07-Jul-2021

ସୋନପୁର,(ପ୍ରେରଣା ଖବର) :ସଦର ବ୍ଲକ ଅନ୍ତର୍ଗତ ପ୍ରତାପପୁର ଉ.ପ୍ରା. ବିଦ୍ୟାଳୟର ଜୁନିୟର ରେଡକ୍ରସ୍‌ ଯୁନିଟ୍ ତରଫରୁ ବନ ମହୋତ୍ସବ ପାଳିତ ହୋଇଯାଇଛି। ଜିଲ୍ଲା ଜୁନିୟର ରେଡ୍‌କ୍ରସ୍‌ ଅଫିସର୍ ରବିଚନ୍ଦ୍ର ପସାୟତଙ୍କ ମାର୍ଗଦର୍ଶନରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ତଥା ରେଡ୍ କ୍ରସ୍‌ ପରାମର୍ଶଦାତା ଶିକ୍ଷକ ଗୋପେଶ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବରେ ସୋନପୁର ରେଞ୍ଜର୍ ମନୋରଞ୍ଜନ ବାଘ, ଫରେଷ୍ଟର୍ ଦେବରାଜ ଛାତ୍ରିଆ , ଫରେଷ୍ଟ ଗାର୍ଡ ସୁଜ୍ଞାନୀ ମିଶ୍ର, ଫରେଷ୍ଟ କୋଡ଼ିନେଟର୍ ତପନ କୁମାର ପୁଝାରୀ ଏବଂ  ସିଆରସି ମହେଶ୍ଵର କ୍ଷେତୀ ପ୍ରମୁଖ ଯୋଗଦେଇ ଚାରା ରୋପଣ କରିଥିଲେ । ବୃକ୍ଷ ଅଙ୍ଗାରକାମ୍ଳ ବାଷ୍ପ ପରି ବିଷକୁ ପାନ କରି ଅମ୍ଳଜାନ ବାଷ୍ପ ପରି ଅମୃତ କୁ ପ୍ରଦାନ କରିଥାଏ । ତେଣୁ ବୃକ୍ଷ ହେଉଛି ପ୍ରତ୍ୟକ୍ଷ "ଶିବ"ଙ୍କ ସ୍ୱରୂପ ବୋଲି ଉପସ୍ଥିତ ଥିବା ପରିବେଶବିତ୍‌ ମାନେ ମତ ପ୍ରକାଶ କରିଥିଲେ । ଏହି ଅବସରରେ ନିମ୍ବ, ବଉଳ, ଅଶୋକ, ଜାମୁ, ଅଂଳା , ବେଲ , ସ୍ୱର୍ଣ୍ଣ ଚମ୍ପା, ପ୍ରଭୃତି ବୃକ୍ଷର ଚାରା ରୋପଣ କରାଯାଇଥିବା ବେଳେ ତନ୍ମଧ୍ଯରୁ ନିମ ଗଛର ନାମ "ବୋଧିଦ୍ରୁମ" ବୋଲି ଜୁନିୟର୍ ରେଡ୍‌କ୍ରସ୍‌ ୟୁନିଟ୍ ତରଫରୁ ନାମିତ କରାଯାଇଥିଲା । କାର୍ଯ୍ୟକ୍ରମରେ ଶିକ୍ଷକ ଜୟରାମ ପଣ୍ଡା, ମହେନ୍ଦ୍ରୀ ପଣ୍ଡା, ଅକ୍ଷୟ କୁମାର ଜେନା ଉପରସ୍ଥିତ ଥିବାବେଳେ ପାନୁ କଠାର, ଗୋବର୍ଦ୍ଧନ କଠାର, ହୃଷି ବାଘ, ହେମ ସାଗର କଠାର, ନରେନ୍ଦ୍ର ମାଝି, ରଜନୀ କଠାର,  ଯଶୋବନ୍ତୀ ଆଡଯୁଆଡି ପ୍ରମୁଖ ଗ୍ରାମ ବାସୀ ତଥା ବିଦ୍ୟାଳୟ ପରିଚାଳନା କମିଟୀର ସଦସ୍ୟ ସଦସ୍ୟା କାର୍ଯ୍ୟକ୍ରମରେ ସହଯୋଗ କରିଥିଲେ ଏବଂ ବିଦ୍ୟାଳୟ ପରିଚାଳନା କମିଟୀର ସଭାପତି ଉମାକାନ୍ତ କଠାର ଧନ୍ୟବାଦ ଅର୍ପଣ କରିଥିଲେ ।