16-Jun-2021

ଭଞ୍ଜନଗର (ଉମା ମହାରଣା) : କୋରନା ଭାଇରସ ! ଯାହାକୁ ନେଇ ଏବେ ସବୁଠେ ଚାଲିଛି ସଚେତନତା କାର୍ଯ୍ୟକ୍ରମ ସାଙ୍ଗକୁ ଘନଘନ ପ୍ରଶାସନିକସ୍ଥରରେ ବୈଠକ । ହେଲେ ଏହି କୋରୋନା କାଳରେ ବଣ ଜଙ୍ଗଲରେ ବାସ କରୁଥିବା ଅାଦିବାସୀ ମାନଙ୍କ ଈଲାକା ର ସମସ୍ୟା ପ୍ରତି କାହାରି ବି ନଜର ନାହିଁ । ଆଗାମିଦିନ ରେ ବର୍ଷା ମାଡି ଆସୁଛି ା ଏବଯାଏଁ ପ୍ରଶାସନର ଦେଖା ନାହିଁ ା ଆଦିବାସି ଈଲାକା ରେ ବସବାସ କରୁଥିବା ଲୋକଙ୍କ ସମସ୍ୟାର ସମାଧାନ କିଏ ଅବା ବୁଝିବ ା ତଥାପି ଏହି ଭଳି ସମୟରେ ନିଜ ଗ୍ରାମ ପଞ୍ଚାୟତର ଲୋକଙ୍କ ସମସ୍ୟା ର ସମାଧାନ ବାଟ ପାଇଁ ଅଣ୍ଟା ଭିଡିଲେ ଖୋଦ ସରପଞ୍ଚ ଅାଉ ଯାହା ପ୍ରଶାସନ କରି ପାରୁନଥିଲା ତାହା କରିଦେଖାଇ ଦେଲେ ସରପଞ୍ଚ । ଅାଉ ନିଜସ୍ଵ ଖର୍ଚ୍ଚ ତଥା ନିଜସ୍ଵ ଉଦ୍ୟମରେ ନିର୍ମାଣ କରିଦେଲେ କାଠ ପୋଲଟିଏ । ଯାହାକି ଏବେ ସବୁଠାରୁ ବେଶ ଚର୍ଚ୍ଚାର ବିଷୟ ପାଲଟିଛି । ତେବେ ଚାଲନ୍ତୁ ଜାଣିବା ପୁରା ଘଟଣା ଟି କଣ ରହିଛି ତା ଉପରେ ଟିକେ ନଜର ପକାଈବା ।

ଗଞ୍ଜାମ ଜିଲ୍ଲା ର ଭଞ୍ଜନଗର ବ୍ଳକ ର ମୁଜାଗଡ ଗ୍ରାମ ପଞ୍ଚାୟତ । ଯେଉଁ ଗ୍ରାମ ପଞ୍ଚାୟତଟି ଗଞ୍ଜାମ ଓ କନ୍ଧମାଳ ସୀମାନ୍ତରେ ଥିବା ବେଳେ ଏହି ଗ୍ରାମ ପଞ୍ଚାୟତରେ ରହିଛି ଅନେକ ଅାଦିବାସୀ ଗ୍ରାମ । ତେବେ ତାହା ମଧ୍ୟରୁ ଏକ ଅବହେଳିତ ଗ୍ରାମ ହେଲା ଢେପାଗୁଡା । ଯେଉଁ ଗାଁର ଚତୃପାଶ୍ଵରେ ରହିଛି ବଡନଦୀ । ବର୍ଷା ହେଲେ ପୁରା ଯୋଗାଯୋଗ ବିଛିନ୍ନ ହୋଇଯାଏ । ହେଲେ ସେହି ବଡ ନଦୀ ଉପରେ ଏକ ସେତୁଟିଏ ନିର୍ମାଣ ପାଇଁ ବ୍ଳକ ପ୍ରଶାସନ ଠାରୁ ଅାରମ୍ଭ କରି ମୂଖ୍ୟମର୍ନ୍ତ୍ରୀ ଙ୍କ ପର୍ଯ୍ୟନ୍ତ ଗୁହାରି କରିଥିଲେ ହେଲେ କେହି ସମାଧାନ ର ବାଟ ଫିଟାଈ ନଥିଲେ ଯାହାଫଳରେ ମୁଜାଗଡ ଗ୍ରାମ ପଞ୍ଚାୟତର ଶିବ ପ୍ରଧାନ ସରପଞ୍ଚ ଙ୍କ ଗୁହାରି କେହି ବି ସୁଣିଲେ ନାହିଁ । ଗୋଟାଏ ପଟେ କୋରୋନାର ତାଣ୍ଡବ ଅନ୍ୟପଟେ ଅାଗକୁ ମାଡି ଅାସୁଛି ବର୍ଷା ଦିନ । ଯେମିତି ହେଲେ ଢେପାଗୁଡା ଗାଁର ସମସ୍ୟା ର ସମାଧାନ ପାଇଁ ନିଷ୍ପତ୍ତି ନେଲେ ସରପଞ୍ଚ । ଅାଉ ନିଜସ୍ଵ ଉଦ୍ୟମ ତଥା ନିଜସ୍ଵ ଖର୍ଚ୍ଚରେ କାଠ ବାଉଁଶ ଯୋଗାଡ କରି ବଡ ନଦୀ ଉପରେ ଏକ କାଠ ର ପୋଲ ନିର୍ମାଣ କରି ପୁରା ଦୁନିଅାକୁ ଦେଖାଇ ଦେଲେ ।

ବାଇଟ1- ବାସନ୍ତୀ ନାୟକ(ଗ୍ରାମବାସୀ)

ଖାଲି ସେତିକି ନୁହଁ । ଦିନେ ଯେଉଁ ସମସ୍ୟା କଥାକୁ ପ୍ରଶାସନ ସୁଣୁନଥିଲା ଖୋଦ ସେହି ସମସ୍ୟାର ସମାଧାନ କରିଦେଲେ ସରପଞ୍ଚ । କିଛି ଗାଁ ଲୋକଙ୍କୁ ନେଇ ଖୋଦ ସରପଞ୍ଚ ନିଜେ ହାତରେ ହାତୁଡି ଧରି ବଡ ନଦୀ ଉପରେ ନିର୍ମାଣ କରିଦେଲେ କାଠ ପୋଲ । ଉଦ୍ଧେଶ୍ୟ କେବଳ ଅାସନ୍ତା ବର୍ଷା ଦିନରେ ଅନ୍ତତ୍ଵପକ୍ଷେ ଏହି ଗାଁର ଲୋକେ ଯାତାୟତର ସମସ୍ୟା ନ ଭୋଗନ୍ତୁ । ଠିକ ସେୟା ହିଁ ହେଲା । ନିର୍ମାଣ ହେଲା କାଠ ପୋଲ ବର୍ଷ ବର୍ଷର ସମସ୍ୟା ଏବେ ଏକ ପ୍ରକାର ସମାଧାନ ହୋଇଥିବା ବେଳେ ଏବେ ବି ଲୋକେ ଏକ ସ୍ଥାୟୀ ପୋଲର ଆଶା ମଧ୍ୟ ଏବେ ବି ରଖିଛନ୍ତି ।