24-May-2021

ବଲାଙ୍ଗିର (ପ୍ରେରଣା ବ୍ୟୁରୋ): କରୋନା ବେମାର୍ ଲାଗି ଇହାଦେ ସାରା ଦେଶ୍‌ନେ ହା-ହା-କାର୍ । ସେ କରୋନା ବେମାର୍ ଲାଗି ଇହାଦେ ମୁନୁଷ୍ କାହାରିର୍ ବି ବିପଦ୍ ଆପଦ୍‌ନେ ଠିଆ ହେବାର୍ ଲାଗି ଡରି ମରୁଛେ । ସେଥିର୍ ଲାଗି ବଲି କେତେ କେତେ ଆଡେ କେତେ ହୁରୁଦ୍‌ଫଟା କଥା ମାନେ ଶୁନ୍‌ବାର୍ କେ ମିଲୁଛେ ଯେ ଛାତି ଥରି ଯାଉଛେ । ବାକି ଏନ୍ତା ସମିଆକେ ଆଗ୍‌କେ ଆସିଛନ  କରୋନା ୱରିୟର୍ ଗ୍ରୁପ୍ ର  ସଦସ୍ୟ ମାନେ l ସ୍ଵେଚ୍ଛାସେବୀ  ଅଜୟ କୁମାର ନାଗ ସୁନ୍ଦର୍ ବିଶି ଆରୁ ବିରସେନ୍ ସାହୁ କରୋନା ଆକ୍ରାନ୍ତ  ସଇଁତଳା ଅଞ୍ଚଳ ଜନେ ଅସହାୟ ରୋଗୀ କେ ଭୀମ ଭୋଇ ମେଡିକାଲ କଲେଜ ହସ୍ପିଟାଲ କେ ନେଇ ଡାକ୍ତର କେ ଦେଖେଇ  ଫେର  କିମସ୍ କୋଭିଡ ସେଣ୍ଟର କେ ନେଇ ଭର୍ତି କରିଥିଲେ  । ଇ କରୋନା ମହାମାରୀ ସାମିଆ ଥି କୋଭିଡ଼ ରୋଗୀ ମାନଙ୍କୁ  ମେଡିକାଲ୍ ସାହାଯ୍ୟ କରୁଛନ୍ ଆରୁ ମୁନୁସପନ୍ ର ପରିଚୟ ଦେଉଛନ୍।