24-Jun-2021

କଣ୍ଟାବାଞ୍ଜି ( ଆନନ୍ଦ  କୁମାର ମୋଟେ) : କଣ୍ଟାବାଞ୍ଜି ଏନଏସି ମାଇକ୍ରୋ କମ୍ପୋଷ୍ଟିଂ ସେଣ୍ଟରରୁ ଖତ କିଣିଲା କଣ୍ଟାବାଞ୍ଜି ବନ ବିଭାଗ । ଚାରା ରୋପଣରେ ଖତ ବ୍ୟବହାର କରିବା ପାଇଁ ସ୍ଥାନିୟ ବନ ବିଭାଗ ଖତ କିଣିଥିବା ଜଣାଯାଇଛି । ୭ ହଜାର ୨ ଶହ ଟଂକା ରେ ୩୬୦ କେ.ଜି ଖତ କିଣି ଥିବା ଜଣାଯାଇଛି । ମାଇକ୍ରୋ କମ୍ପୋଷ୍ଟିଂ ସେଣ୍ଟରରେ ଓଦା ଓ ଶୁଖିଲା ଅଲିଆରୁ ଖତ ପ୍ରସ୍ତୁତ କରାଯାଉଛି । ସହରରୁ ସଂଗ୍ରହ କରାଯାଉଥିବା ଅଲିଆ ଆବର୍ଜନା ଏକ କୁଣ୍ଡରେ  ରଖି ଖତ ତିଆରି କରାଯାଉଛି । କିଛି ଦିନ ପୁର୍ବରୁ ସ୍ଥାନିୟ ବିଧାୟକ ସନ୍ତୋଷ ସିଂ ସାଲୁଜା  “ମୋ ଖତ”ର ଶୁଭାରମ୍ଭ କରିଥିଲେ । ଏହି କମ୍ପୋଷ୍ଟିଂ ସେଣ୍ଟରରୁ ବାହାରୁ ଥିବା ଖତ କମ ମୁଲ୍ୟରେ ଲୋକଙ୍କୁ ବିକ୍ରି କରାଯାଉଥିବା ବେଳେ ଏହା ଲୋକଙ୍କ କାମରେ ଆସିବ ବୋଲି ଏନଏସି କାର୍ଯ୍ୟନିର୍ବାହି ଅଧିକାରି ସମ୍ମି ରେଡ୍ଡି ଜୟଶ୍ରୀ ସୁଚନା ଦେଇଛନ୍ତି । ତେବେ ଅନ୍ୟ ମାନଙ୍କ ମଧ୍ୟରେ ବନ ବିଭାଗ ଫରେଷ୍ଟର ଚନ୍ଦ୍ରକାନ୍ତି ସୁନା, ଏନଏସି କନିଷ୍ଠ ଯନ୍ତ୍ରୀ ଅଶୋକ ପଟ୍ଟନାୟକ, ନୋଡାଲ ଅଫିସର ଚନ୍ଦ୍ରଶେଖର ଭୋଇ ପ୍ରମୁଖ ଉପସ୍ଥିତ ଥିଲେ ।