11-Aug-2021

ବଲାଙ୍ଗୀର,(ପ୍ରେରଣା ଖବର)- ବିଜୁ ଜନତା ଦଳର କର୍ମୀ ଓ ନେତା ମାନଙ୍କ ଦ୍ୱାରା ଦଳିତ ମାନଙ୍କ ଉପରେ ବାରମ୍ବାର ଆକ୍ରମଣ ତଥା ଭାରରତ ରତ୍ନ ବାବା ସାହେବ ଆମ୍ବେଦକରଙ୍କୁ ଅସମ୍ମାନ ପ୍ରତିବାଦରେ ଅନୁସୂଚିତ ଜାତି ମୋର୍ଚ୍ଚା, ବଲାଙ୍ଗୀର ଶାଖା ଓ ଭାରତୀୟ ଜନତା ପାର୍ଟି ତରଫରୁ ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ଘଟଣାରେ ସଂପୃକ୍ତ ଲୋକ ମାନଙ୍କୁ ଗିରଫ କରିବାରେ ପୋଲିସର ନିସ୍କ୍ରିୟତା ବିରୁଦ୍ଧରେ ବିଜେପି ସ୍ୱର ଉତ୍ତୋଳନ କରିଛି । ଏଥିସହ ମନେରଗା କାମରେ ବ୍ୟାପକ ଦୁର୍ନୀତି ବିରୁଦ୍ଧରେ ଅନୁସୂଚିତ ଜାତିର ମହିଳା ମାନେ ପ୍ରତିବାଦ କରିବାରୁ ସେମାନଙ୍କ ଉପରେ ଆକ୍ରମଣ କରାଯାଇଥିବା ବିଜେପି ଅଭିଯୋଗ କରିଛି । ବାବା ସାହେବ ଆମ୍ବେଦକରଙ୍କ ପରିମୂର୍ତ୍ତୀକୁ ପଦାଘାତ କରି ଓଲଟା ଅଭିଯୋଗକାରୀ ମାନଙ୍କ ଉପରେ ମିଥ୍ୟା କେସ କରାଯାଇଥିବା ବିଜେପି ଅଭିଯୋଗ କରିଛି । ଆଜି ପର୍ଯ୍ୟନ୍ତ ଆକ୍ରମଣକାରୀଙ୍କୁ ଗିରଫ କରିବା ଦିଗରେ ପୋଲିସ ଟାଳଟୁଳ ନୀତି ଅବଲମ୍ବନ କରୁଥିବା ଘଟଣକୁ ବିଜେପି ଦୃଢ଼ ନିନ୍ଦା କରିଛି । ଗତ ଜୁଲାଇ ୧ ତାରିଖ ଦିନ କେନ୍ଦ୍ରାପଡା ଜିଲ୍ଲା ଆଳି ନିର୍ବାଚନ ମଣ୍ଡଳୀର ହରିଶ ମଲ୍ଲିକ ତାଙ୍କ ପଂଚାୟତରେ ମନରେଗା ଓ ଆବାସ ଯୋଜନାରେ ହୋଇଥିବା ଦୁର୍ନୀତି ସଂପର୍କରେ ସୋସିଆଲ ମିଡିଆରେ ପୋଷ୍ଟ କରିଥିଲେ । ଏଥିରେ ଉତ୍‌କ୍ଷିପ୍ତ ହୋଇ ଶାସକ ବିଡେଡିର କିଛି ନେତା ହରିଶଙ୍କ ଉପରେ ଅମାନୂଷିକ ଭାବରେ ଆକ୍ରମଣ କରିଥିଲେ । ଘଟଣାର ଏତେ ଦିନ ବିତିଯାଇଥିଲେ ସୁଦ୍ଧା ଆକ୍ରମଣକାରୀ ମାନେ ପୋଲିସର ଛତ୍ରଛାୟା ତଳେ ରହିଛନ୍ତି । ଆକ୍ରମଣକାରୀଙ୍କୁ ତୁରନ୍ତ ଗିରଫ କରିବା,

ଆଳି ଥାନା ଅଧିକାରୀଙ୍କ ବଦଳି ତଥା ହରିଶଙ୍କ ପରିବାରର ସୁରକ୍ଷା ପାଇଁ ବିଜେପି ପକ୍ଷରୁ ଦାବିପତ୍ରରେ ଉଲ୍ଲେଖ କରାଯାଇଛି । ଆଜି ମହାମହିମ ରାଜ୍ୟପାଳଙ୍କ ଉଦ୍ଦେଶରେ ବଲାଙ୍ଗୀର ଜିଲ୍ଲାପାଳଙ୍କୁ ବିପେି ପକ୍ଷରୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି । ବିଜେପି ଜିଲ୍ଲା ସଭାପତି ସୁନୀଲ କୁମାର ସେଠଙ୍କ ନେତୃତ୍ୱରେ ଆଜିର ଏହି ବିକ୍ଷୋଭ ସମାବେଶରେ ଅନ୍ୟ ମାନଙ୍କ ମଧ୍ୟରେ ବିଜେପି ନେତା ଅନନ୍ତ ଦାସ, ରାଜ୍ୟ କୃଷକ ମୋର୍ଚ୍ଚା ସାଧାରଣ ସମ୍ପାଦକ ଲକ୍ଷ୍ମଣ ବାଗ, ଅନୁସୂଚିତ ଜାତି ମୋର୍ଚା ବଲାଙ୍ଗୀର ର ପ୍ରଭାରୀ ମୁରଲୀଧର ସୁନା, ଜିଲ୍ଲା ଯୁବମୋର୍ଚ୍ଚା ସଭାପତି ସୁଶାନ୍ତ ଦାସ, ପିତାମ୍ବର ଖମାରୀ , ସନ୍ତୋଷ ସାହୁ, ସୁଦୀପ ସା , ସୁନୀଲ ମିଶ୍ର, ଅଭିଷେକ ସୋନି ,  ସୁବ୍ରତ କୁଅଁର, ଜିଲ୍ଲl  ଆଇ ଟି ସେଲ ସଂଯୋଜକ ରଶ୍ମିରେଖା ଦାନୀ , ରାଜ୍ୟ ମହିଳା ମୋର୍ଚା ସମ୍ପାଦକ ରଞ୍ଜିତା ପାଣିଗ୍ରାହୀ , ଫିରୋଜା ବିବି, କଲ୍ୟାଣୀ ଆଡବାଙ୍କ, ସୈାଦାମିନି ମିଶ୍ର, ଅନୂସୟା ବେଜ ଉପସ୍ଥିତ ଥିଲେ