20-May-2021

କଣ୍ଟାମାଳ(ଅକୃର ସାହୁ): ଭାରତ ସ୍ଵାଧୀନ ହେବା ର ଦୀର୍ଘ ଵର୍ଷ ବିତି ଥିଲେ ସୁଦ୍ଧା ଅନେକ ଗାଁ କୁ ରାସ୍ତା ନାହିଁ ଓ ଗାଁ କୁ ପିଇବା ପାଣି ନାହିଁ  । କାଗଜ ପତ୍ର ରେ ସବୁ ଅଛି  କିନ୍ତୁ ପ୍ରକୃତ ରେ କିଛି ନାହିଁ । ଲୋକଙ୍କ ମୌଳିକ ଆବଶ୍ୟକତା ମଧ୍ୟ ପୂରଣ ହୋଇପାରି ନଥିବା ଯୋଗୁଁ ଜନସାଧାରଣରେ ଅସନ୍ତୋଷ ପ୍ରକାଶ ପାଇଛି l ଗ୍ରାମାଞ୍ଚଳରେ ଵାସ କରୁଥିବା ଲୋକଙ୍କ ପାଇଁ ଏ ଦୁର୍ଦ୍ଦଶାର ଦିନ କେବେ ଦୂର ହେବ  । ରୋଗୀ ନେବା   ପାଇଁ ଆମ୍ଵୁଲାସ ଆସିପାରୁନି । ରୋଗୀ କୁ ଖଟିଆରେ ବୋହିବାକୁ ପଡୁଛି  । ଗ୍ରୀଷ୍ମ ଋତୁ ର ପ୍ରଚଣ୍ଡ ରୌଦ୍ରତାପ ରେ  ଶୋଷ ମେଣ୍ଟାଇବା ପାଇଁ ଓ ଗାଧୋଇ ପାଇଁ ଅନେକ ଦୁର   ଯିବାକୁ ପଡୁଛି  । ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ବରଗାଁ ପଞ୍ଚାୟତ ମାତାକୁପା ୱାର୍ଡ଼ ର ଦୁର୍ଗମ ଅଞ୍ଚଳରେ ଏପରି ଅଭାବନୀୟ

ଦୃଶ୍ୟ ଦେଖିବାକୁ ମିଳିଛି l ବରଗାଁ ପଞ୍ଚାୟତ ଅଧିନରେ ବାସ କରୁଥିବ ଉତ୍ତୁଳ୍ଳା, ଉତ୍ତୁଲ୍ଳା ନୁଆଁ ସାହି, ଚିଙ୍ଗିଯୋର, ଲବାରକାଣି  ଓ  ଳଵାରକାଣି ଉପରପଡା ଗ୍ରାମବାସୀ ଅସୁବିଧା ର ସମ୍ମୁଖୀନ ହେଉଛନ୍ତି  । ସରକାରୀ ବାବୁଙ୍କୁ ଵାମ୍ଵାର ଜଣାଇଲେ ସୁଧା କୌଣସି ପଦକ୍ଷେପ ନିଆଯାଉ ନାହିଁ  । ବରଗାଁ ପଞ୍ଚାୟତ ତରଫରୁ ଟେଙ୍କର ଦ୍ଵାରା ଜଳ ଯୋଗାଉଥିଵା ପାଣି ପହଞ୍ଚିପାରୁ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି  ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି    ଦେଇ ବରଗାଁ ପଞ୍ଚାୟତ ରେ ଲୋକଙ୍କ ମୌଳିକ ସୁବିଧା ପ୍ରଦାନ ପାଇଁ ଦାବି  ହେଉଛି l