09-Jun-2021

 ବଲାଙ୍ଗିର,(ପ୍ରେରଣା ଖବର)-ଆଜି ଦିବା ଘ.୧୧ ସମୟରେ ଯୁବ କଳକାର ସଂଘ ବଲାଙ୍ଗିର ତରଫରୁ ଓଡିଶାର ସୁପରିଚିତ ଆମ ମାଟିର ଗର୍ବ ଓ ଗୌରବ ଅଟଲ ବିହାରୀ ପଣ୍ଡା ଓ ଡୁଲେଶ୍ୱର ଦାସ (ମି ଡୋଲୁ)ଙ୍କୁ ଗୁଗୁଲ ମିଟ ମାଧ୍ୟମରେ ଏକ ଶ୍ରଦ୍ଧାଞ୍ଜଳି ସଭା କରାଯାଇଥିଲା । ଓଡିଶାର ଘରେ ଘରେ ପରିଚିତ ଆମର ମାଟିର ଗର୍ବ  ଓ ଗୌରବ ଯିଏ ବୃଦ୍ଧ ବୟସରେ ଅଭିନୟ କରି ସମସ୍ତଙ୍କ ହୃଦୟରେ ହିରୋ ହୋଇ ବସି ସାରିଥିଲେ   ଏବଂ ଅନ୍ୟ ଜଣେ ଖୁବ କମ୍ ବୟସରେ କମ ସମୟ ମଧ୍ୟରେ ହାସ୍ୟ କଲା ମାଧ୍ୟମରେ ସମସ୍ତଙ୍କ ହୃଦୟରେ ବସି ପାରିଥିଲେ ।  ଏହି ଦୁଇ କଳକାର ଙ୍କ ବିୟୋଗରେ ସ୍ତବ୍ଧ  ହୋଇପଡିଥିଲା । ଆଜି ଯୁବ କଳକାର ସଂଘ ବଲାଙ୍ଗିର ବଲାଙ୍ଗିର ତରଫରୁ କରୋନା କଟକଣାକୁ ଆଖି ଆଗରେ ରଖି ଗୁଗୁଲ ମିଟ ମାଧ୍ୟମରେ  ଏକ ଶ୍ରଦ୍ଧାଞ୍ଜଳୀ ସଭା କରାଯାଇଥିଲା । ସର୍ବ ପ୍ରଥମେ ଅମର ଆତ୍ମାର ସତଗତି କାମନା ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ପରବର୍ତ୍ତୀ ସମୟରେ ବିନୋଦ କୁମାର କାଲସାଏଙ୍କ ସଭାପତିତ୍ୱରେ ସଭା କାର୍ଯ୍ୟ ପରିଚାଳନା କରାଯାଇଥିଲା । ସମସ୍ତ କଳାକାର ଦୁଇ କଳାକାରଙ୍କ ସ୍ମୃତି ଚାରଣ କରି ଅମର ଆତ୍ମାର ସତଗତି କାମନା କରିଥିଲେ ।  ଏହି କାର୍ଯ୍ୟକ୍ରମରେ ଅର୍ଚ୍ଚନା ପାଢୀ, ମିଲି ବାରିକ, ରୋସନୀ ମହାନନ୍ଦ, ଆରାଧନା ତ୍ରିପାଠୀ, ଗୋପାଳ ପ୍ରଧାନ, ଗୋବର୍ଦ୍ଧନ ଭୋଇ, ଅଜୟ ନାଗ, ବିଜୟ ବେହେରା,  ଏମ୍‌.ଏନ୍ ଭରତ ନାଗ, ଅମିୟ ବରିହା, ଝଲ ବାରିକ, ରୋସନ ରାଜ ବିବେକ କୁମାର, ନୂତନ ମିଶ୍ର, ଆଇ.କେ. ମନିଷ, ସୁଭମ ଉଦୁରକୁଲିଆ, ସୁମେଷ ଡାଙ୍ଗ, ଥବିର କର୍ମୀ, ରିକି, ସଶୀ ପ୍ରମୁଖ କଳାକାରମାନେ ଯୋଗଦାନ କରି ସ୍ମୃତି ଚାରଣ କରିଥିଲେ ।