05-Aug-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ନିମନା ଆମ୍ବପାଲ ନଦୀ ଘାଟରୁ ଗତ ୧ତାରିଖ ଦିନ ଉଦ୍ଧାର ହୋଇଥିବା ଗଳିତ ଶବ ଚିହ୍ନଟ ହୋଇଛି । ମୃତକ ଜଣକ ବରଗଡର ସୁମିତ କୁମାର ସୁଆର ବୋଲି ଜଣାପଡିଛି । ତେବେ  ପୁଲିସ ଠାରୁ ମୃତ୍ୟୂ ଖବର ପାଇଥିଲେ ମଧ୍ୟ କେହି ନଆସିବାରୁ ଆଜି ସୋନପୁର ନଦୀ କୂଳରେ ପୁଲିସ ଉପସ୍ଥିତିରେ ଶବକୁ ପୋତି ଦିଆଯାଇଛି ।  ପ୍ରକାଶ ଯେ ଘଟଣା ସ୍ଥଲରୁ ମୃତକଙ୍କ ପ୍ୟାଂଟରୁ ମୋବାଇଲ ମିଲିବା ପରେ ପୁଲିସ ତଦନ୍ତ ଆରମ୍ଭ କରିଥିଲା । ମୋବାଇଲ ନମ୍ବର ଯାଂଚ କଲାପରେ ବରଗଡର ସୁମିତ ବୋଲି ଜଣାପଡିବା ପରେ ପୁଲିସ ତାଙ୍କ ଘର ବରଗଡରେ ପହଂଚି ବୃଦ୍ଧା ମାଁ ଙ୍କୁ ଘଟଣା ବିଷୟରେ ଜଣାଇଥିଲା । ହେଲେ ତାଙ୍କ ମାଁ ସହ ଝଗଡା କରି ମୃତକ ଚାଲିଯାଇଥିବା ପୁଲିସକୁ ସୂଚନା ଦେଇଥିଲେ । ପରେ ଶବ ସତ୍କାର ପାଇଁ ପୁଲିସ କହିବା ପରେ ମୃତକଙ୍କ ମାଁ ରୋକଠୋକ ମନା କରିଦେଇଥିଲେ । ଫଳରେ ଆଜି ପୁଲିସ  ଉପସ୍ଥିତିରେ ସୋନପୁର ନଦୀ କୂଲରେ ଶବକୁ ପୋତି ଦିଆଯାଇଥିଲା । ସୁମିତଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନଥିବା ବେଳେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।