21-Jun-2021

ସୋନପୁର (ମନୋରଞ୍ଜନ ତ୍ରିପାଠୀ) : ବୌଦ୍ଧ ଜ଼ିଲ୍ଲା କଣ୍ଟାମାଳ ବ୍ଲକର  ଗୋଷ୍ଠୀ ଉନ୍ନୟନ ଅଧିକାରୀ  ଶ୍ରୀମତୀ  ବନ୍ଦନା ଖଟୁଆ ଶୁଣ୍ଢିପଦର ଗ୍ରାମକୁ ଯାଇ କରୋନାରେ ମୃତ୍ୟବରଣ କରିଥିବା  ଓଡିଶା ଭାସ୍କର ର ସମ୍ବାଦଦାତା ତଥା ଜ଼ିଲ୍ଲା ପ୍ରତିନିଧି  ସ୍ବର୍ଗତ ଦୁର୍ବାକ୍ଷ ବସ୍ତିଆଙ୍କ ଶୋକସନ୍ତପ୍ତ  ପରିବାରକୁ ଭେଟି ସାନ୍ତ୍ୱନା  ଦେବା ସହିତ ବ୍ଲକ କର୍ମଚାରୀଂକ ସହଯୋଗ ପାଣ୍ଠିରୁ ୧୦,୬୦୦ ଟଙ୍କା ତାଂକ ବିଧବା  ପତ୍ନୀଙ୍କୁ ସହାୟତା  ପ୍ରଦାନ କରିଥିଲେ l  ଏନ୍ ଏଫ୍ ବି ଏସ୍ କାଗଜପତ୍ର ସଂଗ୍ରହ  କରି ଆଜୀବନ ବିଧବା ଭତ୍ତା ପ୍ରଦାନ କରିବାକୁ ପ୍ରତିଶୁତି ଦେଇଥିଲେ l ସେହିପରି କରୋନାରେ ପିତା ମାତାଙ୍କ ମୃତ୍ୟୁ ପରେ ଅନାଥ ହୋଇଥିବା କୁଲିହାପାଲି ଗ୍ରାମର ଅସହାୟ ବାଳକ ସୁଧୀର ମେହେରକୁ ମଧ୍ୟ ସାକ୍ଷାତ କରି ସାନ୍ତ୍ୱନା ଦେବା ସହିତ  ବ୍ଲକ କର୍ମଚାରୀଙ୍କ ସହଯୋଗ ପାଣ୍ଠି ରୁ ୫୦୦୦ ଟଙ୍କା  ବି ଡ଼ି ଓ ଶ୍ରୀମତୀ ଖଟୁଆ  ପ୍ରଦାନ କରି ଥିଲେ l ପିଲା ର ପଠାପଢା ପାଇଁ ଜ଼ିଲ୍ଲା ପ୍ରଶାସନ ପକ୍ଷରୁ ସମସ୍ତ  ବ୍ୟବସ୍ଥା କରାଯିବାକୁ ପ୍ରତିଶୃତି ଦେଇଥିଲେ l  ଏଭଳି ସଙ୍କଟ ବେଳେ କଣ୍ଟାମlଳ ବ୍ଲକର କର୍ମଚାରୀ ଓ ପ୍ରଶାସନିକ ଅଧିକାରୀଙ୍କ ଏ ସହାୟତା, ବଦାନ୍ୟତା ଓ ମହତ କାର୍ଯ୍ୟକୁ ଏ ଅଂଚଳ ତଥା ଜ଼ିଲ୍ଲାର ବୁଦ୍ଧିଜୀବୀ ଭୂୟସୀ ପ୍ରଶଂସା କରିଛନ୍ତି l