31-Jul-2021

ନର୍ଲା (ସଞ୍ଜୀବ ଦାସ) ନର୍ଲା କେନ୍ଦ୍ର ଉପ୍ରା ବିଦ୍ୟାଳୟ ପରିସରରେ ନର୍ଲା ଡଙ୍ଗରପଡା ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସରୋଜ କୁମାର ଚାନ୍ଦଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି। ନର୍ଲା କେନ୍ଦ୍ର ଉପ୍ରା ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅନୁପମା ପଣ୍ଡାଙ୍କ ଅଧ୍ୟକ୍ଷତାରେ କୋଭିଡ ନିୟମ ଅନୁସାରେ ଅନୁଷ୍ଠିତ ସଭାରେ ନର୍ଲା କ୍ଲଷ୍ଟରର ଅନେକ ଶିକ୍ଷକ, ଶିକ୍ଷୟିତ୍ରୀ ଯୋଗ ଦେଇ ଶ୍ରୀ ଚାନ୍ଦଙ୍କ ଶିକ୍ଷକତା ଜୀବନର ଅନେକ ଦିଗ ଉପରେ ଆଲୋକପାତ କରିଥିଲେ। ଶ୍ରୀ ଚାନ୍ଦ ସୁରପଦର, ବୁଦେଲପଦର, ଜୁର୍କାଭଟ୍ଟା, ଗୋରକୋଲ ଓ ଡଙ୍ଗରତଳପଡା ଠାରେ ଶିକ୍ଷକତା କରି ଜଣେ ଶୃଙ୍ଖଳିତ ଶିକ୍ଷକ, ଆଳାପ ପ୍ରେମୀ ଓ ଶିକ୍ଷାର ଉନ୍ନତି ସକାଶେ କାର୍ଯ୍ୟ ନିର୍ବାହ କରିଥିବା ସଭାରେ ମତପ୍ରକାଶ କରିଥିଲେ। କାର୍ଯ୍ୟକ୍ରମରେ ପୂର୍ବତନ ଏବିଇଓ ତଥା ବିଆରସିସି ମହେଶ କୁମାର ଚାନ୍ଦ, ଶିକ୍ଷା କମିଟିର ଉପଦେଷ୍ଟା ଅନାଦି ଗିରି, ଶିକ୍ଷକ ସଂଘ ସଭାନେତ୍ରୀ ଦୀପାଞ୍ଜଳୀ ପାଢ଼ୀ, ସଂପାଦକ କିଶୋର ଚନ୍ଦ୍ର ଭୋଇ, ନର୍ଲା କ୍ଲଷ୍ଟର ସିଆରସିସି ଅର୍ଜୁନ ବାଗ ପ୍ରମୁଖ ଉପସ୍ଥିତ ରହି ଅବସରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ଚାନ୍ଦଙ୍କୁ ଉପଢୌକନ ଓ ମାନପତ୍ର ପ୍ରଦାନ ସହ ସମ୍ମାନିତ କରିଥିଲେ।