07-Jul-2021

ସୁବଲୟା,(ପ୍ରେରଣା ଖବର)  ବିରମହାରାଜପୁର  ବ୍ଲକ ଅନ୍ତର୍ଗତ ସୁବଲୟା ଉଚ୍ଚବିଦ୍ୟାଳୟରେ କୋଭିଡ ଗାଇଡଲାଇନ ଅନୁପାଳନ କରି ବନମହୋତ୍ସବ ପାଳିତ    ହୋଇଯାଇଛି । ବିଦ୍ୟାଳୟର ଜୁନିଅର ରେଡକ୍ରସ ପରାମର୍ଶଦାତା ତଥା ଜିଲ୍ଲା ସାଧନକର୍ମି ଚନ୍ଦ୍ରମଣି ବାଘଙ୍କ ତତ୍ୱାବଧାନରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ପ୍ରଧାନଶିକ୍ଷକ  ସ୍ୱର୍ଣ୍ଣଲତା ବେହେରା

ନିମ୍ବ ଗଛ ଲଗାଇି ୭୨ତମ ବନମହୋତ୍ସବକୁ ଶୁଭାରମ୍ଭ କରିଥିଲେ ।  ସମ୍ମାନୀତ ଅତିଥି ଭାବରେ ଜିଲ୍ଲା ଜୁନିଅର ରେଡକ୍ରସ କମିଟି ସଦସ୍ୟା ମୀନାକ୍ଷୀ ହୋତା ଯୋଗଦେଇଥିଲେ । ବୃକ୍ଷ ବିନା ମଣିଷ ଜୀବନ ଅସମ୍ଭବ । ବୃକ୍ଷ ଅମ୍ଲଜାନ ଯୋଗାଇ ମଣିଷ ଜୀବନକୁ ସୁରକ୍ଷିତ କରିଥାଏ । କରୋନା ସମୟରେ ଅମ୍ଲଜାନର ଅଭାବରୁ ଆମେ ବୃୃକ୍ଷର ମହତ୍ୱ ବୁଝିପାରିଛୈ । ତେଣୁ ବୃକ୍ଷ ହିଁ ଆମର ଦାରୁ ଦେବତା ବୋଲି ଉପସ୍ଥିତ ଥିବା ପ୍ରକୃତିିପ୍ରେମୀ ମାନେ  ମତପ୍ରକାଶ କରିଥିଲେ । ବିଦ୍ୟାଳୟ ପରିସରରେ ନିମ୍ବ, କରଂଜ, ଅଁଳା, ଶାଗୁଆନ ଆଦି ବୃକ୍ଷ ରୋପଣ କରାଯାଇଥିଲା । ଜିଲ୍ଲା ଜୁନିଅର ରେଡକ୍ରସର ଆହ୍ୱାନକ୍ରମେ ରୋପଣ    

 ଗୋଟିଏ ନିମ୍ବ ଗଛକୁ  ‘ବୋଧିଦୃମ’ ନାମରେ ନାମିତ କରାଯାଇଛିି । କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଶିକ୍ଷକା ମଧ୍ୟରେ ଶାମ୍ପା ବିଶ୍ୱାଲ, କଳ୍ପନା ସାହୁ, ସ୍ୱର୍ଣ୍ଣମୟୀ ଶତପଥି, ଯାଜ୍ଞସେନୀ ବେହେରା, ସିଦ୍ଧାର୍ଥ ମିଶ୍ର, ସୁନୀଲ ବରିହା, କର୍ମଚାରୀ ହଳଧର ବାଘ,ରାଜେନ୍ଦ୍ର ବାଦୀ, ଦିବ୍ୟ ଜ୍ୟୋତି ମାଇତି ପ୍ରମୁଖ ଉପସ୍ଥତ ରହି ସହଯୋଗ କରିଥିଲେ ।