08-Jun-2021

ବିନିକା (ହିମାଂଶୁ ଶେଖର ପୁଟେଲ) ବିନିକା ସ୍ଥିତ ସିଦ୍ଧାର୍ଥ ଡିଗ୍ରୀ କଲେଜ ରେଡକ୍ରସ ବିଭାଗ ତରଫରୁ ଆଜି ଅପରାହ୍ନ ୩ଘଣ୍ଟା ସମୟରେ ଅାକସ୍ମିତ ବିପତ୍ତି ପରିଚାଳନା କୁ ନେଇ ଏକ ରାଜ୍ୟ ସ୍ତରୀୟ ୱେବନାର ଅନୁଷ୍ଟିତ ହୋଇ ଯାଇଛି l ଏହାକୁ ରାଜ୍ୟ ରେଡକ୍ରସ ବିଭାଗ ଅଫିସର ତଥା ଆଇଆରସିଏସ ଓଡ଼ିଶା ଶାଖାର ଡକ୍ତର ଅଜୟ କୁମାର ତ୍ରିପାଠୀ ଉଦଘାଟନ କରିଥିଲେ l ଏଥିରେ ମୁଖ୍ୟ ଅତିଥି ଭାବେ ସୋନପୁର ଉପଜିଲ୍ଲାପାଳ ନିହାର ରଞ୍ଜନ କହଁର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପ୍ରିନସିପାଲ କମ ଚେଆରମେନ ଓ୍ୱାଆରସି ସୋନପୁର ର  ପ୍ରଫେସର ରାଜୀବ ଲୋଚନ ଆଚାର୍ଯ୍ୟ, ୱାଆରସି ଜିଲ୍ଲା କୋଡିନେଟର ପ୍ରଫେସର ଉମାକାନ୍ତ ନାଗ,ୱାଆରସି ରାଜ୍ୟ ସ୍ତରୀୟ କୋଡିନେଟର ପ୍ରଫେସର ଗୋପାଳ କୃଷ୍ଣ ଦାଶ ପ୍ରମୁଖ ଯୋଗ ଦେଇଥିଲେ l ଏଥିରେ ଆକସ୍ମିତ ବିପତ୍ତି ପରିଚାଳନା ଉପରେ ଭର୍ଚୁଆଲ ମାଧ୍ୟମରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା l ପ୍ରାରମ୍ଭରେ ଅଧ୍ୟାପକ ହରିଶଚନ୍ଦ୍ର ହୋତା ବେଦପାଠ କରିଥିବା ବେଳେ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକ ଭର୍ଚୁଆଲ ସଭାର ଉଦ୍ଦେଶ୍ୟ ଓ ରେଡକ୍ରସ କାଉନସିଲର ବିଶ୍ଵନାଥ ମିଶ୍ର ଅତିଥି ପରିଚୟ ପ୍ରଦାନ କରିଥିଲେ l ଶେଷରେ ରେଡକ୍ରସ ମହିଳା କାଉନସିଲର ତଥା ଅଧ୍ୟାପିକା ବିଘ୍ନେଶ୍ୱରି ପୂଜାରୀ ଧନ୍ୟବାଦ ଅର୍ପଣ କରିଥିଲେ l