05-Jul-2021

ବିନିକା (ହିମାଂଶୁ ଶେଖର ପୁଟେଲ) : ପଡାରୁ ପଡା,ଗାଁ ଠୁ ଗାଁ ଏହିପରି ପଞ୍ଚାୟତ ସ୍ତରରେ ଥିବା ଗାଁ ଗୁଡିକରେ ବସବାସ କରୁଥିବା ଅଧିବାସୀଙ୍କ ଠାରେ ଯେତିକି ସଚେତନତା ସୃଷ୍ଟି କରାଯିବ ସେମାନେ ସେତିକି ଭାବରେ ନିଜକୁ ସୁରକ୍ଷିତ ରଖିପାରିବେ ଓ ସ୍ବାସ୍ଥ୍ୟ ଭଳି ଅମୂଲ୍ୟ ସମ୍ପଦ ର ବିପଦରୁ ତାଙ୍କୁ ମୁକ୍ତ କରିବା ଆମ ପାଇଁ ସଚେତନତା କାର୍ଯ୍ୟକ୍ରମ ସବୁଠାରୁ ମହତକାର୍ଯ୍ୟ ହେବବୋଲି ବିନିକା ବ୍ଲକ ଅନ୍ତର୍ଗତ ଅନ୍ତର୍ଗତ ମହାଦେବପାଲି ପଞ୍ଚାୟତ ସ୍ତରରେ ଆୟୋଜିତ ସଚେତନତା କାର୍ଯ୍ୟକ୍ରମରେ ସାମିଲ ହୋଇ ଏଏନଏମ,ଅଙ୍ଗନୱାଡ଼ି, ଆଶା କର୍ମୀ ପ୍ରକାଶ କରିଛନ୍ତି l ସୂଚନା ଯୋଗ୍ୟ ଯେ ଦୀର୍ଘ ଏକବର୍ଷ ରୁ ଉର୍ଦ୍ଧ ହେବ ମହାମାରୀ କରୋନା ରେ କବଳିତ ଲୋକଙ୍କୁ ଉଦ୍ଧାର କରିବା ପାଇଁ ସରକାରଙ୍କ ନିର୍ଦ୍ଦେଶ କ୍ରମେ ଅଙ୍ଗନୱାଡ଼ି,ଆଶା କର୍ମୀମାନେ ଘରଘର ବୁଲି ଲୋକଙ୍କୁ କୋଭିଡ଼ ନିୟମ ପାଳନ ଦିଗରେ ସଚେତନ କରିବା ସହ ଏହି ରୋଗରୁ ବର୍ତ୍ତିବା ପାଇଁ ସମସ୍ତେ କୋଭିଡ଼ ଟୀକା ନେବାକୁ ପରାମର୍ଶ ଦିଆଯାଉଛି l ଏଏନଏମ ଇନ୍ଦୂଳତା ସେଠୀ ଓ ଅଙ୍ଗନୱାଡ଼ି କର୍ମୀ ଗାୟତ୍ରୀ ପୂଜାହାରିଙ୍କ ନେତୃତ୍ୱରେ ପଞ୍ଚାୟତ ସ୍ତରରେ କାର୍ଯ୍ୟରତ ସମସ୍ତ ଅଙ୍ଗନୱାଡ଼ି ଓ ଆଶାକର୍ମୀ ମିଳିତ ହୋଇ ମାଇକ ଯୋଗେ ପଞ୍ଚାୟତ ଅଧୀନ  ନାଗପାଲି,ସଂସାମୁରା,ଘୋଡାଧାର,ଗରିଆପାଲି,ପଣ୍ଡକିତାଳ,ସକମା, କର୍ତ୍ତଙ୍ଗ,ମହାଦେବପାଲି, ପଧାନପାଲି ପ୍ରଭୃତି ଗ୍ରାମରେ ଘରଘର ବୁଲି ଲୋକଙ୍କୁ କରୋନା ଓ ମ୍ୟାଲେରିଆ ଉପରେ ସଚେତନତା ସୃଷ୍ଟି କରିବା କାର୍ଯ୍ୟକ୍ରମ ବଳବତ୍ତର ରଖିଥିବା ବେଳେ ଶିଶୁଙ୍କ ସୁରକ୍ଷା ପାଇଁ ନିମୋନିଆ ଓ ମସ୍ତିଷ୍କ ଜ୍ବର ସକାଶେ ଟିସିଜି ଟୀକା ଦେବାକୁ ସମସ୍ତ ପିତାମାତାଙ୍କୁ ଅବଗତ କରୁଥିବା ଦେଖିବାକୁ ମିଳିଛି l ଏହି ସଚେତନତା କାର୍ଯ୍ୟକ୍ରମ ରେ ଚନ୍ଦ୍ରଭାନୁ ସିକକା, ସଂଯୁକ୍ତା ନାଗ,ସତ୍ୟବତୀ ମୁଦୁଲି,ଜାନକୀନାଥ,ରୁକୁନି ନାଗ, ଵୈଦେହି ବେହେରା,ଉର୍ମିଳା କଠାର,ଜlଜ୍ଞସିନି କୁମ୍ଭାର,କୌଶଲ୍ୟା କଠାର,ମାନିନୀ ରଣା,କୁନ୍ତୀ ଦେବୀ,କୁନ୍ତୀ ମଲ୍ଲିକ, ଵୈଦେହି ପାଣ୍ଡେ,ଜୟା ଖୁରା,ଶୁକ,ଅରୁଣା ପ୍ରମୁଖ ଅଙ୍ଗନୱାଡ଼ି ଓ ଆଶା କର୍ମୀ ସାମିଲ ହୋଇଛନ୍ତି l