12-Jun-2021

ଭୁବନେଶ୍ବର (ପ୍ରେରଣା ଖବର ବ୍ୟୁରୋ) : ଅନଲକ୍ ଆରମ୍ଭ ହେଲେ ଗ୍ରାଜୁଆଲ ଅନଲକ ଆରମ୍ଭ ହେବ l ଏହା ଆମ ପାଇଁ ଭଲ । ଅନ୍ୟ ରାଜ୍ୟ ମାନେ ବି ଏହି ପନ୍ଥା ଅବଲମ୍ବନ କରିଛନ୍ତି । କିଛି କଟକଣା କୋହଳ ହେବ କିଛି କଟକଣା ପୂର୍ବ ପରି ବଳବତ୍ତର ରହିବ । ଅନଲକ ପାଇଁ ସବୁ ଦିଗରୁ ସରକାର ବିଚାର ବିମର୍ଶ କରି ନିଷ୍ପତ୍ତି ନେଉଛନ୍ତି ମାତ୍ର ଲୋକମାନେ ଯଦି ଏହାର ସଠିକ ବ୍ୟବହାର ନ କରିବେ ତେବେ ପୁଣି ଥରେ ତାହାର ନେଗେଟିଭ ଆଫେକ୍ଟ ପଡ଼ିପାରେ  ବୋଲି ସ୍ୱାସ୍ଥ୍ୟ ନିର୍ଦେଶକ ବିଜୟ ମହାପାତ୍ର ସୂଚନା ଦେଇଛନ୍ତି lସମସ୍ତ ଜିଲ୍ଲା ଗୁଡିକ ତିନୋଟି ଜୋନରେ ବିଭକ୍ତ କରାଯାଇ ଆମେ ସ୍ଥିତି ଉପରେ ନଜର ରଖିଛୁ ବୋଲି ଶ୍ରୀ ମହାପାତ୍ର କହିଛନ୍ତି । ଜୁନ୍ 17 ତାରିଖ ପରେ କଣ ହେବ ସେ ନେଇ ଖୁବଶୀଘ୍ର ବୈଠକ ଡ଼କାଯାଇ ନିଷ୍ପତ୍ତି ନିଆଯିବ । 10 ପ୍ରତିଶତ ଉପରେ ସଂକ୍ରମଣ ହାର ଥିବା ଜିଲ୍ଲା ଗୁଡିକରେ କଟକଣା ବଳବତ୍ତର ରହିବ । ଯେଉଁଠି ସଂକ୍ରମଣ ହାର 5 ପ୍ରତିଶତ ତଳେ ରହୁଛି ସେହି ଜିଲ୍ଲାରେ କିଛି କଟକଣା କୋହଳ କରାଯିବ । ମାତ୍ର ଶେଷ ନିଷ୍ପତ୍ତି ସରକାର ହିଁ ନେବେ ସବୁ ଜିନିଷକୁ ବ୍ୟାଖ୍ୟାନ କରିବା ପରେ ହିଁ ନିଷ୍ପତ୍ତି ନିଆଯିବ ବୋଲି ଶ୍ରୀ ମହାପାତ୍ର ସ୍ପଷ୍ଟ କରିଛନ୍ତି 

ମୃତ୍ୟୁ ସଂଖ୍ୟା ବଢିବା ପଛରେ ରହିଛି ଦୁଇଟି କାରଣ । ପୂର୍ବ କେସ ଲୋଡ଼ ଓ ବର୍ତ୍ତମାନ ବି କିଛି ଲୋକ କ୍ରିଟିକାଲ ଥିବା ଯୋଗୁ ବଢୁଛି ମୃତ୍ୟୁ ସଂଖ୍ୟା । ମାତ୍ର ଏଥିପାଇଁ ଚିନ୍ତା କରିବାର ଆବଶ୍ୟକ ନାହିଁ । ବର୍ତ୍ତମାନ 62 ପ୍ରତିଶତ ରୋଗୀ ଆଇସିୟୁ ଓ 62 ପ୍ରତିଶତ ରୋଗୀ ଭେଂଟିଲେଟରରେ ଅଛନ୍ତି ବୋଲି ଶ୍ରୀ ମହାପାତ୍ର ସୂଚନା ଦେଇଛନ୍ତି l