16-Jun-2021

ବଲାଙ୍ଗୀର (ସନ୍ତୋଷ କୁମାର ଠାକୁର): ଗତକାଲି ବନ୍ଧୁକ ମୁନ ରେ ୩ଜଣଙ୍କୁ ବନ୍ଧକ ଘଟଣାରେ ଅପରାଧୀ ବିକ୍ରମ ପଣ୍ଡାକୁ ୫ ଘଣ୍ଟାର କଡ଼ା କସରତ ପରେ କାବୁ କରି ଅଟକ ରଖିଥିଲା ବଲାଙ୍ଗୀର ପୋଲିସ।  ଆଜି ବଲାଙ୍ଗୀର ଭୀମଭୋଇ ମେଡ଼ିକାଲ କଲେଜରେ ଅପରାଧୀ ବିକ୍ରମ ପଣ୍ଡାର ସ୍ୱାସ୍ଥ୍ୟ ପରୀକ୍ଷା ପରେ ବଲାଙ୍ଗୀର ଟାଉନଥାନା ଆଇ. ଆଇ.ସି. କେ.ପ୍ରିୟଙ୍କା ରାଉତ ରାୟ,ଏସ.ଡ଼ି.ପି.ଓ. ତୋଫାନ ବାଗ ଘଟଣାର ସମସ୍ତ ବିବରଣୀ ସାମ୍ବାଦିକ ସମ୍ମିଳନୀ ମାଧ୍ୟମରେ ପ୍ରକାଶ କରିଛନ୍ତି। ଯେଉଁଥିରେ ଅପରାଧୀ କୁହାଯାଉଥିବା ବିକ୍ରମ ପଣ୍ଡାର ପ୍ରେମ ସମ୍ପର୍କ ରହିଥିଲା ଓ ସେ ନିଜ ପ୍ରେମକୁ ହାସଲ କରିବା ପାଇଁ ଝିଅର ମାମୁଁ ଘରକୁ ପଶିଥିଲା । ବନ୍ଧୁକ ମୁନରେ ତିନି ଜଣଙ୍କୁ ବନ୍ଧକ ରଖି ତାଙ୍କ ଭାଣଜିକୁ ଡ଼ାକିବା ପାଇଁ ଧମକ ଚମକ ଦେଇଥିଲା ନ ହେଲେ ବନ୍ଧକ ଥିବା ତିନି ଜଣଙ୍କୁ ଜୀବନରେ ମାରିଦେବା ଭଳି ଧମକସହ ଚେତାବନୀ ଦେଇଥିଲା। ସେପଟେ କଳେବଳେ କୌଶଳେ ହୋତା ପରିବାର ଅପହରଣକାରୀକୁ ଗୋଟେ କୋଠରୀରେ ବନ୍ଦ କରି ଅନ୍ୟ ଏକ କୋଠରୀରେ ରହି ଯାଇଥିଲେ l ପୋଲିସ ପ୍ରଶାସନ ଓ ଅଗ୍ନିଶମ ବିଭାଗର କଡ଼ାକଡ଼ି ଉଦ୍ୟମ ଓ ୪ଘଣ୍ଟାର ସଂଘର୍ଷ ପରେ ଉପରମହଲା ଝରକାରୁ ଉଦ୍ଧର ହୋଇଥିଲେ। ପୋଲିସ ପ୍ରଶାସନର କଠିନ ପରଶ୍ରମ ପରେ ଗୋଟେ ଘଣ୍ଟା ବ୍ୟବଧାନରେ ଅର୍ଥାତ ସାଢ଼େ ୫ ଘଣ୍ଟାର କସରତପରେ ଅପରାଧୀ ବିକ୍ରମ ପଣ୍ଡାକୁ ଗିରଫ କରିଥିଲା l ଗିରଫ ସମୟରେ ଗୋଟେ ଦେଶୀ ପିସ୍ତଲ,ତିନିଟି ଫୁଟା ଗୁଳିି  ଗୋଟେ ଚାକୁ ୨୯ ଇଞ୍ଚ ଲମ୍ବା ଏବଂ ଅପରାଧୀ ଆସିଥିବା ଗୋଟେ ୟମାହ ଏଫଜେଡ ଗାଡ଼ି (ଓଡ଼ି-୦୩ଏ -୭୦୮୦) କୁ ଜବତ କରିଥିବା ସୂଚନା ଦେଇଛି ପୋଲିସ। ତେବେ ଏହି ଘଟଣା ସହର ମଧ୍ୟରେ ଚାଂଚଲ୍ୟ ସୃଷ୍ଟି କରିଥିବା ବେଳେ ଅପରାଧୀ ବିକ୍ରମ ପଣ୍ଡା ଏହି ଅପରାଧ ପାଇଁ ନିଜକୁ ଦୋଷୀ ସ୍ୱୀକାର କରୁ ନଥବା ଓ କୋୖଣସି ଲଜ୍ଜାଜନକ ବିଷୟ ନୁହଁ ବୋଲି ଗଣମାଧ୍ୟମ ଆଗରେ କହିଛି l ବିକ୍ରମ କହିଛି ଯେ ସେ ଦିବ୍ୟ ଲୋଚନ ହୋତାଙ୍କ ଭାଣଜିଙ୍କୁ ଭଲ ପାଉଥିଲା ଓ ଦୀର୍ଘ ଦୁଇ ବର୍ଷ ହେବ ଦୁହିଁଙ୍କ ପ୍ରେମ ସମ୍ପର୍କ ଥିଲା l ଝିଅ ର ବାପା ଓ ତା ଭାଇ ଏ ସମ୍ପର୍କକୁ ମିଛ କହିବା ସହ ଦୁହିଁଙ୍କ ପ୍ରେମ ସମ୍ପର୍କକୁ ଟାଇମ ପାସ ଭଳି ନାଁ ର ଆଖ୍ୟା ଦେଇଛନ୍ତି l ଅପରାଧୀ ପ୍ରେମିକ ଏହି କଥାର ସତ୍ୟାସତ୍ୟ ଜାଣିବା ପାଇଁ ମାମୁଁ ଘରକୁ ବନ୍ଧୁକ ଧରି ପଶିଥିଲା ଓ ତା ପ୍ରେମିକାକୁ ଡାକି ସତ୍ୟାସତ୍ୟ ଜାଣିବା ପାଇଁ ଧମକ ଚମକ ଦେଇଥିବା ସ୍ୱୀକାର କରିଛି। ଅପହରଣରେ ବ୍ୟବହାର କରିଥିବା ବନ୍ଧୁକ ଦୀର୍ଘ ଦୁଇବର୍ଷ ହେବ ବୌଦ୍ଧ ଅଂଚଳରୁ ଆଣିଥିବା କହିଛି ବିକ୍ରମ । ଅନ୍ୟପଟେ ବଲାଙ୍ଗୀର ପୋଲିସ ଏହି ଅପହରଣ ଘଟାଇଥିବା ଅପରାଧୀ ବିକ୍ରମ ପଣ୍ଡାଙ୍କ ନାଁ ରେ ଟାଉନ ପୋଲିସ କେଶ ନ -୦୩୩୩, ୧୫,୬, ୨୦୨୧ୟୁ/ଏସ ୩୪୨/୪୫୦/୩୫୩/୨୯୪/୫୦୬/୩୦୭/ଆଇ,ପି,ସି, ୨୫/୨୭/୩୩୪/୨୦୨ ରେ ମାମଲା ରୁଜୁ କରି କୋର୍ଟ ଚାଲାଣ କରିଛି। ବେଆଇନ ଭାବେ ବ୍ୟବହୃତ ବନ୍ଧୁକ କେଉଁଠୁ ପାଇଛି,କାହା ପାଖରୁ ଆଣିଛି ତାର ତଦନ୍ତ ଜାରି ରଖିଛି ପୋଲିସ l