10-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା)ନୟାଗଡ଼ ଟାଉନ  ରେଳ ଷ୍ଟେସନ ର ପୂର୍ବବତ କାର୍ଯ୍ୟକ୍ଷମ କରିବାକୁ ଜିଲ୍ଲା କଂଗ୍ରେସ ସଭାପତି ଆଇନଜିବି ରଞ୍ଜିତ ଦାସ ନବ ନିଯୁକ୍ତ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଙ୍କୁ ଚିଠି ଲେଖିଛନ୍ତି | ନୟାଗଡ଼ ଟାଉନ ରେଳ ଷ୍ଟେସନ ରେ କାର୍ଯ୍ୟରତ ସମସ୍ତ କର୍ମଚାରୀ ଙ୍କୁ ହଠାତ ଅନ୍ୟତ୍ର ବଦଳି କରାଯାଇଛି ତେଣୁ ପୁନଃ କର୍ମଚାରୀ ନିଯୁକ୍ତି ପାଇଁ ଦାବୀ ରଖିଛନ୍ତି ରଞ୍ଜିତ | ଶହେ ଫୁଟ ଉଚ୍ଚା ରେ ଲହରୀ ଖେଳୁଥିବା ତ୍ରିରଙ୍ଗା କୁ ଅନାବୃତ୍ତ କରିଦିଆଯାଇଥିବାରୁ ତାହା ମଧ୍ୟ ବୁଦ୍ଧିଜୀବୀ ମହଲ ରେ ଚର୍ଚ୍ଚା ହେଉଛି | ବର୍ତମାନ ଷ୍ଟେସନ କୁ ଜଗିବାକୁ ମାତ୍ର ୨ ଜଣ ରାତ୍ରୀଜଗୁଆଳି ଥିବାରୁ ଦିନତମାମ ନିଶାଡୀ ମାନେ ଆସ୍ଥାନ ଜମାଇଛନ୍ତି ଷ୍ଟେସନ ରେ | ଉକ୍ତ ଷ୍ଟେସନ ସନ୍ନିକଟ ବରପଲି ଛକ ଠାରେ ନୟାଗଡ଼ - ଖଣ୍ଡପଡା ରାଜ୍ୟ ରାଜପଥ ଉପରେ ନିର୍ମାଣଧୀନ ଓଭରବ୍ରିଜ କାର୍ଯ୍ୟ, ନୟାଗଡ଼ ମହୀପୁର ରେଳ ଲାଇନ ବିଦ୍ୟୁତକରଣ କାର୍ଯ୍ୟ ଏବଂ ମହୀପୁର ଦଶପଲ୍ଲା ରେଳ ଟ୍ରାକ କାର୍ଯ୍ୟ କୌଣସି କାରଣ ରୁ

ବନ୍ଦ ଥିବାରୁ ଏହାର ଯୁଦ୍ଧକାଳୀନ ଭିତିରେ କାର୍ଯ୍ୟ ଆରମ୍ଭ କରିବାକୁ ଚିଠି ରେ ଉଲେଖ କରିଛନ୍ତି ସଭାପତି ମହୋଦୟ | ନୟାଗଡ଼ ବିଧାୟକ ମହୋଦୟ ଏହି ବିଷୟ ରେଲୱେ ଉପରିସ୍ଥ ଅଧିକାରୀ ଙ୍କୁ ପୂର୍ବରୁ ଚିଠି କରିଥିଲେ କିନ୍ତୁ ଏଯାବତ କୌଣସି ସମାଧାନ ହୋଇନଥିବା ଉକ୍ତ ଚିଠିରେ ଉଲେଖ କରିଛନ୍ତି ଶ୍ରୀଯୁକ୍ତ ଦାସ | ବାରମ୍ବାର ଅନୁରୋଧ ସତ୍ୱେ ରେଳମନ୍ତ୍ରାଳୟ ଯଦି କୌଣସି ପଦକ୍ଷେପ ଅତି ଶୀଘ୍ର ନନିଅନ୍ତି ତେବେ ଜିଲ୍ଲା କଂଗ୍ରେସ ରାଜରାସ୍ତା କୁ ଓଲ୍ହାଇବା ସହିତ ଜଟଣୀ ଷ୍ଟେସନ ରେ ରେଳ ରୋକ ଆନ୍ଦୋଳନ କରିବ ବୋଲି ଜିଲ୍ଲା କଂଗ୍ରେସ ସଭାପତି ଚେତାବନୀ ଦେଇଛନ୍ତି |