05-Aug-2021

ନୟାଗଡ଼ (ପ୍ରଦୀପ କୁମାର ପଣ୍ଡା)
ସରକାର ଗ୍ରାମାଞ୍ଚଳ ର ବିକାଶ ପାଇଁ ବିଭିନ୍ନ ଯୋଜନା ରେ କୋଟିକୋଟି ଟଙ୍କା ବ୍ୟୟ କରୁଥିବା ବେଳେ ବିଭିନ୍ନ ସ୍ଥାନ ରେ ଏହା ସଠିକ ଭାବେ ଉପଯୋଗ ହେଉନଥିବା ଦୃଷ୍ଟି ଗୋଚର ହେଉଛି | ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ଅଧିନସ୍ଥ କୁମ୍ଭାରପଡ଼ା ଗ୍ରାମ ପଞ୍ଚାୟତ ରେ ଏକ ମହିଳା ଗୋଷ୍ଠିକେନ୍ଦ୍ର ନିର୍ମାଣ କାର୍ଯ୍ୟ ଆରମ୍ଭ ହୋଇଥିବା ବେଳେ ଗ୍ରାମବାସୀ ତୀବ୍ର ବିରୋଧ କରି କାର୍ଯ୍ୟ ବନ୍ଦ କରିଛନ୍ତି | 
ସୂଚନାଥାଉକି ଖଣ୍ଡପଡା ମଣ୍ଡଳ ଉନ୍ନୟନ ଅଧିକାରିଣୀ ନିକଟ ଅତୀତରେ ଉକ୍ତ ପଞ୍ଚାୟତ କୁ ଯାଇ ଜାଗା ଚି଼ହ୍ନଟ କରିବା ପରେ କାର୍ଯ୍ୟ ଆରମ୍ଭ କରିଥିଲେ ଠିକାଦାର | ଗ୍ରାମ ବାସୀ ଙ୍କ ଦାବୀ ମହିଳା ଗୋଷ୍ଠିକେନ୍ଦ୍ର ପାଇଁ ସରକାରୀ ଜାଗା ସଂରକ୍ଷିତ ଥିବା ବେଳେ ନବ ନିଯୁକ୍ତ ବିଡିଓ ମହୋଦୟା କିପରି ଭାବେ ରାଜୀବ ଗାନ୍ଧୀ ସେବା କେନ୍ଦ୍ର ରେ ଉପର ମହଲା ଗୃହ ନିର୍ମାଣ କରି ମହିଳା ଗୋଷ୍ଠିକେନ୍ଦ୍ର କରାଯିବାର ନିଷ୍ପତି ନେଲେ |

ଏହା ପଛରେ କାହାର ସ୍ୱାର୍ଥ ଅଛି ବୋଲି ଅଭିଯୋଗ ପତ୍ରରେ ପ୍ରଶ୍ନ କରିଛନ୍ତି ଗ୍ରାମବାସୀ | ସାମାଜିକ କର୍ମୀ ଶତୀକାନ୍ତ ସାହୁ ଙ୍କ ନେତୃତ୍ୱରେ ଅନେକ ଗ୍ରାମବାସୀ ଉକ୍ତ ଉନ୍ନୟନ ମୂଳକ କାର୍ଯ୍ୟ କୁ ସଠିକ ଭାବେ କରାଯିବା ପାଇଁ ଏକ ଦରଖାସ୍ତ କରିଛନ୍ତି ବିଡିଓ ମହୋଦୟା ଙ୍କୁ ଏପରିକି ଉକ୍ତ ଦରଖାସ୍ତ ର ଏକକିତା ନକଲ ଜିଲ୍ଲାପରିଷଦ ଚେୟାରମ୍ୟାନ ତଥା ଜିଲ୍ଲାପାଳ ଙ୍କୁ ମଧ୍ୟ ପ୍ରଦାନ କରିଛନ୍ତି | ତେବେ ପ୍ରଶାସନ ଏହାର କିପରି ସୁସମାଧାନ କରୁଛି ତାକୁ ଅପେକ୍ଷା କରିଛନ୍ତି ଗ୍ରାମବାସୀ |