05-Jul-2021

ବିନିକା (ହିମାଂଶୁ ଶେଖର ପୁଟେଲ) : ଗତକାଲି ବିଳମ୍ବିତ ରାତିରେ ବିନିକା-ସୋନପୁର ମୁଖ୍ୟରାସ୍ତାରେ ଏକ ଅଜଣା ଗାଡି ଧକ୍କାରେ ଗୋଟିଏ ଗୋରୁ ଘଟଣାସ୍ଥଳରେ ମୃତ ହୋଇଥିବା ବେଳେ ଆଉ ଏକ ଗୋରୁ ରକ୍ତାକ୍ତ ଅବସ୍ଥାରେ ରାସ୍ତା ଉପରେ ପଡ଼ିରହିଥିଲା 
ରାସ୍ତାରେ ଯାଉଥିବା କେତେକ ବ୍ୟକ୍ତି ପ୍ରାଣୀ ଚିକିତ୍ସାଳୟକୁ ନେବାପାଇ ଓ ରାସ୍ତା ଉପରୁ ଗୋରୁଙ୍କୁ ହଟାଇବା ପାଇଁ ବିନିକା ଅଗ୍ନିଶମ ବିଭାଗ ଅଧିକାରୀ ଭକ୍ତରାମ ତାଣ୍ଡିଆଙ୍କୁ ଫୋନ କରିଥିଲେ। କିନ୍ତୁ ଅଗ୍ନିଶମ ଅଧିକାରୀ ତାଣ୍ଡିଆ ଓଲଟା ସମସ୍ତ ଫୋନ କରିଥିବା ବ୍ୟକ୍ତି ମାନଂକୁ ଏଥିରେ ଅଗ୍ନିଶମର କିଛିକାମ ନାହିଁ ବୋଲି ଯୁକ୍ତିତର୍କ କରିଥିଲେ। ପରେ ପୋଲିସ ଓ ପ୍ରାଣୀ ଚିକିତ୍ସକ ଦୁର୍ଘଟଣା ସ୍ଥାନକୁ ଆସିଥିଲେ ଓ ପ୍ରାଥମିକ ଚିକିତ୍ସା ପରେ ଗୋରୁକୁ ଗୋଟିଏ ଗାଡି ଭଡା କରି ପ୍ରାଣି ଚିକିତ୍ସାଳୟକୁ ନେଇଥିଲେ। 
 

ପୋଲିସ ଓ ଲୋକମାନେ ମିଶି ଗୋଟିଏ ଗୋରୁଙ୍କ ରକ୍ଷା ପାଇଁ ୨ ଘଣ୍ଟା ପ୍ରୟାସ କରିଥିବା ବେଳେ , ଜରୁରୀକାଳୀନ ସେବାରେ ନିୟୋଜିତ ଥିବା ଅଗ୍ନିଶମ ବିଭାଗ ଅଧିକାରୀ ଭକ୍ତରାମ ତାଣ୍ଡିଆଙ୍କ ଏତାଦୃଶ ବ୍ୟବହାର ଘଟଣାସ୍ଥଳରେ ଉପସ୍ଥିତ ସ୍ବେଚ୍ଛାସେବୀ ଙ୍କ ଠାରେ ହତାଶ ମନୋଭାବ ସୃଷ୍ଟି କରିଛି l ତେବେ ଦୁଇ ଘଣ୍ଟା ପରେ ଅଗ୍ନିଶମ ବିଭାଗ ପହଁଚିଲା ବେଳକୁ ଆଉ କିଛି ନ ଥିଲା।
ମାତ୍ର ୨କିଲୋମିଟରକୁ  ୨ଘଣ୍ଟାରେ ପହଁଚିଲେ ଜୀବନ ରକ୍ଷା କରିବା ପାଇଁ ଅଗ୍ନିଶମ ବିଭାଗ ନା ଜୀବନ ନେବା ପାଇଁ ବୋଲି ସାଧାରଣରେ ଆଲୋଚନା  ହେଉଛି।