04-Jul-2021

ବୀରମହାରାଜପୁର, (ବିନୋଦ ପାଣ୍ଡେ ) : ସରକାରଙ୍କ ମାଳ ମାଳ  ଯୋଜନା କାହା  ପାଇଁ ? ସରକାରଙ୍କ ଆବାସ ଯୋଜନାରେ ଯୋଗ୍ୟ ହିତାଧିକାରୀ ଘର ଖଣ୍ଡିଏ ନ ପାଇ ଦୁର୍ଦିନ ଅବସ୍ଥାରେ ଜୀବନ ବିତାଉଛନ୍ତି । ସୋନପୁର ଜିଲ୍ଲା ବୀରମହାରାଜପୁର ବ୍ଲକ କମିରା ଗ୍ରାମପଞ୍ଚ।ୟତର ବିକଲପୁର ଗ୍ରାମର ଭୂମିସୁତା ନାଏକ ବୟସ (୭୪)  ଅତି ଦୟନୀୟ  ଭାବରେ ଭଙ୍ଗା କୁଡ଼ିଆରେ ପଡିରହିଛନ୍ତି  । ଭୂମିସୁତାଙ୍କ ଅବସ୍ଥା କହିଲେ ନ ସରେ l ବିପଦଜ୍ଜନକ ଗୃହରେ ଖଜୁରୀ ଡାଳ, ଚିରା କନା ଛାଉଣୀ କରି ଖରା ବର୍ଷା ଶୀତରେ ଜୀବନ ଯାପନ କରୁଥିବା ଦେଖିବାକୁ ମିଳିଛି । ଭୂମିସୁତା ସ୍ଥାନୀୟ ଜନ ପ୍ରତିନିଧିଙ୍କ ଠାରୁ ଆରମ୍ଭ ପ୍ରଶାସନିକ ଅଧିକାରୀ ମାନଙ୍କ ପାଖକୁ ବାରମ୍ବାର ଘର ଖଣ୍ଡିଏ ଓ ମଧୁ ବାବୁ ପେନସନ ଯୋଜନା ରେ ସାମିଲ କରିବା ପାଇଁ ଅଭିଯୋଗ କରିଥିଲେ ମଧ୍ୟ  ଆଜି ପର୍ଯ୍ୟନ୍ତ ସରକାରୀ ସହାୟତା ରୁ ବଞ୍ଚିତ । ଭୂମିସୁତାଙ୍କ ପରିବାର କହିଲେ ସେ ଏକା ସାହ ବୋଲି ତାଙ୍କ ଆତ୍ମୀୟ ଲୋକ କେହି ନାହାଁନ୍ତି ।ଘର ଖଣ୍ଡିଏ ପାଇଁ ଗଣମାଧ୍ୟମ ଜରିଆରେ  ରେ ପ୍ରଶାସନକୁ ଗୁହାରି କରିଛନ୍ତି । 

ଏନେଇ ବୀରମହାରାଜପୁର ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ୍ ସୁଲିଆଙ୍କୁ ଯୋଗାଯୋଗ କରିବାରୁ ଖୁବ୍ ଶୀଘ୍ର ଆବାସ ଯୋଜନା ସାମିଲ କରାଯିବ ବୋଲି କହିଥିଲେ l