06-Aug-2021

ଜଗତସିଂହପୁର(ନୃସିଂହ ବାରିକ) -କୁଜଙ୍ଗ ବ୍ଲକର ପଙ୍କପାଳଠାରେ ଥିବା ଶ୍ରୀ ଶ୍ରୀ ସତ୍ୟସାଇ ଜ୍ଞାନ ବିକାଶ ସ୍କୁଲର ଜଣେ ଛାତ୍ରୀ ଓ ତିନି ଜଣ ଛାତ୍ର ସର୍ବ ଭାରତୀୟ କେନ୍ଦ୍ରୀୟ ବୋର୍ଡ ପରୀକ୍ଷାରେ ଏ-1ରେ ଉତ୍ତୀର୍ଣ୍ଣ  ହୋଇଛନ୍ତି । ଏଥିପାଇଁ ସ୍କୁଲର ଅଧ୍ୟକ୍ଷ,ଶିକ୍ଷକ ଶିକ୍ଷୟିତ୍ରୀ,କର୍ମଚାରୀ ଓ ଅଭିଭାବକଙ୍କ ମଧ୍ୟରେ ଆନନ୍ଦର ଲହରୀ ଖେଳି ଯାଇଛି । ଆଜି ପୂର୍ବାହ୍ନ ୧୦ଟା ରେ ସ୍କୁଲ ପ୍ରାର୍ଥନା ଗୃହରେ ସମସ୍ତ ଶିକ୍ଷକ ଶିକ୍ଷୟିତ୍ରୀ,କର୍ମଚାରୀ,ଅଭିଭାବକ ସମବେତ ହୋଇ ସତ୍ୟ  ସାଇବାବାଙ୍କ ନିକଟରେ ପ୍ରାର୍ଥନା କରି ସିବିଏସଇ ଉତ୍ତୀର୍ଣ୍ଣ ଛାତ୍ରୀ ଛାତ୍ରଙ୍କର ଉଜ୍ବଳ ଭବିଷ୍ୟତ କାମନା କରିଥିଲେ । କେନ୍ଦ୍ରୀୟ ବୋର୍ଡ ପରୀକ୍ଷାରେ ଛାତ୍ର ଅଂଶୁମାନ ଘଡେଇ ଶତକଡା ୯୨.୬,ଶୁଭ୍ରା ପ୍ରିୟଦର୍ଶିନୀ ଦାସ ଶତକଡା ୯୨.୨,ଆଦର୍ଶ  ବରାଳ ଶତକଡା ୯୨.୦,ଅଂଶୁମାନ ସାହୁ ଶତକଡା ୯୧.୦୮ ରଖି ଏ-1 ରେ ଉତ୍ତୀର୍ଣ୍ଣ ହୋଇ ସ୍କୁଲ ପାଇଁ ସୁନାମ ଆଣିଥିବାରୁ ସ୍କୁଲ କମିଟିର ସଭାପତି ଇଂ ଗଗନ ବିହାରୀ ପୃଷ୍ଠି ,ପ୍ରଧାନ ଶିକ୍ଷକ ଡକ୍ଟର ଅଭୟ କୁମାର  ସାହୁ,ପରିଚାଳନା କମିଟିର ସଭ୍ୟା ଶ୍ରୀମତି ସ୍ନେହମୟୀ ଆଚାର୍ଯ୍ୟ,ସବିତା ମହାପାତ୍ର,ଆଳ୍ପନା ସାମଲ,ମମତା କଣ୍ଠ,ଉତ୍ତମ ଦାସ ଆଦି ସମସ୍ତ ଶିକ୍ଷକ ଶିକ୍ଷୟିତ୍ରୀ ଖୁସି ବ୍ୟକ୍ତ କରିଥିଲେ । ସିବିଏସଇ ପରୀକ୍ଷାରେ ସର୍ବାଧିକ ନମ୍ବର ରଖି ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀମାନଙ୍କୁ ଆଗାମୀ ଶିକ୍ଷା ବର୍ଷରେ ଆହୁରି ଭଲକରିବାକୁ ଆଶୀର୍ବାଦ ସହ ପରାମର୍ଶ ଦେଇଥିଲେ । କୃତି ଛାତ୍ରୀ ଶୁଭ୍ରା ପ୍ରିୟ ଦର୍ଶନୀ ଭବିଷ୍ୟତରେ ଜଣେ ଡାକ୍ତର ହୋଇ ରୋଗୀମାନଙ୍କ ସେବା କରିବେବୋଲି ସାକ୍ଷାତକାରରେ କହିଥିଲେ । ସେହିପରି ଛାତ୍ର ଅଂଶୁମାନ ଘଡେଇ ଭବିଷ୍ୟତରେ ଜଣେ ଇଞ୍ଜିନିୟର ହେବେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ଅଗଷ୍ଟ ୧୫ ସ୍ବାଧୀନତା ଦିବସରେ ସିବିଏସଇ ପରୀକ୍ଷାରେ ସର୍ବାଧିକ ନମ୍ବର ରଖି ଉତ୍ତୀର୍ଣ୍ଣ  ହୋଇଥିବା ଛାତ୍ରଛାତ୍ରୀ ମାନଙ୍କୁ ସ୍କୁଲ ତରଫରୁ ପୁରସ୍କୃତ କରାଯିବବୋଲି ପରିଚାଳନା କମିଟିର ସଭ୍ୟା ଶ୍ରୀମତି ସ୍ନେହମୟୀ ଆଚାର୍ଯ୍ୟ  ବୋଲି ସୂଚନା ଦେଇଛନ୍ତି ।