20-Jun-2021

କୋରାପୁଟ, (ପ୍ରେରଣା ଖବର ବ୍ୟୁରୋ): ଗଞ୍ଜେଇ ଚୋରା ଚାଲାଣ ବେଳେ  ନନ୍ଦପୁର  ପୋଲିସ  ମାଡି ବସିଲା  ୩  ଦୁର୍ଦାନ୍ତ ଗଞ୍ଜେଇ ମଫିଆଙ୍କୁ । ପାଡୁଆ ଅଞ୍ଚଳରୁ ଗଞ୍ଜେଇ ଚୋରା ଚାଲଣ ବେଳେ ନନ୍ଦପୁର ପୋଲିସ ହାତରେ ଧରା ପଡିଛି  ବିପୁଳ ଗଞ୍ଜେଇ । ବିଶେଷ ସୂତ୍ରରୁ ଖବର ପାଇ କୋରାପୁଟ  ଏସପି ଙ୍କ ନିର୍ଦେଶ କ୍ରମେ   ନନ୍ଦପୁରଏସ.ଡ଼ି.ପି.ଓ. ଙ୍କ    ନେତୃତ୍ଵରେ  ନନ୍ଦପୁର ପୋଲିସର ୭ ଜଣିଆ ଟିମ ଗଠନ କରି  ବ୍ଲକ ଅଫିସ  ନିକଟରେ ନାକାବନ୍ଦୀ କରିଥିଲେ । ପାଡୁଆ ଅଞ୍ଚଳରୁ  ଦ୍ରୁତ ଗତିରେ ଆସୁଥିବା କାରକୁ ଅଟକାଇ  ଥିଲା ପୋଲିସ ।   ଗାଡି  ସେଠାରୁ  ବିପରୀତ ଦିଗକୁ ବୁଲାଇ  ଖସି ପଳାଇବାକୁ ଚେଷ୍ଟା କରୁଥିବା ବେଳେ  ପୋଲିସ  ୩  ଦୁର୍ଦାନ୍ତ  ଗଞ୍ଜେଇ ମଫିଆକୁ କାବୁ କରିବା ସଫଳ ହୋଇ ଥିଲା ।    ମୁଖ୍ୟ  ଆସାମୀ  ତଥା ସେହି ଅଞ୍ଚଳର ଦୁର୍ଦାନ୍ତ  ଗଞ୍ଜେଇ ମଫିଆ  ଅଭି ଖିଲ ଅନ୍ଧାରର ସୁଯଗ ନେଇ  ଜଙ୍ଗଲ ଭିତରକୁ  ଖସି ପଳାଇବାରେ  ସକ୍ଷମ  ହୋଇଥିଲା। ୩ ମଫିଆଙ୍କୁ  କାବୁ କରିବା ପରେ କାରକୁ  ଯାଞ୍ଚ କରିବାରୁ କାର ଡିକିରେ ୪ ଟି ବସ୍ତାରେ  ପ୍ରାୟ  ଏକ   କୁଇଣ୍ଟାଲ ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ ।  ଏହାର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଗିରଫ  ମଫିଆ ମାନେ ପଟାଙ୍ଗୀ  ଅଞ୍ଚଳ  ସାମଏଲ  ଗେଞ୍ଜି ,  ନଦପୁର  ଅଞ୍ଚଳର  ସୁରେନ୍ଦ୍ର  ମାଲି ଏବଂ ଜୟପୁର  ଅଞ୍ଚଳର  ପ୍ରଶାନ୍ତ ଖେମୁଣ୍ଡୁ   ।   ନନ୍ଦପୁର   ଏସ.  ଡ଼ି. ପିଓ .   ସଞ୍ଜୟ ମହାପତ୍ରଙ୍କ   ସୂଚନା  ଅନୁଯାଇ  ଏହି ଦୁର୍ଦାନ୍ତ ଗଞ୍ଜେଇ ମଫିଆ  ମାନେ ଦୀର୍ଘ  ବର୍ଷ  ହେଲା ବେଧଡକ ଏହି ଅଞ୍ଚରୁ  ଗଞ୍ଜେଇ ଚୋରା  ଚାଲାଣ କରି ଆସୁଥିଲେ ।  ଏମାନଙ୍କୁ  ପୋଲିସ ବହୁ ବାର ଧରିବା ପାଇଁ  ଚେଷ୍ଟା କରୁଥିଲେ ମଧ୍ୟ  ଖସି ପଳାଇବାରେ  ସକ୍ଷମ ହେଉଥିଲେ ।  କିନ୍ତୁ ଏହି ଦୁର୍ଦାନ୍ତ ଗଞ୍ଜେଇ ମାଫିଆଙ୍କୁ  ଧରିଥିବାରୁ ନନ୍ଦପୁର ପୋଲିସ ପାଇଁ ବଡ ସଫଳତା ବୋଲି କହିଛନ୍ତି  । ଫେରାର  ହୋଇଯାଇ  ଥିବା ମୁଖ୍ୟ ଅଭିଯୁକ୍ତ  ପୋଲିସ ଖୁବଶିଗ୍ର ଗିରଫ କରିବ ବୋଲି  ସୂଚନା ଦେଇଛନ୍ତି ।