05-Jun-2021

ଭୁବନେଶ୍ବର (ପ୍ରେରଣା ଖବର ବ୍ୟୁରୋ) ଜୁନ ୧୭ପରେ ଆଉ ଲକଡାଉନର ଆବଶ୍ୟକତା ପଡିବ ନାହିଁ । କିନ୍ତୁ, ଲୋକମାନଙ୍କୁ ଅଧିକ ସର୍ତକ ଓ ସଚେତନ ରହିବା ଆବଶ୍ୟକ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି । ବର୍ତ୍ତମାନ ରାଜ୍ୟରେ ୧୦ପ୍ରତିଶତ ପୋଜିଟିଭ ହାର ରହିଛି, ଜୁନ୍ ୧୭ବେଳକୁ ପୋଜିଟିଭ ହାର ୫ପ୍ରତିଶତ ତଳକୁ ଖସିଯାଇଥିବ । ତେଣୁ ଆଉ ଲକଡାଉନର ଆବଶ୍ୟକତା ପଡିବ ନାହିଁ । କେବଳ କିଛି କଟକଣା ମଧ୍ୟରେ ଅନଲକ ପକ୍ରିୟା ଆରମ୍ଭ ହେବ । ଭୁବନେଶ୍ବରରେ କୋଭାକ୍ସିନ୍ ଟିକା ଉପଲବଧ୍ ନଥିଲେ, କୋଭିସିଲ୍ଡ ଟିକା ଲୋକମାନଙ୍କୁ ପ୍ରଦାନ କରାଯାଉ । ହେଲେ କାହାକୁ ମିକ୍ସଡ୍ ଡୋଜ ଦିଆନଯାଉ । ପ୍ରଥମ  ଡୋଜ୍ ଯେଉଁ ଟିକା ନେଇଥିବେ  ଦ୍ବିତୀୟ ଡୋଜ୍ ମଧ୍ୟ ସେହି ଟିକା  ନେବା ଜରୁରୀ । ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନୀରୋଜ ମିଶ୍ର ଏହି ସୂଚନା ଦେଇଛନ୍ତି