07-Aug-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା):                          କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ଗ୍ରାମ ପଞ୍ଚାୟତ କୁସୁମ ଖୁଣ୍ଟି ଗ୍ରାମରେ ପ୍ରାୟ ୧୧ ଶହ ଲୋକ ବାସ କରୁଥିବା ବେଳେ ସେଠାରେ ଏକ ପ୍ରାଥମିକ ବିଦ୍ୟାଳୟ ମଧ୍ୟ ଅଛି  l କରୋନା ମହାମାରୀ ଯୋଗୁ ତାଲା ବନ୍ଦ ହୋଇଥିବାରୁ ଶିକ୍ଷା ଉପରେ ବହୁତ କୁପ୍ରଭାବ ପଡିଥିଲା । ସ୍କୁଲ ବନ୍ଦ ହେବା ଯୋଗୁଁ ଛାତ୍ରଛାତ୍ରୀ ମାନେ ଶିକ୍ଷାରୁ ବାଦ ପଡିଲେ ଏବଂ ଖେଳକୁଦ ଓ ଅନ୍ୟାନ୍ୟ କାର୍ଯ୍ୟରେ ସେମାନଙ୍କର ମନ ମଗ୍ନ ହେବା  ସତ୍ତ୍ୱେ ସେମାନେ ସମ୍ପୂର୍ଣ୍ଣ ଭାବେ ପାଠକୁ ଭୁଲିଯାଇଥିଲେ।ଏବଂ ଖେଳ କୁଦ ହିଁ ଜୀବନର ଲକ୍ଷ୍ୟ ପାଲଟି ଯାଇଥିଲା। ଠିକ ସେହି ସମୟରେ ମହିଳାଶ୍ରମ ଜୀବୀ ମଞ୍ଚ ଓଡ଼ିଶା ଓ ଓଡିଶା ଶ୍ରମ ଜୀବୀ ମଞ୍ଚ ଆନୁକୂଲ୍ୟରେ ନାଗରିକ ବିକାଶ ସଂଗଠନ କଳାହାଣ୍ଡି  ତରଫରୁ ଏକ ପଦକ୍ଷେପ ନିଆଯାଇଥିଲା।ଏଥିରେ ନାଗରିକ ବିକାଶ ସଂଗଠନ କଳାହାଣ୍ଡି ଜିଲ୍ଲା କୋକସରା ବ୍ଲକର ସଂଯୋଜକ ଶ୍ରୀଯୁକ୍ତ ଉପେନ୍ଦ୍ର ସୁନା ନି ଓ କର୍ମକର୍ତ୍ତା ତ୍ରିନାଥ ବେଶ୍ରାଙ୍କ ମାଧ୍ୟମ ରେ କୁସୁମ ଖୁଣ୍ଟି ଗ୍ରାମରେ ଗୁଣାତ୍ମକ ଶିକ୍ଷା ପ୍ରଦାନ କରିବା ପାଇଁ ଏକ ବୈଠକ ଅନୁଷ୍ଠିତ ହୋଇଥିଲା।ସେଥିରେ ଗ୍ରାମର ପିଲାମାନଙ୍କ ର ପିତାମାତା ଓ ଅନ୍ୟାନ୍ୟ ଭଦ୍ର ବ୍ୟକ୍ତି ଲୋକ ମାନେ ମଧ୍ୟ ଉପସ୍ଥିତ ରହିଥିଲେ। ସେହି ବୈଠକରେ ପ୍ରାଥମିକ ଶିକ୍ଷା ଉପରେ ଆଲୋଚନା କରାଯାଇଥିଲା।ଯଥା-ସ୍ବେଚ୍ଛାସେବୀ ଚୟନ କରିବା,ପାଠ ପଢ଼େଇବା ପାଇଁ ସ୍ଥାନ ଚୟନ କରିବା, ତାପରେ ମୋ ଚାଟଶାଳୀ ଶିକ୍ଷା କେନ୍ଦ୍ର ନାମରେ ନାମିତ କରାଗଲା ଏବଂ କୋଭିଡ-19 ନିୟମ କୁ ମାନି ପିଲାମାନଙ୍କୁ ଶିକ୍ଷା ଦାନ କରାଯାଉ ଅଛି  l ମୋ ଚାଟଶାଳୀ କେନ୍ଦ୍ରରେ ରଞ୍ଜିତ ଧଙ୍ଗଡା ମାଝୀଙ୍କୁ ସ୍ବେଚ୍ଛାସେବୀ ଶିକ୍ଷକ ଭାବରେ ଚୟନ କରାଯାଇଥିଲା  l

ଏହି ଶିକ୍ଷା କ୍ଷେତ୍ର ରେ ପିଲା ମାନଙ୍କ ଉନ୍ନତି ପାଇଁ ନାଗରିକ ବିକାସ ସଙ୍ଗଠନ କୁ ଗ୍ରାମର ଲୋକ ମାନେ ବହୁ ପ୍ରଶଂସା କରିଥିଲେ l