28-Jun-2021

ଲୋଇସିଂହା/ଆଗଲପୁର (ବିନୋଦ କୁମାର ଦୀପ): ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭରସୂଜା ଗ୍ରାମର ପୂର୍ଣ୍ଣଚନ୍ଦ୍ର ଭୋଇ (70) ଏବଂ ତାଙ୍କ ସ୍ତ୍ରୀ ଜାନକୀ ଭୋଇ ବହୁ ଦିନରୁ ରୋଗରେ ପୀଡିତ ଥିଲେ ତାଙ୍କୁ  ଗତ ୫ ଦିନ ପୂର୍ବରୁ ବଲାଙ୍ଗୀର ଭୀମଭୋଇ ମେଡ଼ିକାଲରେ ଭର୍ତି କରିଥିଲେ । କିନ୍ତୁ ଆଜି ଚିକିତ୍ସିତ ଅବସ୍ଥାରେ ଜାନକୀ ଭୋଇଙ୍କ  ମୃତ୍ୟୁ ହେଇଥିଲା, ମୃତ ଦେହକୁ ବୃଦ୍ଧ ସ୍ବାମୀ ଘରକୁ ଆଣିବାକୁ ସକ୍ଷମ ନ ଥିବାରୁ ବଲାଙ୍ଗୀର ବିଙ୍ଗ ହ୍ୟୁମାନ ଫାଉଣ୍ଡେସନ ଖବରପାଇ ମୃତ ଶରୀରକୁ ଏକ ଆମ୍ବୁଲେନ୍ସ  ଯୋଗେ ଭରସୁଜାକୁ ପଠେଇଥିଲେ । ପରେ ବିଙ୍ଗ ହ୍ୟୁମାନ ଫାଉଣ୍ଡେସନ ଆଗଲପୁର ଶାଖା ସଭାପତି ପ୍ରେମାନନ୍ଦ ପଧାନ, ସମ୍ପାଦକ

ସଂଯୋଗ କୁମାର ସାହୁ, ଉପଦେଷ୍ଟା କରୁଣାକର ପାତ୍ର, ବରିଷ୍ଠ ସଦସ୍ୟ ନାରାୟଣ ସାହୁ,  ବୁଦ୍ଧଦେବ ସାହୁ, ପିଣ୍ଟୁ ଯୋଶୀ ଉପସ୍ଥିତ ରହି ବ୍ଲକ୍ ପ୍ରଶାସନକୁ ଅବଗତ କରାଇ ସମାନ୍ନର ସହ ଶବ ସତ୍କାର କରି ମାନବିକତାର ପରିଚୟ ଦେଇଥିଲେ l  ତାଙ୍କ ପୁତୁରା ଯେମନ୍ତ ଭୋଇ ମୁଖଗ୍ନି ଦେଇଥିବା ବେଳେ କିଛି ସହୃଦୟ ଗ୍ରାମବାସୀ ଓ ସ୍ଥାନୀୟ ସରପଞ୍ଚ ଗଣେଶ ସାହୁ ଶବଦାହରେ ସହଯୋଗ କରିଥିଲେ l :,