15-Jun-2021

ଭବାନୀପାଟନା (ପ୍ରେରଣା ଖବର ବ୍ୟୁରୋ) :ଫ୍ରାନ୍ସରେ ଆୟୋଜିତ ୱାର୍ଲଡ ପୋଏଟ୍ରି ' World Poetry Meet 'ରେ ଯୋଗଦେଇଛନ୍ତି ଆନ୍ତର୍ଜାତୀୟ ଓଡ଼ିଆ କବି ଭବାନୀ ଶଙ୍କର ନିଆଲ  l ଫ୍ରାନ୍ସସିୟ କବି ଏଲିଜା ବେଥ ପ୍ଲେନାଟୋ ସଭାପତିତ୍ବରେ ହେଇଥିବା ଉକ୍ତ ପୋଏଟ୍ରି ମିଟରେ ବିଶ୍ୱର ଫ୍ରାନ୍ସ, ଇରାନ,ଇଟାଲୀ, କ୍ରୋଏସିଆ ସମେତ ଭାରତରୁ କବି ଭବାନୀ ଶଙ୍କର ନିଆଲ ଯୋଗ ଦେଇଥିବା ସ୍ଥଳେ, କ୍ରୋଏସିଆ

ରୁ କବି ଲିଜା ବାଳଟା, ଫ୍ରାନ୍ସରୁ କବି କରୋଲେ କରସିଲୋ ମେଶ୍ରୋବିନ, କୋଲିନ ପିରେ, ମାର୍ଟିନ ପେଜ ଏବଂ ଇଟାଲୀରୁ କରଲୋଟା ଘିରାରଦିନି, ପାଲୋଡି ଟୋରେଶ ରୁଟିଲି ଏବଂ ଇରାନ ରୁ ଆବାସ ସଜାରୀ ଏବଂ ମହମ୍ମଦ ରେଜା ଅରମୀନ ସାମିଲ ହୋଇଥିଲେ l ଏଠାରେ ବିଭିନ୍ନ ଭାଷାରେ ଲେଖା ଯାଉଥିବା କବିତାର ଧାରା ଏବଂ ସମାଜରେ ଏହାର ପ୍ରଭାବ ଉପରେ ଚର୍ଚ୍ଚା କରାଯାଇଥିଲା l କବି ନିଆଲ ତାଙ୍କର ସମ୍ବୋଧନ ସହ ପ୍ରଥମେ ନିଜ ଓଡ଼ିଆ ଏବଂ ଏକ ଇଂରାଜୀ କବିତା ପାଠ କରିଥିଲେ l ସୂଚନାଯୋଗ୍ୟ ଯେ, ଦୀର୍ଘ ତିନି ଦଶନ୍ଧିରୁ ଉଭୟ ହିନ୍ଦୀ ଓ ଓଡ଼ିଆ କବିତାରେ ସକ୍ରିୟ ରହିବା ସହ ଏକାଧିକ ପୁସ୍ତକର ଲେଖକ ତଥା ମହୁରି ପତ୍ରିକାର ମୁଖ୍ୟ ସମ୍ପାଦକ କବି ଭବାନୀଶଙ୍କର ନିଆଲଙ୍କ କବିତା କ୍ରମାଗତ ଭାବେ ଇଂରାଜୀ, ଇଟାଲୀ, ସର୍ବିଆ, ରୁଷ ପରେ ଚୀନ ଭାଷାରେ ଅନୂଦିତ ହେବା ଏକ ଗୌରବର ବିଷୟ। ଉକ୍ତ କବିତା ଗୁଡିକୁ ଇଂରାଜୀରେ ଅଧ୍ୟାପକ ବଙ୍କିମ ମୁଣ୍ଡ ଏବଂ 

ଗୋବିନ୍ଦ ସାହୁ,ଇଟାଲୀରେ କବି ଇମାନୁଏଲା ରିଜୋ ଏବଂ ସର୍ବିଆରେ ପ୍ରଖ୍ୟାତ କବି ତଥା ଅଧ୍ୟାପିକା ସୋଭା ସୋଭକା ସୋଭିକ ଅନୁବାଦ କରିଥିବା ବେଳେ ରୁଷ ଭାଷାରେ ପ୍ରଖ୍ୟାତ ରୁଷ ଲେଖିକା ଏଲିନା ଡାନିସିନା ଏବଂ ଚୀନ ଭାଷାରେ ତାଇୱାନ ଲେଖିକା ଲାଉ ଫୁ ଅନୁବାଦ କରିଛନ୍ତି।କବିଙ୍କ ଏହି ସଫଳତାରେ ରାଜ୍ୟ ଓ ଜିଲ୍ଲାରେ ଖୁସିର ଲହରୀ ଖେଳିଯାଇଛି