24-Jul-2021

ସଇଁତଳା (ପ୍ରେରଣା ଖବର) : ପ୍ରଧାନମନ୍ତ୍ରୀ ଆବାସ ଯୋଜନାରେ ପଶ୍ଚମ ଓଡ଼ିଶାକୁ ସମ୍ପୂର୍ଣ୍ଣ ଅବହେଳା ସହ ଅର୍ଥ ଆଦାୟ କରି ହିତାଧିକାରୀ ଯୋଜନାରେ ସାମିଲ କରିବା, କାର୍ଯ୍ୟାଦେଶ ବଣ୍ଟନ କରିଦେଇ କିସ୍ତି ଆକାର ରେ ଟଙ୍କା ସଠିକ ଭାବେ  ଟଙ୍କା ଲାଞ୍ଚ ନ ଦେଲେ ଗୃହ ନିର୍ମାଣ ବନ୍ଦ ରହିବା ନେଇ କୋଶଲ ସ୍ୱାଭିମାନ ତରଫରୁ ପଦଯାତ୍ରା ଆରମ୍ଭ କରାଯାଇଛି । ମହିଳା ଓ ଶିଶୁ ବିକାଶ ତଥା ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ଭୁବନେଶ୍ୱରରୁ ଫେରୁଥିବା ବେଳେ ସଇଁତଲା ନିକଟସ୍ଥ ବରଗାଁ ଛକରେ କୋଶଲ ସ୍ୱାଭିମାନ ଯାତ୍ରାର ପଦଯାତ୍ରୀ କୋଶଲ ସେନା ତାଙ୍କୁ ଅଟକେଇ ଘେରାଉ କରିଥିବା ସହ ବିରୋଧ ପ୍ରଦର୍ଶନ କରିଥିଲେ । ଉତେଜନା ସୃଷ୍ଟି ହୋଇଥିବା ବେଳେ  ସଇଁନ୍ତଲା ପୋଲିସ ଘଟଣାସ୍ଥଳରେ ପହଞ୍ଚି ଘେରାଉରେ ସାମିଲ୍‌ ଥିବା କୋଶଲ ସେନା ସଦସ୍ୟଙ୍କୁ ଗିରଫ କରିଥିବା ସୂଚନା ମିଳିଛି  । ଆବାସ ଯୋଜନାରେ କୋଶଳାଞ୍ଚଳକୁ ଅବହେଳା କରାଯାଉଥିବା ପ୍ରତିବାଦରେ କୋଶଳ ସ୍ୱାଭିମାନ ପଦଯାତ୍ରା କାର୍ଯ୍ୟକ୍ରମ ଆରମ୍ଭ କରାଯାଇଥିବା ବେଳେ ଗତକାଲି ଠାରୁ ଭବାନୀପାଟଣାରୁ ବରଗଡ଼ ଜିଲ୍ଲା ପର୍ଯ୍ୟନ୍ତ କୋଶଲ ଯୁବ ସମନ୍ୱୟ ସମିତି ପକ୍ଷରୁ ପଦଯାତ୍ରା ଆରମ୍ଭ ହୋଇଥିବା ବେଳେ ଆଜି ସଇଁନ୍ତଲା ପର୍ଯ୍ୟନ୍ତ ପହଞ୍ଚି ଥିଲା । ସୂଚନା ଅନୁସାରେ କୋଶଲ ସେନା ପଦଯାତ୍ରାରେ ଆସୁଥିବା ବେଳେ ମନ୍ତ୍ରୀଙ୍କୁ ବରଗାଁ ଛକରେ ଅଟକେଇ ବିରୋଧ କରିଥିଲେ ।