09-Jul-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗୀର ସମସ୍ତ ବ୍ଲକ କାର୍ଯ୍ୟଳୟ ସମ୍ମୁଖରେ ଜିଲ୍ଲା କଂଗ୍ରେସ, ବ୍ଲକ କଂଗ୍ରେସ ତରଫରୁ ବିକ୍ଷୋଭ,ଆନ୍ଦୋଳନ ଓ ଧାରଣା ପଦର୍ଶନ ବିଗତ ଦିନରୁ ସରିଥିବା ବେଳେ କୌଣସି ପ୍ରକାର ସହାନୁଭୂତି କି ସୁବିଚାର ଭଳି  ମନୋଭାବ ଦୃଶ୍ୟମାନ ନ ହେବାରୁ ଆଜି ପୁଣି ବଲାଙ୍ଗୀର ଜିଲ୍ଲା କଂଗ୍ରେସ,ବ୍ଲକ କଂଗ୍ରେସ ଓ ମହିଳା କଂଗ୍ରେସର ଶତାଧିକ କର୍ମୀ ରାଜରାସ୍ତାକୁ ଓଲ୍ଲାଇ ଆନ୍ଦୋଳନକୁ ତୀବ୍ରତର କରିଛନ୍ତି l  ସହର ମଧ୍ୟରେ ଉଭୟ ବିଜେଡି ଓ ବିଜେପି ସରକାରଙ୍କ ବିରୁଦ୍ଧରେ ସ୍ଲୋଗାନ ଦେଇ ନାରାବାଜି କରିଛନ୍ତି। 

  ସୂଚନା ଅନୁଯାୟୀ ଉଭୟ ସରକାରଙ୍କ ଦର ବୃଦ୍ଧି ନୀତିକୁ ନେଇ ସାରା ରାଜ୍ୟରେ ଦିନକୁ ଦିନ ହାହାକାର ପରିସ୍ଥିତି ସ୍ରୁଷ୍ଟି ହୋଇ ଆସୁଥିବା ବେଳେ ନିତ୍ୟବ୍ୟବହାର୍ଯ୍ୟ ସାମଗ୍ରୀର ଆକାଶଛୁଆଁ  ଦର ସାଧାରଣ ଖାଉଟିକୁ ବlଧୁଛି ।  ତେଲ ତାତି ବର୍ତ୍ତମାନ ଚାରିଆଡେ ଅନୁଭୂତ ହେଲାଣି । ଏହାର ପ୍ରତିବାଦରେ ଆଜି ଜିଲ୍ଲା କଂଗ୍ରେସ ଆନ୍ଦୋଳନକୁ ଓହ୍ଲାଇଛି l ନଗର କଂଗ୍ରେସ ସଭାପତି ବୁଲୁଦାନୀଙ୍କ ନେତୃତ୍ୱରେ ବଲାଙ୍ଗୀର କଂଗ୍ରେସ କାର୍ଯ୍ୟଳୟ ପରିସରରୁ ଶତାଧିକ କଂଗ୍ରେସ କର୍ମୀ ସାଇକେଲ ରେଲି ମାଧ୍ୟମରେ ସହର ପରିକ୍ରମା କରିବା ସହ ଜିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ଧାରଣା ଦେଇଛନ୍ତି। ପେଟ୍ରୋଲ,ଡିଜେଲ,ରନ୍ଧନ ଗ୍ୟାସ,ଖାଇବା ତେଲ ର ଦର ଦାମ କମ କରିବାକୁ ନେଇ ଆନ୍ଦୋଳନ ଜାରି ରହିଛି। ସେପଟେ ମହିଳା କଂଗ୍ରେସର ଶତାଧିକ ମହିଳା କର୍ମୀ ମଧ୍ୟ ରାଜରାସ୍ତାକୁ ଓହ୍ଲାଇଛନ୍ତି ଓ ଆନ୍ଦୋଳନକୁ ତୀବ୍ରତାର ରୂପ ଦେଇଛନ୍ତି । ଆଜି ଜିଲ୍ଲାପାଳ କାର୍ଯ୍ୟଳୟ ସମ୍ମୁଖରେ ରନ୍ଧନ ଗ୍ୟାସ ରଖିବା ସହ ଉଭୟ ସରକାରଙ୍କ ବିରୁଦ୍ଧରେ ସ୍ୱର ଉତ୍ତୋଲନ କରିଛନ୍ତି  l ଏହି ଦୁଇ ସରକାର ବଲାଙ୍ଗୀର ଜିଲ୍ଲା ସହ ଏଠିକାର ଜନସାଧାରଣଙ୍କ ପ୍ରତି ବୈମାତୃକ ମନୋଭାବ ରଖି ଶୋଷଣ ପ୍ରକିୟା ଜାରି ରଖିଛନ୍ତି। ଆମେ କେବେ ବରଦାସ୍ତ କରିବୁ ନାହିଁ କି ସହ୍ୟ ମଧ୍ୟ କରିବୁ ନାହିଁ ବୋଲି ଜିଲ୍ଲା ମହିଳା କଂଗ୍ରେସ ସଭାନେତ୍ରୀ ମିଳନୀ ସାହୁ ନିଜ ମତବ୍ୟକ୍ତ କରିଛନ୍ତି।ଏବଂ ଯଥାଶୀଘ୍ର ହୁ ହୁ ହୋଇ ବଢୁଥିବା ସାମଗ୍ରୀ ର ଦରଦାମ ହ୍ରାସ ପାଇଁ ଜିଲ୍ଲା ପ୍ରଶାସନ ମାଧ୍ୟମରେ ଉଭୟ ସରକାରଙ୍କ ଦୃଷ୍ଟି ଆକର୍ଷଣ ପାଇଁ ଦାବି ପତ୍ର ଉପସ୍ଥାପନ କରିଛନ୍ତି । ଉଭୟ ସରକାରଙ୍କୁ ସିଧାସଳଖ ଚେତାବନୀ ଦେଇଛନ୍ତି ଓ ବଲାଙ୍ଗୀର ଜିଲ୍ଲାବାସୀ ଙ୍କ ପ୍ରତି ଯଦି ମାତୃକ ମନୋଭାବ ନ ରଖନ୍ତି ତେବେ ଏହି ଆନ୍ଦୋଳନ ଜନ ଆନ୍ଦୋଳନ ରେ ପରିଣତ ହେବ ଓ ସହର ସହ ଜିଲ୍ଲା ମଧ୍ୟରେ ନିଆଁ ଜଳିବ ଏବଂ ଯାହା ପରିସ୍ଥିତି ସୃଷ୍ଟି ହେବ ଉଭୟ ସରକାର ଦାୟୀ ରହିବେ ବୋଲି କଂଗ୍ରେସ ଆନ୍ଦୋଳନ କାରୀ କର୍ମୀ ଚେତାବନୀ ଦେଇଛନ୍ତି।