08-Jul-2021

ବଲାଙ୍ଗିର (ପ୍ରେରଣା ଖବର) : ଗତ ୬ ତାରିଖରେ ଗ୍ରାମ୍ଯ ଉନ୍ନୟନ ଓ ଶ୍ରମ ମନ୍ତ୍ରୀ ଶ୍ରୀ ସୁଶାନ୍ତ ସିଂହ ଙ୍କ ବଲାଙ୍ଗିର ଗସ୍ତ କାର୍ଯ୍ଯକ୍ରମରେ ବଲାଙ୍ଗିର ବିଜୁ ଛାତ୍ର ଜନତା ଦଳର ରାଜ୍ଯ ସମ୍ପାଦକ ସୁମନ ନନ୍ଦ ଓ ସାଥି ବଲାଙ୍ଗିର ସାର୍କିଟ୍ ହାଉସ ଠାରେ ମାନ୍ଯବର ମନ୍ତ୍ରୀଙ୍କୁ ସାକ୍ଷାତ କରି ରାଜେନ୍ଦ୍ର ବିଶ୍ବବିଦ୍ଯାଳୟ ର ବିଭିନ୍ନ ସମସ୍ଯା ବିଷୟରେ ଆଲୋଚନା କରି ବିଶ୍ବବିଦ୍ଯାଳୟ ପରିସରରେ ଛାତ୍ରଛାତ୍ରୀଙ୍କ କ୍ରୀଡାର ଉନ୍ନତି ପାଇଁ ଏକ ଇଣ୍ଡୋର ଷ୍ଟାଡିୟମ ନିର୍ମାଣ ପାଇଁ ମନ୍ତ୍ରୀଙ୍କ ଜରିଆରେ ମାନ୍ଯବର ମୁଖ୍ଯମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଙ୍କୁ  ପଶ୍ଚିମ ଓଡିଶା ବିକାଶ ପରିଷଦ ପାଣ୍ଠି କିମ୍ବା କ୍ରୀଡା ବିଭାଗ ତରଫରୁ ଅନୁଦାନ ଦେଇ ନର୍ମାଣ କରିବାକୁ ଏକ ଲିଖିତ ଅନୁରୋଧ କରିଛନ୍ତି । ଏହି ସାକ୍ଷାତକାର ସମୟରେ ପାଟଣାଗଡ ବିଧାୟକ ସରୋଜ ମେହେର ଉପସ୍ଥିତ ଥିବାବେଳେ ମହିଳା ସଭାପତି ଦମୟନ୍ତି ବାଗ ଯୁବ ସଭାପତି ରାଜେନ୍ଦ୍ର ପ୍ରସାଦ ହୋତା , ନିହାର ବେହେରା ବରିଷ୍ଠ ନେତା ଓମକାର ନାୟକ, ଛାତ୍ରନେତା ତେଜରାଜ ଚୌଧୁରୀ ଉପସ୍ଥିତ ଥିଲେ  ।