20-May-2021

ନର୍ଲା (ସଞ୍ଜୀବ ଦାସ): ଏବେ ବି ମାନବିକତା ବଞ୍ଚିଛି l ସମାଜର କିଛି ସହୃଦୟ ବ୍ୟକ୍ତିଙ୍କ ଯୋଗୁଁ ଅନେକ ଅସହାୟ ଲୋକ ବଞ୍ଚିବାର ଆଶା ଉଜ୍ଜିବିତ କରିପାରୁଛନ୍ତି l ଦୁଃଖ ସମୟରେ ଏପରି କିଛି ସାମାଜିକ କାମ କରିଛନ୍ତି ନର୍ଲା ବ୍ଲକର  ଶିକ୍ଷକ ଗୋଷ୍ଠୀ l

   ନର୍ଲା ବ୍ଲକ ଅନ୍ତର୍ଗତ ଖଇରମାଲ ପ୍ରାଥମିକ ବିଦ୍ୟାଳୟର ଶିକ୍ଷକ ସ୍ଵର୍ଗତ ତୁମେଶ୍ଵର ମାଝୀ କିଛି ଦିନ ତଳେ  କୋଭିଡ-19 ରେ ପ୍ରାଣ ହରାଇଥିଲେ । ଏହି ପରିପ୍ରେକ୍ଷୀରେ ଖଇରମାଲ କ୍ଳଷ୍ଟରରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଏକଜୁଟ ହେଇ ଆର୍ଥିକ ସହାୟତାର ହାତ ବଢ଼ାଇଥିଲେ । ସ୍ଵର୍ଗତ ତୁମେଶ୍ଵର ମାଝୀଙ୍କ ଘରକୁ ଯାଇ ସହାୟତାର ହାତ ବଢ଼ାଇଥିଲେ । ମାଝୀ ଙ୍କ ପରିବାର ଲୋକଙ୍କୁ ସମଵେଦନା ଜ୍ଞାପନା କରିଵା ସହ ୧୭.୫୦୦ ଟଙ୍କା ଆର୍ଥିକ ସହାୟତା ପ୍ରଦାନ କରିଥିଲେ ।

ଶିକ୍ଷକ ମାନଙ୍କ ମଧ୍ୟରୁ ଟଙ୍କଧର ନିହାଳ, ସୁବାଷ ମାଝୀ, ଅମର ସିଂ ମାଝୀ,ସତ୍ୟ ନାରାୟଣ ମାଝୀ ପ୍ରମୁଖ ଉପସ୍ଥିତ ଥିଲେ ।           ଏଠାରେ ପ୍ରକାଶ ଥାଉ କି ଯେ ସ୍ଵର୍ଗତ ମାଝୀଙ୍କ ଗୋଟିଏ ପୁଅ ଗୋଟିଏ ଝିଅ ଥିବା ବେଳେ ପୁର୍ବରୁ ତାଙ୍କ ସ୍ତ୍ରୀ ପୁଅ ଜନ୍ମ କଲା ପରେ ପ୍ରସବ ଜନିତ ଯନ୍ତ୍ରଣା ଯୋଗୁଁ ମୃତ୍ୟୁ ବରଣ କରିଥିଲେ।ପରେ ସ୍ଵର୍ଗତ ମାଝୀଙ୍କ ବାପା ଵି ଆର ପାରି କୁ ଚାଲିଗଲେ l  ବର୍ତ୍ତମାନ ବାପ ମାଁ ଛେଉଣ୍ଡ ପିଲା ତାଙ୍କ ଜେଜେ ମାଁ ପାଖରେ ରହୁଛନ୍ତି। ସ୍ଵର୍ଗତ ମାଝୀ ଶିକ୍ଷକତା କରି ପରିବାର ପୋଷଣ କରୁଥିଲେ l ବର୍ତ୍ତମାନ ଦୁଇ କୁନି ଛୁଆ ବେସାହାରା ହୋଇ ଯାଇଛନ୍ତି ବୋଲି ତାଙ୍କ ଜେଜେ ମାଁ ଦୁଃଖର ସହ କହିଛନ୍ତି। ଯଦି କୌଣସି ସୁଚିନ୍ତିତ ବ୍ୟକ୍ତି ସହଯୋଗରେ ହାତ ବଢାନ୍ତି ତେବେ ଶିକ୍ଷକ ଟଙ୍କଧର ନିହାଳ ୮୨୪୯୩୭୦୬୫୯  ଓ ସାମ୍ବାଦିକ ଦିପକ ଠାକୁରଙ୍କ ୮୧୧୮୦୭୧୫୪୧ ସହ ଯୋଗାଯୋଗ କରିବା ପାଇଁ  ଅନୁରୋଧ।