13-Jul-2021

ବିନିକା (ହିମାଂଶୁ ଶେଖର ପୁଟେଲ) : ବିନିକା ବ୍ଲକ ଅମାମୁଣ୍ଡା ଗ୍ରାମରେ ୩ଜଣ ବ୍ୟକ୍ତି ଭେଜାଲ ମଦବିକ୍ରି କରୁଥିବାରୁ ମଦପାନ କରି ବିଭିନ୍ନ ସମୟରେ ଲୋକଙ୍କ ମଧ୍ୟରେ ଅପ୍ରୀତିକର ଘଟଣା ସୃଷ୍ଟି ହେଉଛି l ବିଶେଷ କରି ମା ଭଉଣୀଙ୍କ ଇଜ୍ଜତ ଉପରେ ପ୍ରଭାବ ପକାଊଛି l ତେଣୁ ଗାଁରେ ମଦ ବିକ୍ରି ବନ୍ଦ କରିବା ନେଇ ଆଜି ଅମାମୁଣ୍ଡା ଗ୍ରାମର ମହିଳା ମାନେ ସୁବର୍ଣ୍ଣପୁର ଜିଲ୍ଲାପାଳ ଓ ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକଙ୍କ ଦ୍ବାରସ୍ଥ ହୋଇ ଦାବିପତ୍ର ପ୍ରଦାନ କରିଥିବା ଜଣାପଡିଛି l ସୂଚନାଯୋଗ୍ୟ ଯେ ଶୁକ୍ରୁ ସ୍ୱାଇଁ,ନନ୍ଦ ସ୍ୱାଇଁ ଓ ପ୍ରତାପ ପ୍ରଧାନ ନାମକ ୩ଜଣ ବ୍ୟକ୍ତି ଗତ ୬/୩/୨୦୨୧ ତାରିଖରେ ଲଛିପୂର ପୋଲିସ ଫାଣ୍ଡିକୁ ଆସି ମଦ ନ ବିକିବା ପାଇଁ ଲେଖି ଦେଇଥିଲେ l ହେଲେ ସେମାନେ ପୁନର୍ବାର ମଦ ବିକ୍ରି କରୁଥିବାରୁ ଅନେକ ସମୟରେ ଗାଁରେ ମଦୁଆଙ୍କ ପ୍ରାଦୁର୍ଭାବ ବଡ଼ିବା ସାଙ୍ଗକୁ ଝଗଡ଼ା ସୃଷ୍ଟି ହେଉଛି l ରାସ୍ତାଘାଟରେ ମହିଳା ମାନେ ଯିବା ଆସିବାରେ ନିଜକୁ ସୁରକ୍ଷିତ ମନୁ ନାହାନ୍ତି l ମଦବିକ୍ରି ବନ୍ଦ ନେଇ ଲଛିପୁର ପୋଲିସ ନିକଟରେ ଗ୍ରାମବାସୀଙ୍କ ପକ୍ଷରୁ ଅଭିଯୋଗ କରାଯାଇଥିଲେ ମଧ୍ୟ ଉକ୍ତ ସମସ୍ୟା ଉପରେ କୋନସି

ପଦକ୍ଷେପ ନିଆ ନ ଯିବାରୁ ଶେଷରେ ଗ୍ରାମର ମହିଳା ମାନେ ଆଜି ସୁବର୍ଣ୍ଣପୁର ଜିଲ୍ଲାପାଳ କାର୍ଯ୍ୟାଳୟକୁ ଆସି ଜିଲ୍ଲାପାଳ ଅବୋଲି ସୁନିଲ ନରୱାନେ ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି l ତାର ଏକକି ତା ନକଲ କପି ମଧ୍ୟ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ସୀତାରାମ ଶତପଥୀଙ୍କୁ ମଧ୍ୟ ଦେଇଥିବା ଜଣାପଡିଛି l ଗ୍ରାମରେ ମଦବିକ୍ରି ବନ୍ଦ ପାଇଁ ସେମାନେ ଗୁହାରି କରିଛନ୍ତି l ଉକ୍ତ ଦାବିପତ୍ର ପ୍ରଦାନ ରେ ଗ୍ରାମର ୱାର୍ଡ ପ୍ରତିନିଧିଙ୍କ ସହ ପ୍ରାୟ ୨୦ ଜଣ ମହିଳା ଉପସ୍ଥିତ ଥିଲେ l