ୍ତ ଏକ ପୋଲସର ବାଇକ ଯୋଗେ ଆସି ମାଲିକଙ୍କୁ ଅଟକାଇ ଖଣ୍ଡା ଦେଖାଇ 2 ଲକ୍ଷ 50 ହଜାର ଟଙ୍କା ଏବଂ ସୁନା ଚେଇନ ଲୁଟି ନେଇଥିଲେ।ଏ ସମ୍ପର୍କରେ ମିଲ ମାଲିକ ବୋରିଗୁମ୍ମା ଥାନାରେ ଲିଖିତ ଅଭିଯୋଗ କରିଥିଲେ।କୋରାପୁଟ SP ଙ୍କ ନିର୍ଦ୍ଦେଶ କ୍ରମେ ବୋରିଗୁମ୍ମା ପୋଲିସ ତଦନ୍ତ ଆରମ୍ଭ କରିଥିଲେ ଏବଂ ତିନି ଜଣ ଦୁର୍ବୁତ୍ତ ଙ୍କୁ ଗିରଫ କରିଥିଲେ।ସୂଚନା ଅନୁଯାୟୀ ସେହି କାଜୁ ମିଲର ରାତ୍ରି ଜଗୁଆଳି ଜଗବନ୍ଧୁ ହରିଜନ, ମିଲ ଗାଡି ଡ୍ରାଇଭୋର କୁମ ମୁଦୁଲି ଏବଂ ସନ୍ତୋଷପୁର ଗ୍ରାମର ସାଜନ ଗଣ୍ଡା ଅନ୍ୟ ଲୁଟେରା ଗ୍ୟାଙ୍ଗ ଙ୍କୁ ମାଲିକ ଟଙ୍କା ଧରି ଆସିବ ଖବର ଦେଇଥିଲେ।ଯୋଜନା ମୁତାବକ ଲୁଟେରା ମାନେ ଲୁଟ କରିଥିଲେ।ଏହି ତିନି ଜଣଙ୍କ ଠାରୁ ପୋଲିସ 30 ହଜାର ଟଙ୍କା ତିନୋଟି ମୋବାଇଲ ଏବଂ ଗୋଟିଏ ବାଇକ ଜବତ କରିଛି।ଏହି ସଂକ୍ରାନ୍ତରେ 144/2020,394 ମାମଲା ରୁଜୁ କରି କୋର୍ଟ ଚାଲାଣ କରିଛି।ଏହି ଲୁଟ ଘଟଣାରେ ସଂପୃକ୍ତ ଥିବା ଅନ୍ୟ ଲୁଟେରାଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ବୋରିଗୁମ୍ମା SDPO ହରେକୃଷ୍ଣ ମାଝୀ ଏକ ପ୍ରେସ ମିଟ ଯୋଗେ ସୂଚନା ଦେଇଛନ୍ତି।