05-Jul-2021

ବ୍ରହ୍ମପୁର(ଉମା ମହାରଣା) : ଓଡିଶା ସରକାରଙ୍କ ସମୁହ ଶିକ୍ଷା ଓ ଗଣ ଯୋଗାଯୋଗ ବିଭାଗରେ ଚିତ୍ରକାର ତଥା ଚିତ୍ରଉତ୍ତୋଳକ ରୂପେ ଦୀର୍ଘ ୩୩ ବର୍ଷ କାର୍ଯ୍ଯକରି ୨୦୦୩ରେ ଅବସର ନେଇଥିବା ଗଞ୍ଜାମ ଜିଲ୍ଲାର କୋଦଳା ସହରରେ ୧୯୪୫ ଜୁଲାଇ ୧ତାରିଖରେ ଜନ୍ମିତ ଏବଂ ଅଧୂନା ବ୍ରହ୍ମପୁରସ୍ଥ ଶିଳ୍ପାଞ୍ଚଳର ଇନ୍ଦିରା ନଗର ୨ୟ ଗଳି ବାସିନ୍ଦା ଶ୍ରୀ ସତ୍ୟବାଦୀ ମହାରଣାଙ୍କ ୭୭ତମ ଜନ୍ମ ଦିବସ ଅବସରରେ ବ୍ରହ୍ମପୁରର ଲାଞ୍ଜିପଲ୍ଲୀସ୍ଥ ବରିଷ୍ଠ ନାଗରିକ ମଂଚ ତଥା ହସ, ଯୋଗ ଓ ବ୍ୟାୟାମ କେନ୍ଦ୍ର ତରଫରୁ ତାଙ୍କରି ସ୍ବାସ୍ଥ୍ୟ ଶିକ୍ଷାରେ ଅବିରତ ଜନ ସଚେତନତା, ସୁନ୍ଦର ଓ ସୁସ୍ଥ ଶରୀର ତଥା ପରିବାର ଗଠନ ପାଇଁ ବିଭିନ୍ନ ସାମାଜିକ ସେବା କାର୍ଯ୍ଯ ପାଇଁ ତାଙ୍କୁ ସମ୍ବର୍ଦ୍ଧନା କରା ଯାଇଥିଲା । କାର୍ଯ୍ଯକ୍ରମର ପ୍ରାରମ୍ଭରେ ମଂଚର ସଭାପତି ପ୍ରଫେସର ଭାସ୍କର ପାଢ଼ୀ ଶ୍ରୀ ମହାରଣାଙ୍କ ଜୀବନୀ ଊପରେ ସମ୍ଯକ୍ ସୂଚନା ଦେବାପରେ ଉପସ୍ଥିତ କେତେକ ସଦସ୍ଯ ପୁଷ୍ପଗୁଚ୍ଛ ପ୍ରଦାନ ପୂର୍ବକ ତାଙ୍କର ୭୭ତମ ଜନ୍ମ ଦିବସର ଶୁଭେଚ୍ଛା  ଜଣାଇଥିଲେ ଏବଂ ସଭାପତି ଡଃ ପାଢ଼ୀ ତାଙ୍କୁ ଅଙ୍ଗବସ୍ତ୍ର ଦେଇ ସମ୍ବର୍ଦ୍ଧନା କରିଥିଲେ । ଶ୍ରୀ ମହାରଣାଙ୍କ ଅବଶିଷ୍ଠ ଜୀବନ ସୁଖମୟ, ନିରୋଗ ଓ ଆନନ୍ଦମୟ ହେବା ପାଇଁ ଉପସ୍ଥିତ ସଦସ୍ୟମାନେ ସମୂହ ଭାବେ ମହାମ୍ରୁତ୍ୟୁଞ୍ଜୟ ମନ୍ତ୍ର, ଆରୋଗ୍ୟ ଓ ସଫଳା ମନ୍ତ୍ର ପାଠ କରିଥିଲେ । ସେହି ଅବସରରେ ମଂଚର ଅନ୍ଯତମ ବରିଷ୍ଠ ସଭ୍ୟ ଶ୍ରୀ ବିଦ୍ୟାଧର ଖାଡଙ୍ଗାଙ୍କ ୭୯ତମ ଓ ବି. ଭାସ୍କର ଦୋରାଙ୍କ ୭୪ତମ ଜନ୍ମ ଦିବସ ମଧ୍ଯ ପାଳନ କରାଯାଇ ଥିଲା । ଏହି କାର୍ଯ୍ଯକ୍ରମରେ ସର୍ବଶ୍ରୀ କେ.କ୍ରିଷ୍ଣା ରାଓ, ସୂର୍ଯ୍ଯ ନାରାୟଣ ମହାଂତି, ଅଭିମନ୍ୟୁ ମହାରଣା,  ହରିକ୍ରୁଷ୍ଣ ସାହୁ, ରବୀନ୍ଦ୍ର ନାଥ ନାୟକ, ଶିବରାମ ପାଣିଗ୍ରାହି, ଲୋକନାଥ ବ୍ରହ୍ମା, ଦେବେନ୍ଦ୍ର ଆଚାର୍ଯ୍ଯ, ସହଦେବ ସାହୁ, ସିମାଞ୍ଚଳ ପଣ୍ଡାଙ୍କ ସମେତ ପ୍ରାୟ ଅର୍ଦ୍ଧଶତାଧିକ ସଭ୍ୟ ଉପସ୍ଥିତ ଥୁଲେ । କାର୍ଯ୍ଯକ୍ରମ ପରିଚାଳନା କରାଥିଲେ ଭାରତୀୟ ବାୟୁ ସେବାର ଅବସରପ୍ରାପ୍ତ ସର୍ଜେଣ୍ଟ ଶ୍ରୀ ରମେଶ ଚନ୍ଦ୍ର ମହାନ୍ତି ।ପରିଶେଷରେ ଜନ୍ମ ବାର୍ଷିକୀ ପାଳନ କରାଯାଇଥିବା ସଦସ୍ୟତ୍ରୟ ଉପସ୍ଥିତ ସମସ୍ତ ସଭ୍ୟଙ୍କୁ ମିଷ୍ଠାନ୍ନରେ ଆପ୍ୟାୟିତ କରିଥିଲେ ।