04-Jul-2021

ସୋନପୁର(ମନୋରଞ୍ଜନ ତ୍ରିପାଠୀ) : ଓଡିଶା ର ସବୁଠୁ ମଜବୁତ ଭାବେ ନିର୍ମାଣ  ଓ  ରାଜା ରାଜୁଡା ସମୟର ସର୍ବ ପୁରାତନ  ବ୍ରିଜ ମଧ୍ୟରେ ସୋନପୁର -ମନମୁଣ୍ଡା ତେଲ ନଦୀ ବ୍ରିଜ ଟି ଏକ ଉଦାହରଣ ଅଟେ l 1970 ମସିହା ରେ ଓଡିଶା ର ପ୍ରାକ୍ତନ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ରାଜେନ୍ଦ୍ର ନାରାୟଣ ସିଂହ ଦେଓ

ଏହାର ଭିତ୍ତିପ୍ରସ୍ଥର ସ୍ଥାପନ କରିଥିବା ବେଳେ ୧୯୭୩ ମସିହା ରେ ମହାମାନ୍ୟ ରାଜ୍ୟପାଳ ଶ୍ରୀଯୁକ୍ତ  ବି. ଡ଼ି  ଜଟ୍ଟି  ଏଇ  ବ୍ରିଜ ର ଶୁଭ ଉଦଘାଟନ କରିଥିବା ଜଣା ଯାଏ  l ପ୍ରତ୍ୟହ  ହଜାର ହଜାର ଗାଡି ମୋଟର ଓ ଯାତ୍ରୀ  ଯିବା ଆସିବା କରୁଥିବା ଏଇ ସ୍ମରଣୀୟ ବ୍ରିଜ ଟି କିନ୍ତୁ  ଦୀର୍ଘ  ଛଅ ସାତ  ବର୍ଷ ପୂର୍ବରୁ ଘୋର ଅବହେଳିତ ହୋଇ ପଡିଛି l  ଏଇ ବ୍ରିଜ ର ଉଭୟ ପାର୍ଶ୍ଵ ରେ ଖାଲ ଢିପ ସହ  ପ୍ରଚୁର ବାଲି ଗୋଡି ଜମି ପାଣି ଡ୍ରେନାଇଜ  ହେlଇ  ନ ପାରି  ବ୍ରିଜ  ମଝିରେ ମଧ୍ୟ   ଅନେକ ଫାଟ ଓ ଗାତ ସୃଷ୍ଟି ହୋଇ ଲୁହା ଛଡ଼ ଉପର କୁ ଟେକି  ହୋଇଥିବା ଏବଂ ବ୍ରିଜ ଟି ଆସ୍ତେ ଆସ୍ତେ  ଜରାଜୀର୍ଣ୍ଣ ଅବସ୍ଥା କୁ ଗତି କରୁଥିବା  ଦେଖିବାକୁ ମିଳିଛି l  ଯା ଫଳ ରେ କି  ବର୍ଷା ଦିନ ଏ ବ୍ରିଜ ଟି  ସୋନପୁର ମନମୁଣ୍ଡା  ଅଞ୍ଚଳର  ସବୁ ଗାଈଗୋରୁଙ୍କ ଗୋଠ  ଓ  ଥଇଥାନ କେନ୍ଦ୍ର ପାଲଟିଛି ଏବଂ  ଲୋକେ  ପ୍ରତିଦିନ ଛୋଟ ବଡ଼ ଅନେକ ଦୁର୍ଘଟଣାର ଶିକାର ହେଉଛନ୍ତି  l  ଗାଈଗୋରୁଙ୍କ ପାଇଁ ଏବେ ଘଣ୍ଟା ଘଣ୍ଟା ଯାନ ବାହାନ  ଏପରିକି ରୋଗୀ ସେବା  ଆମ୍ବୁଲାନ୍ସ ଗୁଡିକ  ବି  ଅଟକି ଯାଉଛି l  ଆଉ ଲୋକେ ନାହିଁ ନ ଥିବା ଅସୁବିଧା ଭୋଗୁଛନ୍ତି l ବ୍ରିଜ ର ଏଭଳି ଅବସ୍ଥା ପାଇଁ ୨୦୧୪ ରୁ  ବିଗତ କିଛି ବର୍ଷ  ଯାଏ  ସୋନପୁର -ମନମୁଣ୍ଡା ର ସ୍ଵଛ ଭାରତ ସଂଗଠନ ର 50  ଜଣ ସଭ୍ୟ ଓ ଉଭୟ ସହର ର କିଛି  ବୁଦ୍ଧିଜୀବୀ ସ୍ବେଛାସେବୀ ବ୍ରିଜ ଉଭୟ ପଟ ର ଖାଲ କୁ ପଥର ଇଟା ବୋହି ନିଜେ ତୋପି  ଥିଲେ ଏବଂ  ଲଗାତାର କ୍ୟାମ୍ପ କରି  ସେମାନେ ନିଜେ ଅକ୍ଲାନ୍ତ ପରିଶ୍ରମ କରି  ବ୍ରିଜ  ର ଅଳିଆ ସଫା କରିଥିଲେ l  ଏ ସାମୁହିକ ସେବା  କାର୍ଯ୍ୟକ୍ରମର ନେତୃତ୍ୱ ନେଇଥିଲେ ସ୍ୱଚ୍ଛ ଭାରତ  ସଂଗଠନର ସଭାପତି ଲଷ୍ମୀନାରାୟଣ ମେହେର ଓ ଉପଦେଷ୍ଟା ସୟଦ ଅଲିମୁଲ ଇସଲାମ l ସଂଘ ପକ୍ଷରୁ ବୌଦ୍ଧ   ପ୍ରଶାସନକୁ ବଲାଙ୍ଗୀର ସମ୍ବଲପୁର  ଏନ. ଏଚ ବିଭାଗକୁ ଅନେକ ଥର ଅଭିଯୋଗ କରାଯାଇଥିଲା ସେ ସମୟରେ l ହେଲେ ସାତ ଆଠ ବର୍ଷ ଭିତରେ ବ୍ରିଜରେ  ଥରେମାତ୍ର  ଏନ ଏଚ  ପକ୍ଷରୁ ଖାଲ ମାନଙ୍କରେ କିଛି ଟା  ପିଚୁ ଢାଳି ଥିବା ଦେଖିବାକୁ ମିଳିଛି l  ହେଲେ କାଗଜ କଲମରେ ତାହା  କେତେ ଥର  ମରାମତି ହୋଇଛି  ଖୋଲ ତlଡ଼ କଲେ ଜଣା ପଡିବ l  ରାଜ୍ୟର ଶହ ଶହ ଭି. ଆଇ. ପି,  ମନ୍ତ୍ରୀ. ଯନ୍ତ୍ରୀ  ପୁଣି ପ୍ରତ୍ୟହ ଏପଟେ ଭୁବନେଶ୍ୱର  ଯିବା ଆସିବl କରୁଛନ୍ତି   ମୁଖ୍ୟମନ୍ତ୍ରୀଙ୍କ ପୁରା ବିଶ୍ଵସ୍ଥ ପାଖ ଲୋକ କୁହା ଯାଉଥିବା ବୌଦ୍ଧ ବିଧାୟକ ତଥା  ପ୍ରାକ୍ତନ ଅର୍ଥ ମନ୍ତ୍ରୀ ପ୍ରଦୀପ ଅମାତ,  ମୁଖ୍ୟମନ୍ତ୍ରୀଙ୍କ  ଅତି  ପ୍ରିୟ ଓ  ଯୁବ  କଣ୍ଟାମାଳ ବିଧାୟକ ମହୀଧର ରଣା  ତେଲ ନଦୀ ସେପଟେ ଅଛନ୍ତି l   ଆଉ ଜ଼ିଲ୍ଲାରେ  ତଥା ରାଜ୍ୟ ବିକାଶ ରେ ଅର୍ଥ ର କେବେ ଅଭାବ ନାହିଁ ବୋଲି ସବୁ ସଭା ସମିତି ମାନଙ୍କରେ ଦମ୍ଭ ର ସହିତ କହି ଆସୁଥିବା ବର୍ତମାନର ଅର୍ଥ ମନ୍ତ୍ରୀ ଶ୍ରୀ ନିରଞ୍ଜନ ପୂଜାରୀଙ୍କ ସମେତ ପୁଣି  ରାଜ୍ୟର ଦକ୍ଷତା ସମ୍ପନ୍ନ ତଥା ଅଭିଜ୍ଞା  ସଡ଼କ ଓ ପରିବହନ ମନ୍ତ୍ରୀ ଶ୍ରୀ ପଦ୍ମନାଭ ବେହେରା  ମଧ୍ୟ ଉଭୟେ  ବ୍ରିଜ ଏପଟେ  ବସବାସ ଓ  ଯିବା ଆସିବା  କରୁଛନ୍ତି l ରାଜ୍ୟ

ର  ସବୁ ସମସ୍ୟାର ଅନୁଧ୍ୟାନ ଓ ସମାଧାନ  କରୁଛନ୍ତି l  ହେଲେ ଏଇ ତେଲନଦୀ  ବ୍ରିଜ  ଆଉ ମହାନଦୀରୁ ତେଲନଦୀ ଯାଏ ନିର୍ମାଣ ହେବାକୁ ଥିବା  ଏନଏଚ  ରାସ୍ତା  ପ୍ରଶସ୍ତିକରଣ ର ଅବସ୍ଥା  ଓ ଘୋର  ଅବ୍ୟବସ୍ଥା ଉପରେ  କଣ କାହାରି ନଜର ପଡୁନି  କି ବୋଲି ଉଭୟ ଜ଼ିଲ୍ଲାର ବୁଦ୍ଧିଜୀବୀ ପ୍ରଶ୍ନ କରିଛନ୍ତି l   ବ୍ରିଜ ର ମରାମତି ସହ ଅଟକି ଥିବା  ବାଇପାସ ଫୋରୱେ  ନୂତନ  ରାସ୍ତା  ନିର୍ମାଣ କାର୍ଯ୍ୟକୁ ତ୍ୱରାନ୍ୱିତ କରିବାକୁ ଜନସାଧାରଣ ଦାବି କରିଛନ୍ତି l