21-Jun-2021

ଇଲାଙ୍ଗିର(ପ୍ରେରଣା ଖବର)-  ବଲାଙ୍ଗିର ଜିଲ୍ଲା ପୁଇନ୍ତଲା ବ୍ଲକ୍ ର ରଣ୍ଡା ଗାଁରେ ରହନ୍ତି ସ୍ୱାମୀହରା ଉରକୁଲି ନନ୍ଦ । ତିନୋଟି ପୁଅ ସହ ତାଙ୍କ ସଂସାର । ବଡପୁଅ ଶମ୍ଭୁର ତିନୋଟି ଝିଅ କୁକୁଡା କୋକାନ କରି ଚଳୁଥିଲେ । ଏକ ଅଜଣା ଗାଡିର ଧକ୍କାରେ ତାଙ୍କର ମେରୁଦଣ୍ଡ ଭାଙ୍ଗିଗଲା । ସାନପୁଅ ରୋହିତ ନିଜ ଘର ଉପର ଛାତ ରେ ଯାଇଥିବା ୩୨ କେଭି ତାର ଲାଗି ଦେହର ୪୦ ପ୍ରରିଶତ ପୋଡି ଯାଇଛନ୍ତି । ବଲାଙ୍ଗିର ର ସ୍ୱେଚ୍ଛାସେବୀ ଅନୁଷ୍ଠାନ ବିଙ୍ଗ୍ ହ୍ୱୁମାନ ଖବର ପାଇ ବର୍ତ୍ତମାନ ଉଭୟ ଙ୍କ ଚିକିତ୍ସାରେ ଲାଗି ପଡିଛନ୍ତି । ଆଜି ବିଙ୍ଗ୍ ହ୍ୱୁମାନ ର ଉପଦେଷ୍ଟା ସମାଜସେବୀ ଡ. ଶ୍ରୀକର ମିଶ୍ର ଏବଂ ଅନୁଷ୍ଠାନର ସଭାପତି ସୋମନାଥ ମିଶ୍ର, ସମ୍ପାଦକ ବ୍ରଜଗୋପାଳ ସିଂହ, ସଭ୍ୟ ପ୍ରୀତମ ବରାଡ ଓ ରୋଶନ ସୁନା ରଣ୍ଡା ଗ୍ରାମକୁ ଯାଇ ଅସହାୟା ଉରକୁଲି ନନ୍ଦ ଙ୍କୁ  ଦଶ ହଜାର ଟଙ୍କା ପ୍ରଦାନ କରିଛନ୍ତି । ଉଭୟ ଙ୍କ ଚିକିତ୍ସା ପାଇଁ ୧୦୮ କୁ ଫୋନ କରି ଭୀମ ଭୋଇ ମେଡିକାଲ କଲେଜ ହସପିଟାଲ ସହ ଯୋଗାଯୋଗ କରିଛନ୍ତି । 
     ପୁନଶ୍ଚ ବଲାଙ୍ଗିର ସଦର ବ୍ଲକ ବୁଡି ଅଂଚଲ ଖୁନ୍‌ଟପାଲି ଗ୍ରାମରେ ରହନ୍ତି ମଞୁଲତା ସାଏ । ତେର ବର୍ଷ ଆଗରୁ ସେ ସ୍ୱାମୀ ହରା । ଶାଶୁ ଫୁଲ ଓ ଶ୍ୱଶୁର ସତ୍ୟାନନ୍ଦ ସହ ତାଙ୍କର ଗୋଟିଏ ଝିଅ ଚିନୁ(୧୫) ଓ ଗୋଟିଏ ପୁଅ ଚନ୍ଦନ(୧୩) । ଝିଅ ଦଶମ ପଢୁଥିବା ବେଳେ ପୁଅ ଅଷ୍ଟମ ଶ୍ରେଣୀରେ ପଢୁଛି । ଚାଷ ଜମି ନ ଥିବାରୁ ଶ୍ୱଶୁର ଅଘରିଆ ଜାତିର ହେଲେ ମଧ୍ୟ ରାଜ ମିସ୍ତ୍ରୀ କାମ କରି ପରିବାର ପୋଷୁଥିଲେ । ଭାଗ୍ୟର ବିଡମ୍ବନା । ରୋଜଗାର କରୁଥିବା ସତ୍ୟାନନ୍ଦ କରୋନା ମହାମାରୀରେ ଆଖି ବୁଜିଲେ । ମଞୁଲତାର

ସଂସାର ରେ ଅକାଳ ଚଡକ ପଡିଲା । କିନ୍ତୁ ଜୀବନ ଯୁଦ୍ଧରେ ହାରି ନ ଯାଇ ସିଲାଇ କାମ କୁ ଆଦରି ନେବା ପାଇଁ ମନସ୍ତ କଲେ ଏବଂ ଗଣମାଧ୍ୟମ ପ୍ରତିନିଧି ମାନଙ୍କ ଯୋଗାଯୋଗ କ୍ରମେ ଆର୍ଷବିଦ୍ୟା ସେବା ସମିଧି ତରଫରୁ ବ୍ରଜଭୁଷଣ ଦାଶ ଏକ ନୂଆ ସିଲାଇ ମେସିନ ଯୋଗାଇ ଦେଲେ । ଏହି ଖବର ଗଣମାଧ୍ୟମରୁ ଜାଣିବା ପରେ  ଆଜି ସମାଜ ସେବୀ ଡ.ଶ୍ରୀକର ମିଶ୍ର ସାମ୍ବାଦିକ ଅରୁଣ ମିଶ୍ର, ବିରେନ୍ଦ୍ର ଝାଙ୍କର ଓ ପ୍ରଶାନ୍ତ ମହାକୁର ଙ୍କ ସହିତ ମଞୁଲତା ଙ୍କ ଘରକୁ ଯାଇ ଦଶ ହଜାର ଟଙ୍କା ପ୍ରଦାନ କରିଛନ୍ତି । ପୁଣି ମଞୁଲତା ର ପୁଅ ଓ ଝିଅର ପଢାଖର୍ଚ୍ଚ ସହ ଝିଅ ବାହାଘରର ସମସ୍ତ ଖର୍ଚ୍ଚ ବହନ କରିବା ପାଇଁ ପ୍ରତିଶୃତି ଦେଇଛନ୍ତି । ପ୍ରତିଶୃତି ପାଇ ମଞୁଲତା ନିଜର ପରିବାରକୁ ବର୍ତ୍ତମାନ ଠିକ୍ ରେ ଚଳେଇ ପାରିବେ ବୋଲି ଆଶା ରଖିଛନ୍ତି । ଏହି କାର୍ଯ୍ୟକ୍ରମରେ ଗ୍ରାମବାସୀ ଙ୍କ ସମେତ ପଣ୍ଡିତ ଅଭିମନ୍ୟୁ ମିଶ୍ର ସହଯୋଗ କରିଥିଲେ ।
     ଏହି ଦୁଇ ଅସହାୟ ପରିବାର କୁ ସହଯୋଗର ହାତ ବଢାଇଥିବାରୁ ସମାଜସେବୀ ଶ୍ରୀ ମିଶ୍ର ଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ଗଣମାଧ୍ୟମରୁ ଜାଣି ସହଯୋଗର ହାତ ବଢାଇ ପାରିଥିବାରୁ ପ୍ରତିକ୍ରିୟାରେ ଶ୍ରୀ ମିଶ୍ର ଗଣମାଧ୍ୟମର ପ୍ରତିନିଧି ମାନଙ୍କୁ ମଧ୍ୟ ସାଧୁବାଦ ଜଣାଇଛନ୍ତି ।