05-Aug-2021

ନୟାଗଡ଼, (ପ୍ରଦୀପ କୁମାର ପଣ୍ଡା)
ପ୍ରକୃତି କୁ ବେଆଇନ ଭାବେ ନଷ୍ଟ କରିବା ସହିତ ଧରିତ୍ରୀ ମାତା ର ସବୁଜ ଶାଢ଼ୀ କୁହାଯାଉଥିବା ଜଙ୍ଗଲ କୁ ନଷ୍ଟ କରିବା ପଥର ତଥା କାଠ ମାଫିଆଙ୍କ ପ୍ରୟାସ କୁ ନୟାଗଡ଼ ବନଖଣ୍ଡ ଅଧିକାରୀ ଯୋଜନାଭିତ୍ତିକ ଭାବେ ପଣ୍ଡ କରିବାର କାର୍ଯ୍ୟ ଜାରି ରଖିଛନ୍ତି | ପ୍ରତ୍ୟେକ ଦିନ ବିଭିନ୍ନ ଜାଗାରେ ଅତର୍କିତ ଚଢ଼ାଉଜାରି ରହିଥିବା ବେଳେ ଅନେକ ମାଫିଆ ମାନଂକୁ ଗିରଫ କରି ବେଶ ଚର୍ଚ୍ଚିତ ଡିଏଫଓ ଧନରାଜ | ନୟାଗଡ଼ ଜିଲ୍ଲା ଶରଣକୁଳ ଥାନା ଗୋଡିପଡ଼ା ଆର.ଆଇ ସର୍କଲ ଅନ୍ତର୍ଗତ ପଙ୍କାଳବାଡ଼ି ଜଙ୍ଗଲ ଭିତରେ ଦୀର୍ଘଦିନ ଧରି ରାଜ କରୁଥିଲେ ଖୋର୍ଦ୍ଧା ଅଞ୍ଚଳର ପ୍ରଫୁଲ ନାୟକ । ବେଆଇନ କ୍ରସର ନିର୍ମାଣ କରି ନିକଟସ୍ଥ ଭାଲୁ ମୁଣ୍ଡିଆ ପାହାଡ଼ରୁ ଚୋରା ଭାବରେ ପଥର କାଟି କରୁଥିଲା ବ୍ୟବସାୟ । ଆଜି ନୟାଗଡ଼ ପ୍ରଶାସନ ପକ୍ଷରୁ ବନ ବିଭାଗ, ରାଜସ୍ୱ ବିଭାଗ ଓ ପୁଲିସ ପ୍ରଶାସନ ପକ୍ଷରୁ ମିଳିତ ଭାବେ ଚଢ଼ଉ କରାଯାଇ ବେଆଇନ କ୍ରସରକୁ ଭଙ୍ଗା ଯାଇଛି । ନୟାଗଡ଼ ଡି.ଏଫ.ଓ ଧନରାଜ ଏଚ.ଡି, ଉପଜିଲ୍ଲାପାଳ ଲଗ୍ନଜିତ ରାଉତ, ଓଡଗାଁ ତହସିଲଦାର ବିଜୟିତା ସାମନ୍ତ ସିଂହାର ସରଣକୁଳ ରେଞ୍ଜ ଅଫିସର ଅର୍ଚ୍ଚନା ଗମାଙ୍ଗୋ ପ୍ରମୁଖ ଉପସ୍ଥିତ ରହି ଉକ୍ତ ବେଆଇନ କ୍ରସରକୁ ଭାଙ୍ଗିଦେଇଛନ୍ତି । ଦିର୍ଘଦିନ ଧରି ପଥର ମାଫିଆ ପ୍ରଫୁଲ୍ଲ ଜଙ୍ଗଲ ଦସ୍ୟୁ ସାଜି ପ୍ରକୃତିର ସୌନ୍ଦର୍ଯ୍ୟ ହାନି ସହିତ ରାଜସ୍ବ ଲୁଟ କରି ଚାଲିଥିବା ବେଳେ ଚଢ଼ାଉ ଖବର ପାଇ ଏବେ  ଫେରାର ହୋଇଛି । ନିକଟଭବିଷ୍ୟତ ରେ ତାକୁ ଗିରଫ କରାଯିବା ପାଇଁ ପ୍ରସ୍ତୁତି ଜାରି ରହିଥିବା ଡିଏଫଓ ସୂଚନା ଦେଇଛନ୍ତି |ଏହି ଚଢ଼ଉରେ କୋମଣ୍ଡର ଆର.ଆଇ ସୁଧୀର କୁମାର ପରିଡ଼ା, ଗୋଡ଼ିପଡ଼ା ଆର.ଆଇ ଅମୁଲ୍ୟ କୁମାର ସାହୁ ଓ ସରଣକୁଳ ପୁଲିସ ଉପସ୍ଥିତ ରହି ଚଢ଼ଉ କାର୍ଯ୍ୟ ଜାରି ରଖିଥିଲେ ।