06-Jul-2021

ସୋନପୁର,(ପ୍ରେରଣା ଖବର)-  ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଂଚାୟତ ଉଚ୍ଚବିଦ୍ୟାଳୟ    ବାଙ୍କିପାଲିର ଜୁନିଅର ରେଡକ୍ରସ ୟୁନିଟ ତରଫରୁ କୋଭିଡ ଗାଇଡଲାଲଇନକୁ ମାନି ୨୦୨୧ ବନମହୋତ୍ସବ ପାଳିତ ହୋଇଯାଇଛି । ବିଦ୍ୟାଳୟର ଜୁନିଅର ରେଡକ୍ରସ ପରାମର୍ଶଦାତା ତଥା ସାଧନକର୍ମି ହୃଷିକେଶ ଡାଙ୍ଗ ପରିଚୟ ପ୍ରଦାନ କରିବା ସହିତ ୭୨ତମ ବନମହୋତ୍ସବ ସଂନ୍ଦର୍ଭରେ ସୂଚନା ପ୍ରଦାନ କରିଥିଲେ । ବିଦ୍ୟାଳୟର ପ୍ରଧାନଶିକ୍ଷକ ନବିନ କୁମାର ପାଢୀଙ୍କ ଅଧ୍ୟକ୍ଷତାରେ ହୋଇଥିବା କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ମୁଖ୍ୟଅତିଥି ଭାବରେ ଓ  ବଲାଙ୍ଗିର ଜିଲ୍ଲା ଡେଙ୍ଗ ଉଚ୍ଚ ବିଦ୍ୟାଳୟର  ଜୁନିଅର ରେଡକ୍ରସ ପରାମର୍ଶଦାତା ତଥା ସମାଜସେବୀ ଶିକ୍ଷକ ରାମ ନାରାୟଣ ଦାଶ  ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ବୃକ୍ଷ ହିଁ ଜୀବନ । ପରିବେଶ ତଥା ସମାଜ ପାଇଁ ବୃକ୍ଷର ଆବଶ୍ୟକତା ସମଗ୍ର ବିଶ୍ୱବାସୀ ଅବଗତ । ସଂପ୍ରତି କରୋନା ମହାମାରୀ ସମୟରେ ଅମ୍ଲଜାନ ସିଲିଣ୍ଡର

ଅଭାବ ସୂଚାଇ ଦେଇଛି ଯେ ବୃକ୍ଷର ଆବଶ୍ୟକତା ସନ୍ତୁଳିତ ପରିବେଶ ରେ ମାନବ ସମାଜ ତିଷ୍ଠି ରହିବା ପାଇଁ ନିତାନ୍ତ ଆବଶ୍ୟକ ବୋଲି ଅତିଥି ଗଣ ମତପ୍ରକାଶ କରିଥିଲେ । ପରେ ବିଦ୍ୟାଳୟ ପରିସରରେ ନିମ୍ବ, ପିଜୁଳି, ପଣସ, ଆମ୍ବ, ଜାମୁ ଆଦି ବୃକ୍ଷ ରୋପଣ କରାଯାଇଥିଲା । ଗୋଟିଏ ନିମ୍ବ ଗଛ କୁ ‘ବୋଧିଦୃମ’ ନାମରେ ନାମିତ କରାଯାଇଛି । କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ  ଠଣ ସୁନ୍ଦର ସାହୁ, ସଂଜିବ ସାହୁ, ବସୁଦେବ ନାଏକ, ତମାଲ ଭୋଇ, ଗୋବିନ୍ଦ ପଧାନ, ତଖଲିତ ପଧାନ, ସୁବାଷ ଭୋଇ ପ୍ରମୁଖ ଉପସ୍ଥତ ରହି ସହଯୋଗ କରିଥିଲେ । ବରିଷ୍ଠ ଶିକ୍ଷକ ସଂଜିବ ସାହୁ ଧନ୍ୟବାଦ ଅର୍ପଣ କରିଥିଲେ ।