08-Oct-2026

 (ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ଜିଲ୍ଲା ବନ ଖଣ୍ଡ କାର୍ଯ୍ୟାଳୟ ଠାରେ ବନ୍ୟ ପ୍ରାଣୀ ସପ୍ତାହ ଉଦ୍ ଯାପିତ ହୋଇ ଯାଇଛି l ଆଜିର ଏହି ଉତ୍ସବ ରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲାପାଳ ଶ୍ରୀ ଦେବାଶିଷ୍ ସିଂ ଯୋଗ ଦେଇ ବନ୍ୟ ପ୍ରାଣୀ ଙ୍କ ସହ ସମଗ୍ର ପରିବେଶ ଓ ପ୍ରକୃତି ଯୋଡି ହୋଇଛି ବୋଲି ମତ ରଖି ପ୍ରକୃତି ର ସନ୍ତୁଳନ ରକ୍ଷା କରିବା ଆମ ସମସ୍ତଙ୍କର ଗୁରୁ ଦାୟିତ୍ୱ ବୋଲି କହିଥିଲେ l ସମ୍ମାନିତ ଅତିଥି ଭାବରେ ଏସପି ଶ୍ରୀ ନାରାୟଣ ନାଏକ ଯୋଗ ଦେଇ କୌଣସି ବନ୍ୟ ପ୍ରାଣୀ ଙ୍କ ଶିକାର ନ କରିବାକୁ ଓ ନ ଖାଇବା କୁ ସଙ୍କଳ୍ପ କରାଇଥିଲେ l ଜିଲ୍ଲା ବନ ଖଣ୍ଡ ଅଧିକାରୀ ଶ୍ରୀ ବିଶ୍ୱ ରାଜ ପଣ୍ତା ଯୋଗ ଦେଇ ଶ୍ରୀ ଜଗନ୍ନାଥ, ମାତା ଲକ୍ଷ୍ମୀ ମାତା ଦୂର୍ଗା ଭଳି ଈଶ୍ୱର ଅନେକ ଙ୍କ ବାହନ ହେଉଛନ୍ତି ଗୋଟେ ଗୋଟେ ବନ୍ୟ ପ୍ରାଣୀ l ତେଣୁ ପ୍ରତ୍ୟେକ ବନ୍ୟ ପ୍ରାଣୀ ସଂରକ୍ଷଣ କରିବା ଆମ ଧର୍ମ , ଏହା ଆମର ସଂସ୍କୃତି ସଭ୍ୟତା ଆମ କୁ ଶିଖାଇଛି ବୋଲି କହିଥିଲେ ଲ

ଏ ସି ଏଫ୍ ମନୋରଞ୍ଜନ ବାଗ, ସି ଡି ଭି ଓ ବିରୂପାକ୍ଷ ନାୟକ, ଜୁଲୋଜି ପ୍ରାଧ୍ୟାପକ ଉମାକାନ୍ତ ନାଗ ବନ୍ୟ ପ୍ରାଣୀ ସଂରକ୍ଷଣ ଦିଗରେ ମତ ରଖି ଥିବା ବେଳେ କର୍ମଯୋଗୀ ଗୋବିନ୍ଦ ମହାରଣା ଯୋଗ ଦେଇ  ନିଜ ର ସୁସ୍ଥ ଜୀବନ ଯାପନ ପାଇଁ ମଣିଷ ଅନୁଭବ କରୁଛି ଯେ ବନ୍ୟ ପ୍ରାଣୀ ଙ୍କୁ ଦୟା ନୁହେଁ ଶ୍ରଦ୍ଧା ଆବଶ୍ୟକ ବୋଲି କହିଥିଲେ l ଏହି ଅବସରରେ ବନ୍ୟ ଜନ୍ତୁ ଙ୍କ ସୁରକ୍ଷା କୁ ନେଇ ସ୍କୁଲ ଛାତ୍ର ଛାତ୍ରୀ ଙ୍କ ମଧ୍ୟରେ ଅନୁଷ୍ଟିତ କୁଇଜ୍ ଓ ସିଟ୍ ଏଣ୍ଡ ଡ୍ର ପ୍ରତିଯୋଗିତା ର କୃତି ଛାତ୍ର ଛାତ୍ରୀ ଙ୍କୁ ଅତିଥି ଙ୍କ ଦ୍ଵାରା ପୁରସ୍କୃତ କରା ଯାଇଥିଲା l ବନ ଓ ବନ୍ୟ ପ୍ରାଣୀ ସଂରକ୍ଷଣ କ୍ଷେତ୍ରରେ ଉଲ୍ଲେଖନୀୟ ଭୂମିକା ରଖି ମୁଖ୍ୟମନ୍ତ୍ରୀ ଙ୍କ ଠାରୁ ୨୫ ହଜାର ଟଙ୍କା ଆର୍ଥିକ ପୁରସ୍କାର ଓ ମାନପତ୍ର ଗ୍ରହଣ କରିଥିବା ଜିଲ୍ଲା ର ସୋନପୁର ବନାଞ୍ଚଳ ର ସିଦ୍ଧାର୍ଥ ସାହୁ ଓ ବୀର ମହାରାଜ ବନାଞ୍ଚଳ ର ଲୋକନାଥ ଜଗ ଦଲାଙ୍କୁ ଜିଲ୍ଲାପାଳ ଙ୍କ ଦ୍ୱାରା ପୁରସ୍କୃତ କରା ଯାଇଥିଲା l  ଏସ ଏମ୍ ଏସ ପ୍ରକାଶ ସାହୁ ସଭା ସଂଯୋଜନା କରିଥିବା ବେଳେ ଏ ସି ଏଫ୍ ଗିରିଧାରୀ ନାଗ ଧନ୍ଯବାଦ ଅର୍ପଣ କରିଥିଲେ l ଆଜିର ଏହି କାର୍ଯ୍ୟକ୍ରମରେ ସୋନପୁର ରେଞ୍ଜର ସୁଭାଷ ମହାପାତ୍ର, ଉଲୁଣ୍ଡା ରେଞ୍ଜର ଦେବରାଜ ଛତ୍ରିଆ,  ଫରେଷ୍ଟର ଭକ୍ତ ବନ୍ଧୁ ମିଶ୍ର ଙ୍କ ସମେତ ଜିଲ୍ଲା ର ସମସ୍ତ ବନାଞ୍ଚଳ ଅଧିକାରୀ, ଫରେଷ୍ଟର ଜିଲ୍ଲା ବନ ଖଣ୍ଡ କାର୍ଯ୍ୟାଳୟ ର କର୍ମଚାରୀ  , ବୁଦ୍ଧିଜୀବି, ସାମ୍ୱାଦିକ , ସମସ୍ତ  କର୍ମଚାରୀ ଗଜ ସାଥୀ, ସ୍କ୍ୱାର୍ଡ ଉପସ୍ଥିତ ଥିଲେ l