28-Jun-2021

ବିନିକା (ହିମାଂଶୁ ଶେଖର ପୁଟେଲ) : ଦୁନିଆକୁ ଯୋଗାଉଥିବା ଆହାର ଚାଷୀଙ୍କ ପାଇଁ ସରକାର କାହୁଁ କେତେ ଯୋଜନା ପ୍ରଣୟନ କରିଥିବା ଡେଙ୍ଗୁରା ପିଟୁଥିବା ବେଳେ ଚଳିତ ରବିରିତୁରେ ଦୀର୍ଘ ୫ ମାସ ଧରି କ୍ଷେତରେ ଝାଳ ନିଗାଡି ହାଡ଼ଭଙ୍ଗା ପରିଶ୍ରମ କରି ବହୁ କଷ୍ଟରେ ଆହାର ସଂଗ୍ରହ କରିଥିବା ଚାଷୀ ତାର କଷ୍ଟପାର୍ଜିତ ଧାନବିକ୍ରି କରି ନ ପାରି ହତାଶ ହୋଇଥିବା ବେଳେ ବର୍ତ୍ତମାନ ସରକାର ଚାଷୀଙ୍କ ଦରଦ ନ ବୁଜିବା ଓ ସମସ୍ୟା ସମାଧାନ କରିବାରେ ନୀରବଦ୍ରଷ୍ଟା ସାଜିବା ସଂପ୍ରତି ବିନିକା ଅଞ୍ଚଳର ଚାଷୀକୁଳ ଓ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି l ରବି ଯାଇ ଖରିଫ ଚାଷ ପାଇଁ ପ୍ରସ୍ତୁତ ହେଉଥିବା ଚାଷୀ ମାନଙ୍କ ମଧ୍ୟରୁ ଅଧିକାଂଶ ଚାଷୀ ଏବେବି ତାଙ୍କ ଧାନବିକ୍ରି କରିପାରି ନ ଥିବାରୁ ଆଗକୁ କିପରି ଚାଷ କରିବେ ସେ ଚିନ୍ତାରେ ଘାରି ହେଲାଣି l କେତେକ ଚାଷୀଙ୍କ ଟୋକନ ଲେପସ ହୋଇ ଯାଇଥିବାବେଳେ ଆଉ କେତେକଙ୍କ ନାମ ପଞ୍ଜିକରଣରେ ତ୍ରୁଟି ଯୋଗୁଁ ଚାଷୀ ଧାନ ବିକିବାରେ ସମସ୍ୟା ଭୋଗୁଛି l ଚାଷୀଙ୍କ ସମସ୍ୟା ସମାଧାନ ନେଇ ଚାଷୀ ଓ ବିନିକା କଂଗ୍ରେସ ଦଳ ତରଫରୁ ପ୍ରଶାସନ ଠାରେ ଲିଖିତ/ମୌଖିକ ଭାବେ ଗୁହାରି କରିଥିଲେ ମଧ୍ୟ ପ୍ରଶାସନିକ ଅଧିକାରୀ ମାନେ ନୀରବଦ୍ରଷ୍ଟା ସାଜିିବା ଚାଷୀକୁଳକୁ ଘୋର ଆଘାତ ଦେଇଛି l ଫଳରେ ସମସ୍ୟାର ସମାଧାନ ପାଇଁ ତିନି ଦିନ ହେଲା ତହସିଲ ଅଫିସ ସମ୍ଭୁଖରେ ଧାନରଖି ଚାଷୀ ଓ କଂଗ୍ରେସ କର୍ମୀଙ୍କ ପକ୍ଷରୁ ଧାରଣା ଓ ବିକ୍ଷୋଭ ପ୍ରଦର୍ଶନ ଜାରି ରହିଥିବାବେଳେ ଦିନେ ବିନିକା ବନ୍ଦ ପାଳନ ମଧ୍ୟ କରାଯାଇଛି l ତଥାପି ମଧ୍ୟ ପ୍ରଶାସନ କୁମ୍ଭକର୍ଣ୍ଣ ନିଦ୍ରା ଭାଙ୍ଗୁ ନଥିବାରୁ ଚାଷୀକୁଳ ପାଇଁ କରୋଡ଼ା ମାଡ଼ ସଦୃଶ ହୋଇଛି l ଧାନକିଣା ପର୍ବ ଆଉ ଦିନକ ପରେ ଅର୍ଥାତ୍ ୩୦ତାରିଖରେ ସରୁଥିବାରୁ ବଞ୍ଚିତ ଚାଷୀ ଧାନକୁ ନେଇ କଣ କରିବେ ସେନେଇ ଚିନ୍ତାରେ ପଡ଼ି ଯାଇଛନ୍ତି l ତେବେ ସେ ଯାହାବି ହେଉ ଟୋକନ ନ ଆସିବା,ଧାନ ବିକ୍ରି ନ ହେବା କି ପ୍ରଶାସନିକ ଅଧିକାରୀ ଆନ୍ଦୋଳନକାରୀଙ୍କ ସହିତ ଆଲୋଚନା ନ କରିବା ଆଦି ପ୍ରତିବାଦରେ ଆଜି ଧାରଣା ରତ ଚାଷୀ ଓ କଂଗ୍ରେସ କର୍ମୀ ମାନେ ସ୍ଥାନୀୟ ତହସିଲ କାର୍ଯ୍ୟାଳୟ ଭିତରେ ଧାନ ବସ୍ତା ଭର୍ତି କରିଛନ୍ତି l ଆସନ୍ତାକାଲି ସକାଳୁ ଶାନ୍ତିପୂର୍ଣ୍ଣ ଭାବେ ଧାରଣା ଦିଆଯିବା ସହ ଯଦି ସନ୍ଧ୍ୟା ୫ଘଣ୍ଟା ମଧ୍ୟରେ ସମସ୍ୟା ସମାଧାନ ନ ହୁଏ ତେବେ ପୁଣିଥରେ ଚାଷୀ ଓ କଂଗ୍ରେସ କର୍ମୀ ରାଜରାସ୍ତାକୁ ଅବରୋଧ କରିବେ ବୋଲି ପ୍ରଶାସନକୁ ଚେତାବନୀ ଦେଇଛନ୍ତି l ବିନିକା ବ୍ଲକ କଂଗ୍ରେସ ସଭାପତି ରବିନ୍ଦ୍ର କୁମାର ହୋତାଙ୍କ ପ୍ରତେକ୍ଷ ତତ୍ତ୍ଵାବଧାନରେ ଅନୁଷ୍ଟିତ ଏହି ଧାରଣାରେ ସୁବର୍ଣ୍ଣପୁର ଜିଲ୍ଲା କଂଗ୍ରେସ କମିଟି ସଭାପତି ଗୌରିଶ୍ୟାମ ପଣ୍ଡା,ଜିଲ୍ଲା ଯୁବ କଂଗ୍ରେସ ସଭାପତି ପ୍ରିୟବ୍ରତ ସାହୁ,ଜିଲ୍ଲା କୃଷକ ସେଲ ସଭାପତି ନରେନ୍ଦ୍ର ପଣ୍ଡା,ମହିଳା ସଭାନେତ୍ରୀ ସୂର୍ଯ୍ୟକନ୍ତୀ ବାଗ, ବରିଷ୍ଠ କଂଗ୍ରେସ ନେତା ବାଳକୃଷ୍ଣ ଦଣ୍ତସନl,ରାଘବ ଦାସ,ସୁଧାଂଶୁ ପଣ୍ଡା,ସପନେଶ୍ୱର ପୃଷ୍ଟି,ଗୋବିନ୍ଦା ଝାଙ୍କର,ବିଜୟ ଭୋଇ,ସଂଗ୍ରାମ କେଶରୀ ନାୟକ,ଗୋପୀନାଥ ପଣ୍ଡା, ଟିକୁ ହୋତା,ସୁରେଶ ବଢେଇ,ଟିକୁନ ମହାଳୀଙ୍ଗ,ରବିନ୍ଦ୍ର ଭଇନା,ବାବୁଲୁ ବେହେରା,ନରେନ୍ଦ୍ର ସାହୁ,ଶିବ ପ୍ରସାଦ ଖମାରୀ,ପ୍ରଦୀପ ସେଠୀ,ସୁମନ୍ତ ସାହୁ, ହଜାରୁ ସାହୁ,କୁଷ

ଭୋଇ,ରୁଦ୍ର ନାରାୟଣ ସାହୁ,ମହେନ୍ଦ୍ର ଥାନାପତି,ମାର୍କଣ୍ଡ ଭୋଇ,ସୁରେନ୍ଦ୍ର ବଗର୍ତ୍ତି,ହରିହର ଛନ୍ଦ,ଜନାର୍ଦ୍ଦନ ଦଣ୍ଡସନl,ପ୍ରବୀଣ ବିଶି,ସୁବାସ ମହାକୁର,ପବନ ଅଗ୍ରୱାଲ,ସମିତ୍ରି ତରିଆ, ରାଜ କିଶୋର,ନାଗେଶ୍ଵର ବାଗ,ଶିବ ପର୍ଡ଼ିଆ, ମାଲପୁଡି ସାଇ ରାଓ ପ୍ରମୁଖଙ୍କ ସମେତ ବହୁ ଚାଷୀ ସାମିଲ ହୋଇଛନ୍ତି l