07-Jul-2021

ବିନିକା (ହିମାଂଶୁ ଶେଖର ପୁଟେଲ) : କେନ୍ଦ୍ରର ବିଜେପି ସରକାର ବିରୁଦ୍ଧରେ ସାରା ରାଜ୍ୟ ସମେତ ବିନିକା ବ୍ଲକ କଂଗ୍ରେସ ତରଫରୁ ଆଜି ବ୍ଲକ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରାଯାଇଛି l ବ୍ଲକ କଂଗ୍ରେସ ସଭାପତି ରବୀନ୍ଦ୍ର କୁମାର ହୋତାଙ୍କ ନେତୃତ୍ୱରେ ବହୁ କଂଗ୍ରେସ କର୍ମୀ ଏଥିରେ ସାମିଲ ହୋଇ କେନ୍ଦ୍ର ମନଇଚ୍ଛା ଭାବରେ ପେଟ୍ରୋଲ,ଡିଜେଲ ଓ ରନ୍ଧନ ଗ୍ୟାସର ଦରବୃଦ୍ଧି କରୁଥିବାରୁ କରୋନା ସମୟରେ ସାଧାରଣ ଲୋକଙ୍କ ଆର୍ଥିକ ସ୍ତିତିପ୍ରତି ବୋଝ ପଡିବା ସହ ଜୀବନ ଯାପନ ଦୁର୍ବିସହ ହୋଇପଡିଛି lସେହିପରି ଧାନ କୁଇଣ୍ଟାଲ ପିଛା ୨୯୩୦ ଟଙ୍କା ବୃଦ୍ଧି କରିବା,ଧାନବିକ୍ରିରୁ ବଞ୍ଚିତ ଚାଷୀଙ୍କ ଧାନକୁ ତୁରନ୍ତ ସରକାର କିଣିବା,ଟୋକନ ଅବଧି ସମୟ ବୃଦ୍ଧି କରିବା,ଚଲିତ ଖରିଫ ଋତୁରେ ଚାଷୀଙ୍କୁ ବିହନ,ସାର ଯୋଗାଇଦେବା ଆଦି କଂଗ୍ରେସ ତରଫରୁ ଦାବି କରାଯାଇଛି l ଅନୁଷ୍ଟିତ ଏହି ବିକ୍ଷୋଭ କାର୍ଯ୍ୟକ୍ରମରେ କଂଗ୍ରେସ ନେତା ପ୍ରଦୀପ ସେଠୀ,ନରେନ୍ଦ୍ର ପଣ୍ଡା,ନରେନ୍ଦ୍ର ସାହୁ,ସପନେଶ୍ୱର ପୃଷ୍ଟି,ଗୋବିନ୍ଦା ଝାଂକର,ଗୋପୀନାଥ ପଣ୍ଡା,

ଟିକୁ ହୋତା,ସୁମନ୍ତ ସାହୁ,ବିଜୟ ଭୋଇ ପ୍ରମୁଖ ସାମିଲ ହୋଇଥିଲେ l ସେହିପରି ବିନିକା ଅଞ୍ଚଳର ଚାଷୀଙ୍କ ଧାନବିକ୍ରି ସମସ୍ୟା ନେଇ ତହସିଲ କାର୍ଯ୍ୟାଳୟରେ ଚାଲିଥିବା ଧାରଣା ଆଜି ୧୫ଦିନ ସମ୍ପୂର୍ଣ ହୋଇଥିଲେ ହେଁ ଧାରଣାରତ ଚାଷୀ ଓ କଂଗ୍ରେସ କର୍ମୀଙ୍କ ପାଖକୁ ସଦ୍ୟ ଯୋଗଦେଇଥିବା ସୁବର୍ଣ୍ଣପୁର ଜିଲ୍ଲାପାଳ ଅବୋଳି ସୁନିଲ ନରୱେନେ ସମସ୍ୟା ସମାଧାନ ନେଇ ପହଞ୍ଚି ନ ଥିବାରୁ ଚାଷୀ ମହଲରେ ଘୋର ଅସନ୍ତୋଷ ପ୍ରକାଶ ପାଇଛି l ସମାଧାନ ନ ହେବା ପର୍ଯ୍ୟନ୍ତ ତହସିଲ ଓ ରେଜିଷ୍ଟ୍ରି କାର୍ଯ୍ୟାଳୟକୁ ଅଚଳ ରଖାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି l