18-May-2021

ଟିଟିଲାଗଡ଼,(ପ୍ରେରଣା ଖବର): ବଲାଙ୍ଗୀର ଜିଲ୍ଲାରେ  କରୋନା  ଉପରମୁହାଁ  ହେଉଥିବା ବେଳେ ମହାମାରୀ କରୋନାକୁ ଆୟତ୍ତ କରିବା ପାଇଁ ସରକାର  ବିଭିନ୍ନ  ଗାଇଡ଼ ଲାଇନ  କଡାକଡ଼ି ଭାବେ ପାଳନ ସହ  ବ୍ୟାପକ  ସଚେତନତା କାର୍ଯ୍ୟକ୍ରମ ହାତକୁ ନେଇଛନ୍ତି l ରାଜ୍ୟ ସରକାର କୋଭିଡ ଗାଇଡଲାଇନକୁ ପାଳନ କରିବା ପାଇଁ ଲୋକଙ୍କୁ ଅନୁରୋଧ କରୁଛନ୍ତି l ଏପରି ସ୍ଥଳେ  ଟିଟିଲାଗଡ଼  ଏନ୍ଫୋର୍ସମେଣ୍ଟ  ଟିମର  ମୁଖ୍ୟ ସ୍ଥାନୀୟ ତହସିଲଦାର ତଥା  ନିର୍ବାହୀ ମାଜିଷ୍ଟ୍ରେଟ  ପ୍ରେମଲାଲ  ହିଆଲ ଓ  ପୋଲିସ  ସଦଳବଳେ   ଅମାନିଆଙ୍କୁ ସାବାଡ଼  ଓ  ଚେକିଂ କରିବା   ସମୟରେ  ଖୋଦ  ନିଜେ ତହସିଲଦାର  ଶ୍ରୀ  ହିଆଲଙ୍କ  ମୁହଁରେ  ମାସ୍କ  ନଥିବା ଭିଡିଓ ଭାଇରାଲ  ହେଉଛି ।   ସାଧାରଣରେ  ପ୍ରଶ୍ନ  ଉଠୁଛି  ଯେ   ଏକ  ସାଧାରଣ ଲୋକଙ୍କ  ମୁହଁରେ  କିମ୍ବା ପାଟି ଓ  ନାକ  ମାସ୍କରେ  ଘୋଡେଇ  ହୋଇ  ନଥିଲେ  ଏହି  ଅଧିକାରୀ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବା ବେଳେ   ନିଜେ ଆଇନକୁ  ଜଣେ ଦାଇତ୍ୱସମ୍ପନ୍ନ ଅଧିକାରୀ ହୋଇ ଅବମାନନା  କରିବା କେତେ ଯୁକ୍ତିଯୁକ୍ତ ତାହା ପ୍ରଶ୍ନବାଚୀ ସୃଷ୍ଟି ହୋଇଛି । ଏଥି ପ୍ରତି  ବଲାଙ୍ଗୀର  ଜିଲ୍ଲାପାଳ  ଓ ରାଜ୍ୟସରକାର ଙ୍କ  ସ୍ପେସିଆଲ  ରିଲିଫ କମିଶନର ଦୃଷ୍ଟି ଦେବା ପାଇଁ  ସାଧାରଣ ଓ  ବୁଦ୍ଧିଜୀବୀ  ମହଲରେ  ଦାବୀ  ହେଉଛି  !