27-Jul-2021

ନୂଆପଡ଼ା (ପ୍ରେରଣା ଖବର) :ନୂଆପଡା ଜିଲ୍ଲା ସିନାପାଲି ଅନ୍ତର୍ଗତ ସିଙ୍ଗଝର ପଞ୍ଚାୟତ ପେଣ୍ଡରେନ ଗ୍ରାମରେ ଜଣେ ନାବାଳକ ଗଛରେ ରଶି ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି। ମୃତ ନାବାଳକ ଜଣକ ପେଣ୍ଡରେନ ଗ୍ରାମର ଦେବନାଥ ମାଝୀ ଙ୍କ ପୁଅ ମୀନକେତନ ମାଝୀ(୧୭) ବୋଲି ଜଣାପଡ଼ିଛି। ପ୍ରାପ୍ତ ଖବର ଅନୁସାରେ ରବିବାର ଦିନ ମୀନକେତନ ବଳଦ ଚରାଇବା ପାଇଁ ବାହାର ଯାଇଥିଲା। ହେଲେ ସନ୍ଧ୍ୟା ପର୍ଯ୍ୟନ୍ତ ସେ ଘରକୁ ଫେରି ନ ଥିଲା। ପରିବାର ଲୋକେ ତାଙ୍କୁ ବହୁ ଖୋଜାଖୋଜି କଲେ ,ହେଲେ ପାଇଲେ ନାହିଁ। ଆଜି ସକାଳୁ ନିକଟସ୍ଥ ନିଜ ଜମିରେ ଥିବା ଏକ ନିମ୍ବ ଗଛରେ ରଶି ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ। ସିନାପାଲି ପୁଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଛି। ଏନେଇ ସିନାପାଲି ଥାନାରେ କେଶ ନଂ ୦୭/୨୧ ଅନୁସାରେ ଏକ ଅପମୃତ୍ୟୁ ମାମଲା ରୁଜୁ କରି ଆହୁରି ତଦନ୍ତ ଚାଲିଥିବା ପୁଲିସ ଏସଆଇ ବବିତାରଣୀ ପୁହାଣ ପ୍ରକାଶ କରିଛନ୍ତି।