02-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ନୟାଗଡ଼ ଜିଲ୍ଲା ପାଳ ଡ଼. ପୋମା ଟୁଡୁ ଙ୍କ ଗଣିଆ ଗ୍ରସ୍ତ ଏଵେ ବେଶ ଚର୍ଚ୍ଚା ର ବିଷୟ ପାଲଟିଛି | ଉନ୍ନୟନ ମୂଳକ କାର୍ଯ୍ୟ ର ସମୀକ୍ଷା ଆଳରେ ନିଜ ସମ୍ପର୍କୀୟ ଙ୍କୁ ନେଇ ସାତକୋଶିଆ ସ୍ୟାଣ୍ଡରିସୋର୍ଟ, ବଡମୂଳ ପର୍ଯ୍ୟଟନ ସ୍ଥଳୀ ପରିଭ୍ରମଣ କରିବାକୁ ଯାଇଥିଲେ ବୋଲି କଂଗ୍ରେସ କରିଛି ସମାଲୋଚନା | ଜିଲ୍ଲା କଂଗ୍ରେସ ସଭାପତି ରଞ୍ଜିତ ଦାସ ଙ୍କ ସୂଚନାମୁତାବକ ନୟାଗଡ଼ ମୁନିସିପାଲିଟି ନିର୍ବାହୀ ଅଧିକାରୀ ନୟାଗଡ଼ ରେ ଥିବାବେଳେ ତାଙ୍କ ଗାଡି ସମେତ ଜିଲ୍ଲା ପାଳ ଙ୍କ ସରକାରୀ ଗାଡି ର ଭିଡିଓ ସୋସିଆଲ ମେଡ଼ିଆ ରେ ଭାଇରଲ ହୋଇଥିଲା | ଏହି ବିଷୟରେ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ଙ୍କୁ ପଚାରିବା ପରେ ସେ କହିଥିଲେ *ଜିଲ୍ଲା ପାଳ ମାଡାମ ଏଵେ ଆମ ପ୍ରଶାସିକା*, *ସେ ଗାଡ଼ିଟା ମାଗିକି ନେଇଥିଲେ*, *ଛାଡ଼ନ୍ତୁ ଏତେ କଥା ଆଉ ଧରିଲେ ଚାଲିବକି* | ତେବେ ପ୍ରଶାସିକା ଙ୍କ ଏଭଳି କାର୍ଯ୍ୟ କେତେ ଯେ ହାସ୍ୟାସ୍ପଦ ତାହା ଗଣିଆ ଅଞ୍ଚଳ ରେ ସାଧାରଣରେ ହେଉ ଥିବା ଚର୍ଚ୍ଚା ରୁ ବେଶ ବାରିହେଉଛି | ଅନ୍ୟ ପକ୍ଷରେ ଜିଲ୍ଲା କଂଗ୍ରେସ ସଭାପତି ଶ୍ରୀଯୁକ୍ତ ଦାଶ ଜିଲ୍ଲା ପାଳ ଙ୍କ ଗଣିଆ ଗ୍ରସ୍ତ ର ସଠିକ ତଦନ୍ତ କରାଯାଇ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି | ଏଭଳି ପ୍ରଶାସନ ବିରୋଧୀ କାର୍ଯ୍ୟ କରିବା ଦ୍ୱାରା ଜିଲ୍ଲାପାଳ ଜିଲ୍ଲା ର ଅନ୍ୟ ପ୍ରଶାସନିକ ଅଧିକାରୀ ଙ୍କୁ ପରୋକ୍ଷରେ ଢିଲା ଶାସନ କରିବାକୁ ପ୍ରବର୍ତ୍ତାଉଛନ୍ତି ବୋଲି ବୁଦ୍ଧିଜୀବୀ ମାନେ ଚର୍ଚ୍ଚା କରୁଛନ୍ତି | ଏପରିକି କୋଭିଡ ପରିଚାଳନା ପାଇଁ ନୟାଗଡ଼ ମୁନିସିପାଲିଟି ରେ ଆୟୁଷ ଡାକ୍ତର ମାନଙ୍କ ପାଇଁ ପାଞ୍ଚୋଟି ବୋଲେରୋ ଗାଡି ଭଡା ସୂତ୍ର ରେ ଲାଗି ଥିଲା| କିନ୍ତୁ ଜିଲ୍ଲା ର କୋଭିଡ ସ୍ଥିତି ବର୍ତମାନ ଭଲ ଥିବା ବେଳେ ପନ୍ଦର ଦିନ ହେବ ଆୟୁଷ ଡାକ୍ତର ଙ୍କୁ ସେମାନଙ୍କ କାର୍ଯ୍ୟ ସ୍ଥଳୀ କୁ ଫେରାଇ ନିଆଯାଇଥିବା ବେଳେ ବୋଲେରୋ ଗୁଡିକୁ ଅପବ୍ୟବହାର କରାଯାଇ ରାଜସ୍ବ ହାନି କରୁଛନ୍ତି ଜିଲ୍ଲାପାଳ ବୋଲି ଶ୍ରୀଯୁକ୍ତ ଦାସ ସମାଲୋଚନା କରିଛନ୍ତି | ତେବେ ଚର୍ଚ୍ଚା ର ବିଷୟ ଯେ ଘର ମୁରବି ଯଦି ଢିଲା ତେବେ ପରିବାର ର ସଦସ୍ୟ ମାନେ ଦୁର୍ନୀତି ର ପନ୍ଥା କୁ ଆଦେରି ନେବେ