13-Jun-2021

ସମ୍ବଲପୁର, (ସଞ୍ଜୀବ କୁମାର ପାଣିଗ୍ରାହୀ): ଉତ୍ତରାଞ୍ଚଳ ଡି ଆଇ. ଜି ଭାବେ ଆଜି ଯୋଗଦେଲେ ୨୦୦୪  ବ୍ୟାଚର ଆଇପିଏସ୍ ଦୀପକ କୁମାର। ଆଜି ଉତ୍ତରାଞ୍ଚଳ ରେଞ୍ଜ ସମସ୍ତ ଏସ୍ ପି ଙ୍କ ଉପସ୍ଥିତି ରେ ଆଇ. ଜି ନରସିଂହ ଭୋଳଙ୍କ ଠାରୁ ଦାୟିତ୍ୱ ଗ୍ରହଣ କରିଛନ୍ତି ଦୀପକ କୁମାର। ସେଣ୍ଟ୍ରାଲ ଡେପୁଟସନରୁ ଫେରିବା ପରେ ତାଙ୍କୁ ଉତ୍ତରାଞ୍ଚଳ ଡି. ଆଇ. ଜି ରୂପେ ରାଜ୍ୟ ସରକାର ଅବସ୍ଥାପିତ କରିଛନ୍ତି । ଏହି ରେଞ୍ଜ ର କୋଉ ପ୍ରସଙ୍ଗ ଉପରେ ବିଶେଷ ଫୋକସ  ଦିଆଯିବ ଓ ମାଓ ସମସ୍ୟା ଉପରେ କି ରଣନୀତି ଗ୍ରହଣ କରାଯିବ ପ୍ରଶ୍ନର ଉତ୍ତରରେ  ସବୁ ଏସ୍ ପି ଙ୍କ ସହିତ ଆଲୋଚନା କରି ସାରିବା ପରେ  ସବୁ ପ୍ରସଙ୍ଗ ଉପରେ ରଣନୀତି ପ୍ରସ୍ତୁତ କରାଯିବ ବୋଲି ଡି ଆଇ ଜି  ଦୀପକ କୁମାର ସୂଚନା ଦେଇଛନ୍ତି । ଦୀପକ କୁମାର ଆଗରୁ ବଲାଙ୍ଗୀର ଏସ୍ ପି ଭାବେ କାମ କରିଥିବାରୁ ତାଙ୍କୁ ବିଶେଷ କିଛି ଅସୁବିଧା ହେବନାହିଁ ବୋଲି ନବ ନିଯୁକ୍ତ ଡି ଆଇ ଜି ସୂଚନା ଦେଇଛନ୍ତି । ସମ୍ବଲପୁର, ବରଗଡ଼, ବଲାଙ୍ଗୀର ଓ ସୁବର୍ଣପୁର ଏସ୍ ପି ଏହି ଦାୟିତ୍ୱ ହସ୍ତାନ୍ତର  ସମୟରେ ଉପସ୍ଥିତ ରହିଥିଲେ ।