05-Jul-2021

ଯାଜପୁର(ସୁଶାନ୍ତ କୁମାର ଖଟୁଆ) : ଯାଜପୁର ଜିଲ୍ଲାର କୋରେଇ ଥାନା ଅନ୍ତର୍ଗତ ମୁକୁନ୍ଦପୁର ଗ୍ରାମ ନିରୁଦ୍ଧିଷ୍ଟ  ଛାତ୍ରର  ମୁତ ଦେହ ବୈତରଣୀ ନଦୀରୁ ଉଦ୍ଧାର କରାଯାଇଛି l ଏହି ଛାତ୍ର ମୃତ୍ୟୁକୁ ନେଇ ନନା କଳ୍ପନା ଜଳ୍ପନା ପ୍ରକାଶ ପାଇଛି l  ଗତକାଲି ରାତ୍ର ୧୦ଟା ସମୟରୁ ନିଖୋଜ ଥିବା ଯାଜପୁର ଜିଲା କୋରାଇ ବ୍ଲକ ମକୁନ୍ଦପୁର ଗ୍ରାମର ବାସୁଦେବ ଦାସଙ୍କ ପୁତ୍ର ତ୍ରିଲୋଚନ ଦାସ(୧୨)ଙ୍କ ମୃତଦେହ ଆଜି ବୈତରଣୀ ନଦୀ ନିକଟ ନିଶଙ୍ଖପୁର ପାଟ ଅଂଚଳରୁ ଉଦ୍ଧାର କରାଯାଇଛି । ଗତକାଲି ପୁତ୍ର ନିଖୋଜ ହେବା ପରେ ପରିବାର ଲୋକଙ୍କ ପକ୍ଷରୁ କୋରାଇ ଥାନରେ ଏ ନେଇ ଅଭିଯୋଗ କରାଯାଇଥିଲା ।

ଏହି ଅଭିଯୋଗ ଆଧାରରେ କୋରାଇ ପୁଲିସ ୧୯୪/୨୧ରେ ଏକ ମାମଲା ରୁଜ୍ଜୁ କରି ତଦନ୍ତ କରୁଥିବା ସମୟରେ ଆଜି ସକାଳୁ ନିଶଙ୍ଖପୁର ପାଟରୁ ପ୍ରାୟ ଆଣ୍ଠୁଏ ପାଣିରୁ ତ୍ରିଲୋଚନଙ୍କ ମୃତଦେହ ଉଦ୍ଧାର କରାଯାଇଛି । ମୃତ ତ୍ରିଲୋଚନଙ୍କ ନାକରୁ ରକ୍ତ ବାହାରୁ ଥିବା ଜଣାପଡିଛି । ତ୍ରିଲୋଚନକୁ ହତ୍ୟାକରା ଯାଇଛି ବୋଲି ସନ୍ଦେହ କରାଯାଇଛି l ।  ଏ  ଦିଗରେ ଅଧିକ ତଦନ୍ତ ଜାରି ରହିଥିବା କୋରାଇ ଥାନାଧିକାରୀ ରଞ୍ଜିତ ମହାନ୍ତି ସୂଚନା ଦେଇଛନ୍ତି ।   ଶବ ଵେବଛେଦ ରିପୋର୍ଟ ଆସିଲେ.ଏହି ଘଟଣା ଉପରୁ ପରଦା ହଟିବ l