13-Jul-2021

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ): ଦଣ୍ଡପାଟ ଅଞ୍ଚଳରେ ଦାଦନ ଶ୍ରମିକଙ୍କ ମୃତ୍ୟୁ ଥମିବାର ନା ଧରୁନି l  ହେଲେ ଶ୍ରମବିଭାଗ ଓ ସରକାର ଙ୍କ ଚେତା ପସୁନି।ଏପଟେ ଅଞ୍ଚଳ ବାରମ୍ବାର ଦାଦନ ମୃତ୍ୟୁକୁ ନେଇ ଚର୍ଚ୍ଚିତ  ଥିବାବେଳେ ଦାଦନ ରୋକିବାରେ ସରକାର ବିଫଳ  ହୋଇଛନ୍ତି l କାମଧନ୍ଦା ନ ମିଳିବା , ଠିକାଦାରଙ୍କ ଶୋଷଣନୀତି ଓ ମନେରେଗା କାର୍ଯ୍ୟର ବିଫଳତା ଯୋଗୁଁ ଅଞ୍ଚଳରେ ଦାଦନ ଶ୍ରମିକ ଅକାରଣେ ମୃତ୍ୟୁ ମୁଖରେ ପଡୁଥିବା ଦେଖା ଯାଇଛି ।ଆଜି ଆମେ ନେଇ ଯାଉଛୁ ଆଉ ଏକ ହୃଦୟ ବିଦାରକ କରୁଣ ଘଟଣାକୁ ଯେଉଁଠି ସ୍ତ୍ରୀ  ସ୍ୱାମୀ କୁ ହରାଇ ଜଣେ ୫ମାସର ଛୁଆକୁ ଧରି ବାହୁନି ବାହୁନି କ୍ରନ୍ଦନ କରୁଛି  l 

ଏ ଦୃଶ୍ୟ ହେଉଛି କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଟେଣ୍ଡାପାଲି ପଂଚାୟତ କେନ୍ଦୁଗୁଡା ଗ୍ରାମର  l ଗ୍ରାମର ହେମନ୍ତ ବଣିଆ ଗତ ୩ମାସ ତଳେ  ତାମିଲନାଡୁର କାରବେଟିପଲମ  ରାମେଶ୍ୱର ଷ୍ଟେଟଟାଲ ଜଗନ୍ନାଥ କମ୍ପାନୀରେ ଦାଦନ ଶ୍ରମିକ ଭାବେ ନିୟୋଜିତ ଥିଲେ । ଆଶା ଥିଲା ଘରୋଇ ଋଣ ସୁଝିବା ସାଂଗେ କୁନି ପିଲା ଓ ପରିବାର ପ୍ରତିପଷଣ  ତଥା ଦୁଇ ପଇସା ଉପାର୍ଜନ କରି ଆରାମରେ ରହିବେ l ସେଥିପାଇଁ  ଅଞ୍ଚଳର କେତେକ ଲୋକଙ୍କ ସହ ମିଶି ତାମିଲନାଡୁ ଗଲେ ,ସବୁ ଠିକ ଠାକ୍ ଥିବାବେଳେ ୧୦ଦିନ ତଳେ ହଠାତ ଅସୁସ୍ଥ ହୋଇ ପଡିଲେ  l  ସାଙ୍ଗସାଥି  କାଏମବତୁର ଡାକ୍ତରଖାନାରେ ଭର୍ତ୍ତି କରି ଚିକିତ୍ସା କରାଇଥିଲେ ମଧ୍ୟ ରବିବାର ଦିନ ତାଙ୍କର ମୃତ୍ୟୁ ହୋଇଛି। ଆଜି ମର ଶରୀର ଗାଁ କୁ ପହଁଚିଲା ପରେ ଅଂଚଳରେ ଶୋକର ଛାୟା ଖେଳିଯାଇଛି l  ବାପା ଶିବ ବଣିଆ ବୃଦ୍ଧା ଓ ବିକଳାଙ୍ଗ ଥିବା ବେଳେ ମାଆ ମଧ୍ୟ ଜଣେ ରୋଗୀ  l ଅନ୍ୟପଟେ ସ୍ତ୍ରୀ ଦଶମୀ ଗତ ବର୍ଷ ବାହା ହୋଇ ଥିବା ବେଳେ ତାଙ୍କ କୋଳରେ ୫ମାସର ଗୋଟାଏ ଶିଶୁ।ଏଭଳି ସ୍ଥଳେ ତୁରନ୍ତ ପ୍ରଶାସନ ସହାୟତା କରିବାକୁ ଗ୍ରାମବାସୀଙ୍କ ଦାବି ହେଉଛି।