19-Jul-2021

କଣ୍ଟାବାଞ୍ଜି ( ଆନନ୍ଦ କୁମାର ମୋଟେ ) ବିଜେପି  ରାଜ୍ୟ ସଭାପତି ସମିର ମହାନ୍ତିଙ୍କ ଆହ୍ୱାନ କ୍ରମେ ବିଦ୍ୟୁତ ସମସ୍ୟାକୁ ନେଇ ବିଜେପି ପକ୍ଷରୁ ଆନ୍ଦୋଲନ ଡାକରା ଦିଆଯାଇଛି । ଏହି ପରିପେକ୍ଷିରେ କଂଟାବାଞ୍ଜି ବିଦ୍ୟୁତ ବିଭାଗ ଏସଡିଓ କାର୍ଯ୍ୟାଳୟ ଘେରାଓ କରିଥିଲା କଣ୍ଟାବାଞ୍ଜି ବିଜେପି । ବିଜେପି କୃଷକ ମୋର୍ଚ୍ଚା ରାଜ୍ୟ ସଂପାଦକ ଲକ୍ଷ୍ମଣ ବାଗ ଓ ଜିଲ୍ଲା ସଭାପତି ଶିବାଜୀ ମହାନ୍ତିଙ୍କ ନେତୃତ୍ୟରେ ବିଜେପି କର୍ମୀ ମାନେ ଘେରାଓରେ ସାମିଲ ହୋଇ ବିକ୍ଷୋଭ ପ୍ରଦର୍ଶନ କରିଥିଲେ । ଅହେତୁକ ବିଦ୍ୟୁତ ଶୁଲ୍କ ବୃଦ୍ଧି, ଅଘୋଷିତ ବିଦ୍ୟୁତ

କାଟ ସହ ଲୋ ଭୋଲ୍ଟେଜ ଯୋଗୁ ଜନସାଧାରଣ ଅନେକ ଅସୁବିଧାର ସମ୍ମୂଖୀନ ହେଉଥିବା ଅଭିଯୋଗ କରିଥିଲେ ବିଜେପି ଆନ୍ଦୋଳନକାରି । ମହାମହିମ ରାଜ୍ୟପାଳଙ୍କ ଉଦେଶ୍ୟରେ ଏକ ଦାବିପତ୍ର ବିଦ୍ୟୂତ ଏସଡିଓଙ୍କୁ ପ୍ରଦାନ କରିଥିଲା । ଆଗକୁ ଦାବି ପୁରଣ ନେହେଲେ ଆନ୍ଦୋଳନ ଆହୁରି ତୀବ୍ର ହେବ ବୋଲି ଚେତାବନି ଦେଇଥିଲେ ଆନ୍ଦୋଳନକାରି ।  ଆନ୍ଦୋଳନରେ ବଲାଙ୍ଗିର ଜିଲ୍ଲା ସାଧାରଣ ସଂପାଦକ ଶ୍ରୀବତ୍ସ ବେହେରା, ସଂପାଦକ ଅଜୟ ଶର୍ମା, ନଗର ସଭାପତି ବେଦବ୍ୟାସ ନାଗ, ତୁରେକେଲା ମଣ୍ଡଳ ସଭାପତି ହରିଶ୍ଚନ୍ଦ୍ର ସାହୁ, ତୁରେକେଲା ବ୍ଲକ ସାଂସଦ ପ୍ରତିନିଧି ସୁଦର୍ଶନ କଟା, ନଗର ପ୍ରତିନିଧି ଘାସି ଜୈନ, ରାଜେଶ ଅଗ୍ରୱାଲ ସହ ଅନ୍ୟ କର୍ମକର୍ତା ସାମିଲ ଥିଲେ ।