09-Jul-2021

ବିନିକା (ହିମାଂଶୁ ଶେଖର ପୁଟେଲ) : ତୈଳଦର ଓ ଇନ୍ଧନ ଗ୍ୟାସର ଅହେତୁକ ଦର ବୃଦ୍ଧି ଯୋଗୁଁ ମହାମାରୀ କରୋନା ସମୟରେ ସାଧାରଣ ଲୋକଙ୍କ ଆର୍ଥିକ ସ୍ଥିତି ଉପରେ ପ୍ରଭାବ ପକାଇଛି l ସେହିପରି ଚାଷୀଙ୍କ ବିଭିନ୍ନ ସମସ୍ୟା ସମାଧାନ କରିବାରେ ଉଭୟ କେନ୍ଦ୍ର ଓ ରାଜ୍ୟ ସରକାର ବିଫଳ ହୋଇଛନ୍ତି l ବାରମ୍ବାର କେନ୍ଦ୍ର ସରକାର ଦରବୃଦ୍ଧି କରୁଥିବାରୁ ସରକାରଙ୍କ ଜନବିରୋଧୀ ନୀତିକୁ ନେଇ ଆଜି ବିନିକା ବ୍ଲକ ଓ ନଗର କଂଗ୍ରେସ ଦଳ ତରଫରୁ କର୍ମୀମାନେ ସରକାର ବିରୋଧୀ ସ୍ଲୋଗାନ ଦେଇ  ନିଜନିଜ ସାଇକଲ ଯୋଗେ 5କିମି ଦୂରରୁ ବିନିକା ବ୍ଲକ କାର୍ଯ୍ୟାଳୟକୁ ଆସି ପ୍ରତିବାଦ କରିଥିଲେ l ବିନିକା ବ୍ଲକ କଂଗ୍ରେସ ସଭାପତି ରବୀନ୍ଦ୍ର କୁମାର ହୋତା ଓ ନଗର ସଭାପତି ସାରଥୀ ନାୟକଙ୍କ ତତ୍ତ୍ଵାବଧାନରେ ସାଇକଲ ପ୍ରତିବାଦ କାର୍ଯ୍ୟକ୍ରମରେ କଂଗ୍ରେସ ନେତା ପ୍ରଦୀପ ସେଠୀ,ନରେନ୍ଦ୍ର ପଣ୍ଡା,ନରେନ୍ଦ୍ର ସାହୁ,ସୁମନ୍ତ ସାହୁ,ବିଜୟ ଭୋଇ,ଶିବ ଖମାରୀ,ରବି ଭଇନା,ସମିତ୍ରି ତରିଆ,ଋଷି ସାହୁ,ମହେନ୍ଦ୍ର ଥନlପତି ପ୍ରମୁଖଙ୍କ ସମେତ ବହୁ କଂଗ୍ରେସ କର୍ମୀ ସାମିଲ ହୋଇଥିଲେ l