21-Jun-2021

ବିନିକା (ହିମାଂଶୁ ଶେଖର ପୁଟେଲ) :: ଆଜି ସନ୍ଧ୍ୟାରେ ବିନିକା ସ୍ଥିତ ସିଦ୍ଧାର୍ଥ ଜୁନିଅର ଓ ଡିଗ୍ରୀ କଲେଜରେ ପୃଥକ ପୃଥକ ଭାବରେ ୱାବନାର ମାଧ୍ୟମରେ ପାଳିତ ହୋଇଛି ବିଶ୍ଵ ଆନ୍ତର୍ଜାତୀୟ ଯୋଗ ଦିବସ l ସିଦ୍ଧାର୍ଥ ଜୁନିଅର କଲେଜରେ ଅନୁଷ୍ଟିତ ସପ୍ତମ ଯୋଗ ଦିବସ ଅବସରରେ କଲେଜର ଅଧ୍ୟକ୍ଷା ରେଖା ପ୍ରଧାନ କାର୍ଯ୍ୟକ୍ରମର ସ୍ବାଗତ ଭାଷଣ ପ୍ରଦାନ କରିଥିବା

ବେଳେ ସଂସ୍କୃତ ଅଧ୍ୟାପକ ଧନେଶ୍ଵର ସାହୁ ଅତିଥି ପରିଚୟ ପ୍ରଦାନ କରିଥିଲେ l ଏଥିରେ ସୋନପୁର ଉପଜିଲ୍ଲାପାଳ ତଥା କଲେଜ ପରିଚାଳନା କମିଟି ଅଧ୍ୟକ୍ଷ  ନିହାର ରଞ୍ଜନ କହଁର ମୁଖ୍ୟ ଅତିଥି,ଯୁବ ରେଡକ୍ରସ ଜିଲ୍ଲା କୋଡିନେଟର ଉମାକାନ୍ତ ନାଗ ମୁଖ୍ୟ ବକ୍ତା,ରମାଦେବୀ ବିଶ୍ଵ ବିଦ୍ୟାଳୟ ସଙ୍ଗୀତ ବିଭାଗ ମୁଖ୍ୟ ତଥା ଯୋଗଗୁରୁ ସୁଶିଲ କୁମାର ପଟନାୟକ ରିସୋରପର୍ସନ ଭାବେ ଯୋଗଦେଇଥିଲେ l ଯୋଗର ଉପକାରିତା ଓ ଯୋଗ ଦ୍ଵାରା ମଣିଷ ଶରୀର କିପରି ସୁରକ୍ଷିତ ରହିବ ସେ ଦିଗରେ ଅତିଥି ମାନେ ପରାମର୍ଶ ଦେଇଥିଲେ lଶେଷରେ ଏନଏସଏସ ପ୍ରୋଗ୍ରାମ ଅଫିସର ଅଧ୍ୟାପକ ରୋହିତ ଧରୁଆ ଧନ୍ୟବାଦ ଅର୍ପଣ କରିଥିଲେ l ସେହିପରି ସିଦ୍ଧାର୍ଥ ଡିଗ୍ରୀ କଲେଜରେ ମଧ୍ୟ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକଙ୍କ ସଭାପତିତ୍ବରେ ଅନୁଷ୍ଠିତ ୱବନାରରେ ମୁଖ୍ୟ ଅତିଥି ଭାବେ ଉପଜିଲ୍ଲାପାଳ ନିହାର ରଞ୍ଜନ କହଁର, ମୁଖ୍ୟବକ୍ତା ଯୁବ ରେଡକ୍ରସ ରାଜ୍ୟ ସଂଗଠନ ପ୍ରଫେସର ଗୋପାଳ କୃଷ୍ଣ ମିଶ୍ର  ଯୋଗଦେଇ ସ୍ୱାସ୍ଥ୍ୟର ହିତ ପାଇଁ ଯୋଗ ବର୍ତ୍ତମାନ ପରିସ୍ଥିତିରେ ଜରୁରୀ ହୋଇପଡିଛି ବୋଲି କହିଥିଲେ lଅନ୍ୟତମ ମୁଖ୍ୟବକ୍ତା ଭାବେ  

ଯୋଗଗୁରୁ ଡକ୍ତର ସୁଶିଲ କୁମାର ପଟନାୟକ ଯୋଗଦେଇ ଯୋଗ କାର୍ଯ୍ୟକ୍ରମରେ ଆସନ ପ୍ରାଣାୟମ ଉପରେ ଆଲୋକପାତ କରିଥିଲେ l ଅନ୍ୟ ମାନଙ୍କ ମଧ୍ୟରେ ଏନଏସଏସ କୋଡ଼ିନେଟର ଅଧ୍ୟାପିକା ମିତାଲି ପ୍ରଧାନ, ଯୁବ ରେଡକ୍ରସ ବିଭାଗ ଲେଡି କାଉନସିଲର ଅଧ୍ୟାପିକା ବିଘେଂସ୍ୱରି ପୂଜାରୀ ଯୋଗଦେଇ ଯୋଗର ମହତ୍ତ୍ୱ ଉପରେ ନିଜର ମତାମତ ରଖିଥିଲେ l ପ୍ରାରମ୍ଭରେ ଯୁବ ରେଡକ୍ରସ କାଉନସିଲର ତଥା ଅଧ୍ୟାପକ ବିଶ୍ଵନାଥ ମିଶ୍ର ଆନ୍ତର୍ଜାତୀୟ ଯୋଗ ଦିବସର ଉଦ୍ଦେଶ୍ୟ ଉପରେ ସୂଚନା ପ୍ରଦାନ ପୂର୍ବକ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଅଧ୍ୟାପକ ତଥା  ଏନଏସଏସ ପ୍ରୋଗ୍ରାମ ଅଫିସର ହରିଶ୍ଚନ୍ଦ୍ର ହୋତା ଶେଷରେ ଧନ୍ୟବାଦ ଅର୍ପଣ କରିଥିଲେ l